تازه خبرونه
د طالبانو پر وړاندې ولسي پاڅونونه د اندېښنې وړ دي – زلمی خلیلزاد
د افغانستان د سولې لپاره د امریکا ځانګړي استازي زلمي خلیلزاد ویلي، چې د افغانستان خلک د پخواني شوروي له ماتې وروسته د ملیشو جوړولو ترخه تجربه لري او دا اقدام د سولې خبرې هم له بندښت سره مخامخوي.
دا په داسې حال کې ده، چې یو شمېر جهادي مشران او سیاستوال لګیا دي د طالبانو پر ضد خلک وسلوالې جګړې ته هڅوي.
د افغانستان د سولې لپاره د امریکا ځانګړی استازی جګړې ته لمن وهل د سولې خبرو ته زیان اړونکې ګڼي او له پي بي اس تلویزیوني شبکې سره یې په مرکه کې ویلي، چې د افغانستان خلک د پخواني شوروي لښکرو له وتو وروسته د ملیشو له جوړولو ترخه تجربه لري.
دا جګپوړی امریکایي ډیپلوماټ پر طالبانو هم له دې کبله نیوکه کوي، چې د افغانستان او امریکا د ولسونو د تمې خلاف یې تاوتریخوالی ډېر کړی.
زلمی خلیلزاد وایي: په داسې حال کې، چې حکومت او طالبان د سولې خبرو ته داخلیږي؛ ملیشه جوړونه به په افغانستان کې حالات نور هم ترینګلي کړي. ملیشه جوړول به د سولې خبرې له بندون سره مخ کړي. خلک له دا ډول ملیشه جوړولو ترخه تجربه لري.
نوموړی د خپلې مرکې په یوه بله برخه کې ټینګار کوي؛ واشنګټن د افغانستان حالات څېړي او غواړي له افغانستان څخه د بهرنیو ځواکونو له وتو وروسته د اړتیا په صورت کې ترهګر پر نښه کړي.
نوموړي زیاته کړې: مونږ د حالاتو د څېړنې په حال کې یو، چې د اړتیا په صورت کې او که ګواښونه ډېر شي؛ نو بیا به د افغانستان په خاوره کې ټولې ترهګریزې موخې پر نښه کړو.
د افغانستان په ګاونډ کې د پاکستان لومړي وزیر عمران خان ویلي؛ امریکا اوس پدې پوهیږي، چې له پوځي لارې یې د حل لارې په موندنه کې تېروتنه کړې. په داسې حال کې، چې پاکستان په افغانستان کې د جګړې او تاوتریخوالي پر پراختیا تورن دی.
عمران خان زیاته کړې، په افغانستان کې د نورو هېوادونو لاسوهنو جګړه ډېره کړې ده.
د پاکستان لومړي وزیر عمران خان څرګنده کړې: پر افغانستان برید آسان دی؛ خو په دې هېواد کې پاتې کېدل سخت دي. د نورو هېوادونو لاسوهنې سبب شوې، چې جګړه دوام وکړي او د افغانستان له خلکو یې قرباني اخیستې ده.
دا مهال په دوحه کې د سولې خبرې درېدلي، که څه هم کابل ویلي، چې قطر او ملګري ملتونه د خبرو د له سره پیلېدو لپاره منځګړیتوب کوي؛ خو تر اوسه په دې برخه کې هڅو پایله نده ورکړې.
د یادونې ده، چې په بلخ ولایت کې د جمعیت اسلامي د یوې څانګې مشر عطامحمد نور د یوې پوځي شورا مشرتابه ته غوره شوی دی. نوموړي ټینګار کړی، چې ولسي پاڅونکوونکي به د امنیتي ځواکونو تر څنګ نه یوازې د مزار شریف ساتنه کوي، بلکې له لاسه وتلې ولسوالۍ به هم بېرته نیسي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ