Connect with us

مهم خبرونه

سمرقند د ۲۰۲۳ زېږدیز کال د ګرځندوی پلازمېنه یاده شوه

خپور شوی

 په

(Last Updated On: ليندۍ ۱۴, ۱۴۰۰)

د ازبکستان ګرځندوی او سپورټ وزارت په ډاګه کړی، چې د ملګرو ملتونو د نړیوال ګرځندوی سازمان په ۲۴ عمومي غونډه کې د سمرقند تاریخي ښار د ۲۰۲۳ زېږدیز کال د ګرځندوی پلازمېنه یاده شوې ده.

د هسپانیا په پلازمېنه مادریډ کې د ملګرو ملتونو عمومي غونډ ته د ازبکستان د ګرځندوی او سپورټ وزیر او د ازبکستان د لومړي وزیر مرستیال عزیز عبدالخاکیموف په مشرۍ یو ازبک پلاوی هم ورغلی و.

دغه وزارت څرګنده کړې؛ سمرقند به د لومړي ځل لپاره د ګرځندوی د نړیوال سازمان د ۲۵عمومي غونډې کوربه وي.

دغه راز ویل شوي، چې ازبکستان به د لومړي ځل لپاره د ملګرو ملتونو د دغه دفتر کوربتوب کوي او دا د دې هېواد سیاستونو او هڅو پایله ده، چې په هېواد کې ګرځندوی ته وده ورکړي.

مهم خبرونه

د قزاقستان په الماتا ښار کې پوځي عملیات پیل شول

خپور شوی

په

توسط

(Last Updated On: مرغومی ۱۸, ۱۴۰۰)

قزاق تلویزیون د جمعې پر ورځ ولس ته په ډاګه کړې، چې د الماتا اوسیدونکي دې د ترهګرو پر ضد د ښاري امنیتي عملیاتو پر مهال په خپلو کورونو کې دننه پاتې شي.

د رویټرز ویډیو په ډاګه کړې: د الماتا درنو اوسیدونکیو! په الماتا کې د ترهګرو ډلو د له منځه وړلو لپاره د ترهګرۍ ضد عملیات روان دي، چې بنسټیزه موخه یې د ترهګرو مخه نیول او د ښار امنیت ساتل دي. که مو استوګنو ته نږې ترهګریز ضد هڅې روانې وي؛ نو سپارښتنه کیږي، چې کړکیو نږدې نشئ او یا په کوڅو کې ونګرزئ. په خوندي ځای کې پټ شئ، ماشومان او لویان پرته له څارنې مه پریږدئ.

د قزاقستان په پلازمېنه الماتا کې له څو ورځو راپدیخوا د خلکو لاریونونه پر تاوتریخوالي اوښتي؛ امنیتي ځواکونو داسې بریښي، چې د جمعې پر ورځ د قزاقستان د مرکزي ښار سړکونه له اعتراض کوونکیو بېرته نیولي دي.

اعتراض کوونکیو تېره اوونۍ د تېلو د بیو د لوړوالي په غبرګون کې نه یوازې د حکومت استعفا وغوښته، بلکې د دولتي چارواکو پر ضد هم خوځښت ورځ تر بلې پراخه شو؛ خو د روسیې تر اوږده ملاتړ لاندې ولسمشر د اعتراض کوونکیو پر ضد سرتېرو ته سپارښتنه وکړه، چې پاڅونوال وځپي، مړه یې کړي او تر هغې پرې ډزې وکړي، چې وژل شوي نه وي.

ولسمشر قاسم جوماروت توکایف ویلي، چې بهرني روزل شوي ترهګر د ناکرارۍ مسوول دي.

د قزاقستان د کورنیو چارو وزارت د ۲۶ وسلوالو مجرمینو له وژلو خبر ورکړی. په داسې حال کې، چې ۱۸ پولیس او د ملي ګارد غړي هم وژل شوي دي.

همدارنګه دولتي ټلویزیون له ۳۷۰۰ څخه د ډېرو کسانو نیول په ډاګه کړي دي.

یوه ورځ وروسته له هغې، چې مسکو د بغاوت په ځپلو کې د مرستې لپاره راودانګل؛ د قزاقستان پولیس د الماتا په له کثافاتو ډکو سړکونو ګزمې کولې؛ که څه هم د ډزو ځینې غږونه اوریدل کیدل.

دا په داسې حال کې ده، چې د رویټرز د څرګندونو له مخې؛ روسیې د پنجشنبې پر ورځ د مرغومي ۱۶ قزاقستان ته خپل لومړني سوله ساتي ځواکونه ولېږل، چې د حکومت او دولت پر ضد پاڅونونه تر څارنې لاندې ونیسي.

Continue Reading

تازه خبرونه

جاپان له افغانستان سره سل میلیون ډالر مرسته کوي

خپور شوی

په

توسط

(Last Updated On: مرغومی ۱, ۱۴۰۰)

د جاپان حکومت په ډاګه کړې، چې په افغانستان کې د بشري ناورین د مخنیوي لپاره به له دې هېواد او ګاونډ هېوادونو سره ۱۰۹ میلیون ډالر مرسته وکړي.

د جاپان د بهرنیو چارو وزارت د سې شنبې پر ورځ د زمري ۳۰  څرګنده کړې، چې د افغانانو د بشري اړتیاوو د پوره کولو لپاره له افغانستان، ایران، پاکستان، تاجکستان او ازبکستان سره مستقیمه مرسته کوي.

په خبرپاڼه کې راغلي؛ د جاپان حکومت به له افغانستان او ګاونډ هېوادونو سره په مستقیم ډول د بشري اړتیاوو د پوره کولو په برخو کې لکه روغتیایي پاملرنه، خوراکي توکي، خواړه، ژغورنه، اوبو، روغتیا او همدارنګه د ژوند د ښوالي په برخه کې مرسته وکړي.

دغه وزارت زیاته کړې، چې دغه مرستې به د ۱۶ نړیوالو ټولنو لخوا د افغانانو د بشري وضعیت د ښوالي لپاره ولګول شي.

په خبرپاڼه کې څرګنده شوې: د جاپان حکومت به د افغانانو ملاتړ روان ساتي او په سیمه کې به د ثبات په راوستلو کې فعال رول ولوبوي.

د جاپان د بهرنیو چارو وزارت زیاته کړې؛ سل میلیون ډالر یې افغانستان او پاتې نور یې ګاونډ هېوادونو ته ځانګړي شوي دي.

دا په داسې حال کې ده، چې اوړمه ورځ د اسلامي همکاریو ټولنې په ۱۷ ناسته کې د اسلامي هېوادونو او نړیوالې ټولنې استازیو د افغانستان او ګاونډ هېوادونو له میشتو افغانانو سره د بشري مرستو ژمنه وکړه.

Continue Reading

کوید۱۹

په فرانسه کې د کرونا ویروس په مثبتو پېښو کې ډېروالی راغلی

خپور شوی

په

توسط

(Last Updated On: ليندۍ ۲۷, ۱۴۰۰)

رویټرز په ډاګه کړې، چې په وروستیو اوونیو کې فرانسه د کرونا له پېنځمې څپې سره مخ شوې او روغتونونه یې تر سخت فشار لاندې راغلي دي.

په راپور کې راغلي، چې ډېري اغېزمن هغه ناروغان دي، چې د کرونا واکسین یې ندی اخیستی.

په فرانسه کې د امیل مولر روغتون یوه ډاکټر رویټرز ته ویلي، چې د روغتون له ۲۰ کرونایي ناروغانو څخه یوازې ۳ کسان یې واکسین شوي دي.

هغه زیاته کړې: مولر روغتون اوس له پوره وړتیاوو برخمن شوی؛ ځکه، چې د تېرو ۲۰ ورځو په ثبت شویو ناروغانو کې اویا سلنه خلکو مثبته کرونا لرله.

د فرانسې د عامې روغتیا وزارت د تېرې پنجشنبې پر ورځ ویلي، چې له تېرو ۲۴ ګړیو راپدیخوا د دې هېواد پر کرونا د اخته ناروغانو شمېر ۶۰۸۶۶ کسانو ته رسېدلی دی.

په فرانسه کې یوې نرسې رویټرز ته ویلي: څپې راروانې دي؛ مونږ زیانمنوي او څومره، چې اوږدیږي مونږ ترې ستړي کیږو.

دا په داسې حال کې ده، چې د فرانسې حکومت د روان کال په پیل کې د کرونا ویروس له پراخې خپریدا خبر ورکړی دی.

Continue Reading

Trending

Copyright © 2022 Ariana News. All rights reserved!