تازه خبرونه
طالبان د ښځو په ګډون د رسنیړ کارکوونکي او خبریالان وژني – راپور
د بشري حقونو څار ډلې څرګنده کړې، چې طالبان د ښځو په ګډون خبریالان او د رسنیو کارکونکي وژني.
د بشري حقونو د څار په یوه وروستي راپور کې، چې نن (پنجشنبه د وري) خپور شوی راغلي؛ په دوحه کې د سولې خپلمنځي خبرو له پیل راپدیخوا په ټول افغانستان کې پر خبریالانو بریدونه ډېر شوي، چې د بیان او رسنیو د آزادۍ په اړه یې اندېښنې راپورته کړې دي.
د بشري حقونو د څار ډله څرګندوي؛ د دوی موندنې ښیې، چې د طالبانو قومندانانو او جنګیالیو د دوی په تر څارنې لاندې سیمو او کابل کې هرډول ګواښونه ، ډارونې او تاوتریخوالي د افغان رسنیو د ټولنې پر وړاندې کارول شوی دی.
د دغې ادارې د څرګندونو له مخې؛ هغه کسان، چې دا ګواښونه تر سره کوي؛ د خبریالانو د کارځي، کورنۍ او سفر په اړه پوه خبر دي او د دغو معلوماتو له مخې یې دوی چوپتیا ته اړ ایستلي، له دندې ګوښه شوي او په ځینو مواردو کې یې خبریالانو ته له تاوتریخوالي ډکې پېښې رامنځته کړي دي.
د بشري حقونو د څار ډلې زیاته کړې: د ولسوالیو په کچه طالب قومندانانو او جنګیالیو ژورنالیستانو ته لفظي او لیکلي ګواښونه کړي. ان د رسنیو هیڅ کارکوونکي ځان خوندي نه احساسوي.
د دې بنسټ د آسیایي څانګې مشر پیټریشیا ګوسمان ویلي؛ د ګواښونو او وژنو څپو په دې حساس وخت کې افغان رسنیو ته یو غموونکی پیغام وړاندې کوي، په داسې حال کې، چې ټولې خواوې په راتلونکي کې د بیان د آزادۍ د ملاتړ لپاره خبرې کوي.
په راپور کې راغلي، چې د قطر په دوحه کې د طالبانو مشرانو د خبریالانو ګواښل رد کړي؛ خو ویلي یې دي، چې دوی یوازې له هغو ژورنالیستانو ساتنه کوي، چې اسلامي ارزښتونو ته درناوی لري.
دا په داسې حال کې ده، چې طالبانو پرله پسې د خبریالانو او مدني ټولنې د هڅاندو په وژلو کې لاس لرل رد کړي دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ