تازه خبرونه
د کابل اوسېدونکي د پرچاوۍ له ډېرېدو اندېښمن دي
د افغانستان برښنا شرکت د چاوۍ د زیاتېدو ستونزه مني او وايي، چې د برښنا د کمښت له کبله له دې ستو نزې سره مخ دي؛ خو هڅې روانې دي، چې د دې ستونزې د اواري لپاره تدابیر ونیول شي.
د پلازمېنې اوسېدونکي د برښنا د لګښتونو له لوړوالي اندېښمن دي او وايي، چې په دې وروستيو کې د برښنا لګښت بېساری لوړ شوى دى.
کابل ښاریانو ویلي، چې په دې ښار کې نه یوازې هوا توده شوې، بلکې د برښنا پرچاوي هم زیاته شوې ده.
د افغانستان پلازمېنه کابل هغه ښار دی، چې د برښنا ستونزه یې هیڅکله حل شوې نده.
دوی په دې وروستیو کې د برښنا له پرچاوۍ سرټکوي او له برښنا شرکت څخه غواړي، چې د دې ستونزې د اواري لپاره ډاډمن ګامونه پورته کړي.
کابل میشتي وايي، چې په دې توده هوا کې برښنا ته ډېره اړتیا لري.
د کابل اوسیدونکی صدیق الله په دې اړه وایي: ورځ تر بلي هوا پر تودېدو ده حکومت باید دې ستونزې ته پاملرنه وکړي؛ ځکه حلکو ورته ډېره اړتیا لري.
یو بل کابل میشتی مجتبی وایي: میاشت وشوه، چې ورځ تر بلې د برښنا ستونزه مخ پر زیاتېدو ده. حکومت باید دې خبرې ته پاملرنه وکړي بېلونه د برښنا هم لوړ راځي او برښنا هم وجود نلري. آیا دې ستونزې ته حکومت فکر لري اوکه خیر!
د افغانستان برښنا شرکت د چاوۍ د زیاتېدو ستونزه مني او وايي، چې د برښنا د کمښت له کبله له دې ستو نزې سره مخ دي؛ خو هڅې روانې دي، چې د دې ستونزې د اواري لپاره تدابیر ونیول شي.
د برښنا شرکت تجارتي مرستیال صفي الله احمدزي ویلي: د هوا له تودېدو سره د برښنا لګښت لږ څه زیات شوی. مونږ د دې ستونزې د مدیریت هڅه کوو؛ خو پرچاوي حتمي خبره ده، ځکه له پر چاوۍ پرته يي مونږ ټول هېواد ته رسولی نشو. پرچاوي به د یوه منظم پلان له مخې برابرشي، څوګ له جدي ستونزي سره مخ نشي.
افغانستان تراوسه پورې د برښنا تولید په برخه کې له ګڼو ستونزو سره مخ دی؛ سره له دې، چې د تولید سرچینې لرو.
عام وګړي وايي، چې په دې برخه کې هیڅ پاملرنه نده شوې او هرکال میلیونونه ډالر د افغانستان ولسي پانګه ګاونډ هېوادونو ته ورکول کیږي.
اړوند خبرونه:
تازه خبرونه
حکومتي مقامات د عامه شتمنیو په داوطلبۍ کې د داوطلب په توګه ګډون نشي کولی
د عدلیې وزارت د ویاند برکت الله رسولي د څرګندونو له مخې په دې فرمان کې راغلي؛ لومړۍ ماده: د وزارتونو او حکومتي ادارو په تدارکاتو، کان کېندنې او نورو قراردادونو کې د روڼتیا د تأمینولو لپاره، چې موضوع یې عامه شتمنۍ وي، حکومتي مقامات او مامورین نشي کولی، په مستقیم یا غیر مستقیم ډول د اجناسو، خدمتونو او ودانیزو چارو د تدارک، کان کېندنې قراردادونو او نورو قراردادونو په داوطلبۍ کې د داوطلب په توګه، ګډون وکړي.
د عدلیې وزارت ویاند د خپرې شوې خبرپاڼې له مخې؛ د وزارتونو او حکومتي ادارو د تدارکاتو او نورو قراردادونو د روڼتیا په اړه د اسلامي امارت د رهبر درې مادهییز فرمان خپور کړی، چې حکومتي چارواکي د عامه شتمنیو په داوطلبۍ کې ګډون نشي کولی.
د عدلیې وزارت د ویاند برکت الله رسولي د څرګندونو له مخې په دې فرمان کې راغلي؛ لومړۍ ماده: د وزارتونو او حکومتي ادارو په تدارکاتو، کان کېندنې او نورو قراردادونو کې د روڼتیا د تأمینولو لپاره، چې موضوع یې عامه شتمنۍ وي، حکومتي مقامات او مامورین نشي کولی، په مستقیم یا غیر مستقیم ډول د اجناسو، خدمتونو او ودانیزو چارو د تدارک، کان کېندنې قراردادونو او نورو قراردادونو په داوطلبۍ کې د داوطلب په توګه، ګډون وکړي.
برکت الله رسولي دوه یمې مادې په اړه ویلي: هغه خصوصي شرکتونه، چې امارتي مقامات او مامورین په هغو کې ونډهوال او یا مسوول وي؛ هم د دې فرمان په لومړۍ ماده کې د درج شوي حکم تابع دي.
دغه راز په درېیمه ماده کې راغلي: دغه فرمان د توشېح له نېټې څخه نافذ او په رسمي جریده کې دې خپور شي.
تازه خبرونه
د منځني ختیځ له کړکېچ وروسته د افغانستان له هسک د نړیوالو الوتنو کچه مخ پر ډېرېدو شوه
د هوايي چلند شرکتونو له هرې الوتنې څخه د افغانستان د ټرانسپورټ او هوايي چلند وزارت ته ۷۰۰ ډالره ورکړي، اسلامي امارت ته د عاید یوه مخ پر وده سرچینه ده.
پر اسرائیلو د ایران له توغندیزو بریدونو او د تلابیب له لوري د ځوابي برید له احتمال وروسته له افغانستان څخه د نړیوالو الوتنو شمېر ډېر شوی دی.
د ۲۴ رادارفلایټ څرګندونې ښيي، چې د پنجشنبې پر ورځ (د تلې دولسمه) ۱۹۱ الوتنې د افغانستان له هسک تېرې شوې دي.
د هوايي چلند شرکتونو له هرې الوتنې څخه د افغانستان د ټرانسپورټ او هوايي چلند وزارت ته ۷۰۰ ډالره ورکړي، اسلامي امارت ته د عاید یوه مخ پر وده سرچینه ده.
د ۲۰۲۱ ز، کال په اګست میاشت کې د جمهوري رژیم له ړنګېدا او د اسلامي امارت له بیا واکمنېدو وروسته د امنیتي او سیاسي اندېښنو له کبله د افغانستان هوايي حریم د نړیوالو الوتنو پر مخ وتړل شو.
د اوکتوبر پر اوومه پر اسرائیلو د حماس له برید او په غزه کې د جګړې او د منځني ختیځ د کړکېچ له زیاتېدا وروسته د افغانستان له هسک څخه نړیوالې الوتنې مخ پر ډېرېدو دي.
د ۲۴ رادارفلایټ سایټ زیاته کړې، چې د اګست په دوهیمه اوونۍ کې د ۲۰۲۳ کال د اګست پر پرتله د افغانستان له فضا څخه د الوتنو شمېر اوه چنده ډېر شوی.
دغه بهیر وروسته له هغه زور واخیست، چې پر اسرائیلو د ایران له وروستیو توغدیزو بریدونو وروسته ډېري هوايي شرکتونه اړ شول، چې له اروپا څخه آسیا ته د ایران د هوايي حریم لاره پرېږدي.
یاد سایټ دا هم ویلي، چې د سپټمبر له ۱۹ څخه تر ۳۰ پورې هره ورځ په اوسط ډول ۱۴۷ الوتنې د افغانستان له هسک څخه تېریږي. په دې کې هغه الوتنې شمېرل شوې ندي، چې موخه یې افغانستان و. په دې حساب د افغانستان اسلامي امارت هر کال له خپل هوايي حریم څخه ۳۷ میلیون ډالره عاید ترلاسه کوي.
دا شمېر د ایران له توغندیزو بریدونو وروسته د سې شنبې پر ورځ په سلو کې ۱۷۱ الوتنو ته زیات شو او بیا د پنجشنبې پر ورځ (د تلې دولسمه) ۱۹۱ الوتنو ته ورسېد، چې دا د اسلامي امارت له واکمنۍ راپدېخوا په یوه ورځ کې د ټرانزیټي الوتنو تر ټولو لوړه کچه ده.
د سویس ایر، فینایر، سنګاپور ایرلاینز، بریټش ایرویز او لوفتهانزا هغه هوايي شرکتونه دي، چې الوتنې یې افغانستان ته راګرځېدلې دي.
د ۲۴ رادارفلایټ سایټ ویاند انډیپنډنټ ورځپاڼې ته ویلي: مونږ شاهدان یوو؛ هغه الوتکې، چې معمولاً د ایران له فضا څخه تېرېدې اوس د افغانستان له هسکه کار اخلي. لکه څنګه، چې د منځني ختیځ پر هوایی ډګر ډېر محدودیتونه لګول شوي؛ نو هوایی شرکتونه اړ دي، چې د خطر ارزونې او ښه غوراوي تر منځ پرېکړه وکړي.
تازه خبرونه
د مسکو د فورم د شپږمې ناستې په څنډه کې د ۵ هېوادونو ځانګړو استازو له امیرخان متقي سره وکتل
د بهرنيو چارو وزارت د وياند مرستيال ضيا احمد تکل د خپرې شوې خبرپاڼې له مخې؛ په دې ليدنه کې د افغانستان او سيمې د هېوادونو ترمنځ پر دوه اړخيزو سياسي اړيکو او اقتصادي همکاريو خبرې وشوې.
د چین، ایران، ازبکستان، پاکستان او هند ځانګړو استازو د مسکو د شپږمې غونډې په څنډه کې د افغانستان د بهرنیو چارو وزارت له چارسمبالي امیر خان متقي سره وکتل.
د بهرنيو چارو وزارت د وياند مرستيال ضيا احمد تکل د خپرې شوې خبرپاڼې له مخې؛ په دې ليدنه کې د افغانستان او سيمې د هېوادونو ترمنځ پر دوه اړخيزو سياسي اړيکو او اقتصادي همکاريو خبرې وشوې.
د تکل زیاته کړې؛ امیر خان متقي د افغانستان امنیتي وضعیت د ډاډ وړ او د سیمې د ټولو هېوادونو پر ګټه وباله.
نوموړي له دغو استازو سره په لیدنه کې د افغانستان او اړوند هېوادونو ترمنځ د اقتصادي، سوداګریزو او پانګونې د همکاریو پر پراختیا ټینګار وکړ.
دغو استازو له افغانستان سره د تعامل او هر اړخیزو همکاریو پر زیاتولو ټینګار کړی او د افغانستان وضعیت یې د ډاډ وړ وباله.
-
نړۍ4 days ago
په غزه کې د اسرائیلو د نویو بریدونو له کبله ۳۷ کسان ووژل شول
-
سیمه ییز خبرونه4 days ago
د مخ پر زیاتېدونکې جګړې د پراخېدو د وېرې له کبله پر اسرائیلو برید ودرول شو – ایران
-
سیمه ییز خبرونه3 days ago
په لبنان کې د اسرائیلو د هوايي برید له کبله یو امریکايي وګړی ووژل شو
-
تازه خبرونه4 days ago
افغان سوداګرو له امریکایي استازې سره پر سوداګریزو اسانتیاوو خبرې وکړې
-
تازه خبرونه4 days ago
په بدخشان کې د مارکوپولو هوسۍ نسل مخ پر کمېدو دی
-
تازه خبرونه3 days ago
د مسکو فارمټ لومړیتوب له کابل سره د همکاریو پراخول دي
-
تازه خبرونه3 days ago
د افغانستان غالیو د ایراني غالیو بازار ته زیان رسولی – ایراني سوداګر
-
1393ټاكنې4 days ago
ټام وسټ د بندیزونو د تنظیم ادارې چارسمبالی شو