تازه خبرونه
حکومت د خلکو په ساتنه کې پاتې راغلی – ولسي جرګه
د ولسي جرګې ځینو غړیو د دې جرګې په ځانګړې ناسته کې، چې امنیتي بنسټونه یې ورغوښتي وه ویلي، حکومت د نظام په اداره او د خلکو په ساتنه کې پاتې راغلی او هېواد د خلکو د وژلو پر ځای بدل شوی دی.
د ولسي جرګې د اوړمې ورځې له پرېکړې وروسته، چې د شنبې ورځې ناستې ته به یې د ولسمشر لومړی مرستیال، د ملي امنیت شورا سلاکار او د کورنیو او دفاع وزارتونو او ملي امنیت د سر سړي ورځي؛ یوازې د کورنیو او دفاع وزارتونو او ملي امنیت لوی ریاست چارسمبالي ورغلي وه.
د حمدالله محب او امرالله صالح په نه ورتګ نیوکې کیږي؛ دې دواړو چارواکو په یوه مکتوب کې ویلي، یوازې استماعیه ناستو ته ورځي نه استجوابیه وو ته.
د ولسي جرګې فوق العاده ناستې ته د ولسمشر د لومړي مرستیال او د ملي امنیت د شورا د سلاکار په نه ورتګ نیوکې وشوې او ویل شوي، چې دا چارواکي د خلکو د وینو په وړاندې ځواب ویلو ته حاضر ندي. د ولسي جرګې ډېري غړیو ټینګار کاوه، چې د امنیتي بنسټونو واک د ملي امنیت شورا د مشر حمد الله محب او د ولسمشر د لومړي مرستیال او د کابل د امنیتي مشر امرالله صالح لخوا سلب شوي او دې کار د امنیتي سکتور هڅې کمزوری کړې دي.
د ولسي جرګې د کورني امنیت د کمیسیون غړي ضیا الدین ضیا ویلي؛ مونږ له دې وزیرانو سرهکار نلرو؛ ځکه، چې ټول صلاحیتونه محب خپل کړي دي . باید راغلی وای او خلکو ته یې ځواب ورکړی وای. دغه سړي ځان په تعیناتو کې بوخت کړی او د روان ناورین ځواب ویونکي معلوم ندی.
په ولسي جرګه کې د هرات استازي حبیب الرحمان پدرام ویلي؛ نه امنیت لرو، نه کار او نه د ژوند کولو هیله. نه دولت لرو او غولوونکی ولسمشر په ارګ کې پټ دی او درواغجنې اعلامیې ورکوي. هېواد یې د وژنو پر ځان بدل کړی. ای غني درته شرم دی!
په ولسي جرګه کې د فراه استازي عبدالستار حسیني ویلي؛ د امرالله صالح او حمدالله محب نه راتګ ، خلکو ته سپکاوی دی او محب ځان د ولسمشر سکرتر بولي؛ نو بیا ولې تعیناتو کې لاسوهنه کوي او دې حواله دار افغانستان وران کړ او باید ملي امنیت شورا چاڼ شي.
د ملي دفاع وزارت چارسمبالی اسدالله خالد د امنیتي مسوولینو بې واکه کېدو په تړاو د ولسي جرګې د غړیو خبرې سپکاوی بولي او غواړي، چې ناسته سري شي.
هغه زیاته کړې؛ توهین مناسب ندی او د استازیو بحث باید سری او پټ شي، چې خپلې خبرې له تاسې سره شریکې کړو.
په پای کې د رایو په اکثریت پرېکړه وشوه، چې ناسته سري شي؛ خو د ولسي جرګې ځینې غړي وایي، په سري ناسته کې هم امنیتي مسوولینو د ویلو لپاره څه نه درلودل او نه یې د ولس استازي د وروستیو بریدونو په ځانګړي توګه د پلازمېنې د بریدونو په تړاو قانع کړل.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ