تازه خبرونه
د طالبانو رښتینې آزموینه اوس پیل شوه – ملا برادر
د رویټرز د څرګندونو له مخې: د طالبانو یوه لوړپوړي چارواکي په افغانستان کې د خپلو پرمختګونو په اړه ویلي، اوس د دوی رښتینې آزموینه پیل شوې؛ ځکه، چې د خلکو د هیلو د پوره کولو او د ستونزو د حل لپاره د عمل ډګر ته راوتلي دي.
په یوه انځوریزه څرګندونه کې، چې د دوشنبې پر ورځ (د زمري ۲۵) طالبانو خپره کړې؛ طالب مرستیال ملا برادر اخوند، چې د سړيو ترمنځ ناست دی وایي: اوس د دې وخت دی، چې د خلکو اړتیاوې پوره او ژوند یې خوندي او ښه کړو.
ملا برادر وایي؛ مونږ د دې سترې بریا مبارکي ټول افغان ملت په ځانګړي توګه د کابل خلکو او خپلو مجاهدینو ته وړاندې کوو… د الله په مرسته مونږ ته بری راکړ شو. هغه بریا، چې د نړۍ په اوسني تاریخ کې ساری نلري؛ نو مونږ باید د الله شکر ادا کړو. مونږ باید غرور ونلرو.
ملا برادر زیاته کړې؛ اوس د آزمون وخت دی؛ مونږ به خپل ملت ته خدمات وړاندې کړو، مونږ به ټول ملت ته ډاډ او سکون ورکړو، چې مونږ به د دوی د ژوند د ښه والي لپاره تر ممکنه حده خپلې هڅې ونه سپموو.
د طالبانو د څرګندونو له مخې؛ په افغانستان کې جګړه هغه مهال پای ته ورسېده، چې دوی د اشرف غني له تېښتې وروسته د کابل پر ارګ ورننوتل.
طالبانو په یوه اوونۍ کې بریالي شول، چې د هېواد ډېره برخه ونیسي او په کابل کې یې د افغان ځواکونوپر ځای امنیتي او دفاعي چارې تر سره کړې.
رویټرز په ډاګه کړې، چې اشرف غني د یکشنبې پر ورځ (د زمري ۲۱) هغه وخت وتښتید، چې طالبان د کابل ښار دروازو ته راورسېدل او غني څرګنده کړه، چې غواړي د وینې تویېدنې مخه ونیسي. په داسې حال کې، چې له ده وروسته په سلګونه نور افغانان د کابل له هوایي ډګره نه وتلو ناهیلي کړې دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ