Connect with us

تازه خبرونه

طالبان هوښیار دي او امریکا هم نه غواړي د پولیسو دنده ولري- ترمپ

خپور شوی

د

(Last Updated On: وږی ۲۹, ۱۳۹۹)

د امریکا ولسمشر دونالد ترمپ ویلي؛ طالبان ټینګ او هوښیار خلک دي او امریکا ور سره ښه معامله کولی شي او دوی هم نه غواړي سرتېري یې په افغانستان کې د پولیسو دنده تر سره کړي.

 د امریکا ولسمشر ترمپ ویلي؛ له خپلې ژمنې سره به له افغانستان څخه خپل سرتېري وباسي او تر راتلونکیو څو اوونیو پورې به په افغانستان کې د امریکايي سرتېرو شمېر له ۴۰۰۰ هم کم شي او بیا به وروستۍ پرېکړه کوو. دوی ډېر ټینګ، ډېر هوښیار او ډېر تېز دي؛ خو پوهېږئ، ۱۹ کاله کېږي ان دوی هم له جګړې ستړي شوي دي.

امریکا له تېرو شل کلونو راپدیخوا له طالبانو سره په جګړه کې میلیاردونه دالر ولګول؛ خو اوس یې ولسمشر پرېکړه کړې، چې سرتېري به له افغانستان څخه وباسي.

نوموړي په ډاګه کړې، چې: مونږ له طالبانو سره ښې خبرې کوو؛ هغه خبرې تاسې اورئ او هر څه مو ولیدل. ډېر ژر به په افغانستان کې د خپلو سرتېرو شمېر له ۴۰۰۰ هم راکم کړو او که ځانګړي څه رامنځته شول، بیخې به راووځو.

دغه راز د ناتو پوځي کمیتې ویلي، چې په افغانستان کې د دغه سازمان د سرتېرو پاتې کیدل د دغه هېواد له شرایطو سره تړلي دي.

د ناتو د پوځي کمیتې مشر ستوارت پیچ څرګنده کړې، چې: مونږ له افغانستان سره پخپلو همکاریو ټينګار کوو. زمونږ د ماموریت راتلونکی د افغانستان له شرایطو سره پورې تړلی دی. دا، چې د سولې له بهیره ملاتړ وښیو هلته مو د خپلو سرتېرو شمېر دولس زره ته راټيټ کړ.

پاکستان بیا ويلي، چې د خپلمنځي خبرو د پیل لپاره یې خپله ونډه پر ځای کړې او اوس د افغان رهبرانو وار دی، چې څه ډول فرمان صادروي.

د پاکستان  د بهرنیو چارو وزارت ویاند زاهد حفیظ چوهدری ویلي: مونږ تمه لرو، چې ټولې خواوې پخپلو ژمنو عمل وکړي. لاسته راوړنې وساتي او په خبرو کې هوکړې ته ورسیږي.

د افغانانو خپلمنځي خبرې د قطر په پلازمېنه دوحه کې روانې دي. ناتو او امریکا په دغو خبرو کې د څارګرو په توګه حضور لري. ولیدل شي، چې د حکومت او طالبانو په دغو خبرو کې به د افغانستان د راتلونکي برخلیک په اړه څه پرېکړه کیږي.

 

تازه خبرونه

افغانستان د پاکستان سفارت چارسمبالی احضار کړ

Published

on

(Last Updated On: کب ۲۸, ۱۴۰۲)

د افغانستان اسلامي امارت بهرنیو چارو وزارت د پاکستانيو پوځیانو له‌خوا د افغانستان له حریمه د سرغړونې په غبرګون کې د پاکستان سفارت چارسمبالی احضار او احتجاج‌لیک یې ورته وسپاره.

د افغانستان اسلامي امارت د بهرنیو چارو وزارت د څرګندونو له مخې؛ افغانستان د نړۍ د زبرځواکونو پرخلاف د ازادۍ د اوږدې مبارزې تجربه لري،  پخپله خاوره تېری نشي زغملی.

پاکستانی ولس او نوی ملکي حکومت باید پرېنږدي، چې ځینې کړۍ پر غیر مسوولانه کړنو خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

Continue Reading

تازه خبرونه

افغان سرحدي ځواکونو فرضي کرښې ته نږدې د پاکستان پوځي مرکزونه وویشتل

Published

on

(Last Updated On: کب ۲۸, ۱۴۰۲)

د افغانستان ملي دفاع وزارت نن (دوشنبه د کب اته‌ویشتمه) څرګنده کړې، چې د پاکستان جنګي او جاسوسي جیټ الوتکې یو ځل بیا د افغانستان خاورې ته ننوتلي او د پکتیکا په سپیرې او د خوست برمل ولسوالیو کې یې د ملکي خلکو پر کورونو بمبارډ کړی دی.

د دغه وزارت ویاند عنایت الله خوارزمي په ایکس پاڼه کې لیکلي، چې: د پاکستان د هوایي یرخل او تېري په ځواب کې افغان سرحدي ځواکونو د فرضي کرښې په اوږدو کې د پاکستان پوځي مرکزونه پر درندو وسلو ویشتي دي.

خوارزمي زیاته کړې، د هېواد دفاعي او امنیتي ځواکونه د هر ډول تېري ځواب ورکولو ته چمتو دي او په هر حالت کې به له خپلې ځمکنۍ بشپړتیا څخه دفاع کوي.

د پاکستان پر پوځي مرکز له خونړي برید وروسته د دغه هېواد لوړپوړو چارواکو د غچ اخیستو شعارونه ورکړل.

د پاکستان ولسمشر اصف علي زرداري ویلي: پاکستان پرېکړه کړې هر څوک، چې زمونږ پر پولو، زمونږ پر کور او یا زمونږ پر مالونو برید وکړي؛ مونږ به ورته سخت ځواب ورکړو، هغه که هر څوک وي او د هر هېواد وي.

د پاکستان د ولسمشر له دغو څرګندونو یوه ورځ وروسته تېره شپه د دغه هېواد کشفي او جنګي الوتکو د پکتیکا پر برمل او د خوست په سپېره ولسوالیو بریدونه وکړل.

د پاکستان له خوا ادعا شوې چې په دغو بريدونو کې د ټي ټي پي يو قوماندان پر نښه شوى دى.

له دغه برید څو ساعته وروسته د پاکستان د وزیرستان له سیمې د ټي ټي پي د یاد قوماندان عبدالله شاه ویډیو کلیپ خپور شو.

دغه هوايي بریدونه د اسلامي امارت له سخت غبرګون سره مخ شوي دي.

ذبيح الله مجاهد دغه بریدونه غندلي او وايي، چې دا ډول پېښې به ډېرې بدې پايلې ولري، چې د پاکستان له کنټروله به بهر وي.

اسلامي امارت وایي، چې پاکستان باید د خپلې بې کفایتۍ او ناکامۍ پړه پر افغانستان وانه‌چوي.

دا په داسې حال کې ده، چې د پاکستان په هوايي بريدونو کې د پکتيکا درې ښځې او درې ماشومان وژل شوي او دوه نورو میرمنو د خوست په سپیره ولسوالۍ کې خپل ژوند له لاسه ورکړیدی.

Continue Reading

تازه خبرونه

په پکتیکا او خوست کې د پاکستان هوایي بریدونه پر افغان خاورې ښکاره تېری دی – مجاهد

Published

on

(Last Updated On: کب ۲۸, ۱۴۰۲)

د اسلامي امارت ویاند څرګنده کړې، چې تېره شپه شاوخوا ۳ بجې پاکستانیو الوتکو د پکتیکا ولایت د برمل لمنه او د خوست سپیرې ولسوالۍ د افغان دوبۍ په اړوند سیمو کې د عامو وګړو پر کورونو بمبارد کړی دی.

ذبیح الله مجاهد د دوشنبې پر ورځ ( د کب پر اته‌ویشتمه ) په ایکس پاڼه کې یاد بريدونه پر کلکو ټکو غندي او دغه غيرسنجيده اقدام د افغانستان پر حریم تجاوز او تېری بولي.

ذبیح الله مجاهد وایي؛ د دې هوایي تېري په پایله کې د پکتیکا ۶ کسان ۳ ښځینه او ۳ ماشومان وژل شوي او یو کور نړیدلی. دغه راز په خوست ولایت کې یو کور نړیدلی ۲ ښځې وژل شوي دي.

ذبیح الله مجاهد د دغو بریدونو په غبرګون کې څرګنده کړې؛ د افغانستان اسلامي امارت، چې د نړۍ د زبرځواکونو پرخلاف د ازادۍ د اوږدې مبارزې تجربه لري، هیچاته پخپله خاوره د تېري اجازه نه‌ورکوي.

هغه ویلي: د عبدالله شاه په نامه کس، چې پاکستاني اړخ یې په پېښه کې د پر نښه کېدو ادعا لري؛ هغه په پاکستان کې دی. بله دا، چې د یادو سیمو په دواړو غاړو کې یو قوم اوسیږي، چې ورځنی تګ راتګ او ګنې خپلویانې لري.

د نوموړي په خبرپاڼه کې راغلي: پاکستانی ولس او نوی ملکي حکومت باید پرېنږدي، چې د پوځ څو جنرالان په دغه ډول بې باکه کړنو سره تېرو شل کلونو ته ورته د نورو جهتونو د ګټو لپاره خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

مجاهد زیاته کړې: پاکستان باید پخپله خاوره کې د پېښو د نه کنترول، ناتواني او ستونزو پړه پر افغانستان وانچوي؛ ځکه داسې پېښې خورا بدې پایلې درلودلی شي، چې بیا به یې کابو کول د پاکستان په اختیار کې نه وي.

د افغانستان اسلامي امارت هیچاته اجازه نه‌ورکوي، چې د افغانستان له خاورې څخه د چا امنیت خراب کړي.

دا په داسې حال کې ده، چې د شنبې پر ورځ وسله‌والو د پاکستان په میرعلي سیمه کې د امنیتي ځواکونو پر پوسته له چاودیدونکیو توکو ډکې لارۍ ته چاودنه ورکړ شوه او د پاکستان د پوځ اووه سرتېري او دوه افسران یې ووژل.

Continue Reading

Trending

Copyright © 2022 Ariana News. All rights reserved!