تازه خبرونه
د نړیوالې مرستې پر بنسټ افغانستان له کویدـ ۱۹ سره مبارزه کوي
په افغانستان کې د کرونا ویروس د مخنیوي پر وړاندې د لوړو روغتیایي خدماتو غوښتنو لوی خنډ رامنځته کړی، چې له تېرو څو میاشتو راپدیخوا یې د هېواد کمزوری روغتیایي سیستم له ستونزه سره مخ کړی دي.
له هغې وروسته، چې کرونا ویروس له تېر اپریل راپدیخوا په افغانستان کې خپور شو، د افغانستان د عامې روغتیا وزارت یې د مهارولو لپاره ځینې هڅې ترسره کړې او وتوانېد، چې له کووید- ۱۹ سره د بېړنۍ مبارزې او د روغتیایي سیستم د چمتو کولو لپاره د نړیوال بانک سل اعشاریه څلور میلیون امریکایي دالر وړیا مالي مرسته تر لاسه او عملي کار پیل کړي.
د ویروس د مخنیوي او وقایې لپاره لومړني تدابیر پلي شول؛ پر هوایي او ځمکنيو سفرونو بندیز ولګېد، د هېواد په کچه قرنطین پیل شو، خو له دې سره سره بیا هم په افغانستان کې پر کوید-۱۹ د اخته کسانو شمېر لوړ پاتې شو.
پروژه پاسخدهی اضطراری به بحران کووید-۱۹ بانک جهانی با دولت افغانستان کمک می کند تا ۸۰ فیصد از داکتران و نرس های شفاخانه های ولایتی آموزش های وقایه و تداوی ویروس کووید۱۹ را مطابق به معیار های سازمان صحی جهان دریافت نمایند. بیشتر بخوانید: https://t.co/2jB9Z6q6i1 pic.twitter.com/IBDNCDEEOR
— World Bank South Asia (@WorldBankSAsia) August 27, 2020
موندنې او د عامې روغتیا وزارت څرګندونې ښیي، چې د روان کال په فبرورۍ کې لومړنۍ پېښه هرات ثبت کړه، بیا د هېواد په کچه د اګست تر ۲۲ نېټې پورې د کووید -۱۹ شاوخوا ۳۷۹۵۳ مثبتې او ۱۳۸۵ د مړینې پېښې ثبت شوې دي. پلازمېنې کابل تر ټولو ډېر زیان لیدلی؛ یوازې دلته ۱۴۳۷۱مثبت کیسونه او۴۵۶ د مړینې پېښې راپور شوې دي.
د دې پروژې په چوکاټ کې تر اوسه ۸۶۳ مټریک ټنه د شخصي محافظت تجهیزات کابل ته رالیږدول شوي دي.
افغان حکومت د نړیوال بانک په مرسته توانېدلی، چې له اخته ناروغانو سره مرسته وکړي، د بېړنیو خدماتو روغتیایي کاروکوونکیو ساتنې ته پام وکړي او همدارنګه له ملي کتنځیو او درمنلیزو مرکزونو ملاتړ وکړي.
په افغانستان کې له کووید- ۱۹ سره د بېړنۍ مقابلې او د روغتیایي سیستم د چمتو کولو پروژه د څو دولتي او نړېوالو بنسټونو په همکارۍ د پلي په حال کې ده. د ملګرو ملتونو له ماشومانو د ملاتړ صندوق(یونیسېف) د دې پروژې له لارې د روان کال په جون کې یو لړ بېړني روغتیایي تجهیزات افغان حکومت ته تحویل کړي دي. په دغو تجهیزاتو کې د روغتونونو د ساتنې لپاره د یو ځل لګیدو د لوازمو په ګډون د اکسرې وسایل، اړتیا وړ لابراتواري مواد او د شخصي محافظت ۱۵۰۰۰۰ بستې په کې شاملې دي، چې دا بستې تر شپږ میاشتو د ډېر وخت لپاره د ۶۸۰۰ هغو روغتیایي کارکوونکیو د ساتنې لپاره بس دي، چې له کوېد-۱۹ سره د مبارزې په لومړۍ کرښه کې دي.
د دې پروژې په چوکاټ کې تر اوسه۸۶۳ مټریک ټنه د شخصي محافظت تجهیزات کابل ته راانتقال شوي دي.
دغه تجهیزات روغتیایي کارکوونکي، چې پر کووید- ۱۹ د ککړېدو له جدي خطر سره مخ دي؛ بریالي کړي، چې پر کوید۱۹ – ویروس د لس زره ککړو ناروغانو تشخیص او څارنه وکړي. همدا ډول دې پروژې د هېواد په کچه څه نا څه ۱۳۰۰ د ځانګړې څارنې بسترونه چمتو کړي دي.
پر دې سربېره د دې پروژې په چوکاټ کې د نړیوال روغتیایي سازمان په همکارۍ د کوید-۱۹ د تشخیص ۲ نوي مرکزونه رامنځته شوي او ۷ نور شته لابراتوارونه پر پرمختللیو وسایلو مجهز شوي دي.
د کووید- ۱۹ د چټکې خپرېدا په مخنیوي کې د عامه پوهاوي د سطحې لوړاوی هم حیاتي رول لري. دغې پروژې په دې لړ کې د اپرېل او اګست میاشتو تر منځ د لس زره رادیویي، تلویزیوني او چاپي پیغامونو د خپرېدا مرسته کړې. دغه پیغامونه د کوید -۱۹ د اعراضو او علایمو او د وقایې برخه کې دي.
د دې پروژې موخه دا ده، چې د اویا فیصده ثبت شویو پېښو پایله ۴۸ ساعتونو او یا له دې لږ وخت ته راټیټه شي.
د عامې روعتیا وزارت د یونیسېف او نړیوال روغتیایي سازمان د فعالیتونو د همغږۍ مسوولیت پر غاړه لري، نادولتي بنسټونه د عامه پوهاوي په برخه کې د کمپاین مسوول دي او درېیمګړي بنسوټونه د دې پروژې له پلي کیدو څارنه کوي.
په لنډه موده کې د دې پروژې موخه دا ده، چې د اویا فیصده ثبت شویو پېښو ۴۸ ساعتونو او یا له دې کم وخت کې معالومه شي او همدارنګه د عامه پوهاوي کچه تر ۵۰٪ لوړه شي. په دې معنا، چې لږ تر لږه د هېواد نیمایي نفوس باید وکولی شي، چې څه نا څه د کووید-۱۹ درې اصلي علایم تشخیص کړي او پر درې لومړنیو اقداماتو خبر وي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ