تازه خبرونه
افغان ناقانونه پناه غوښتونکي په یونان کې له کړاوونو ډک ژوند لري
د آریانا نیوز خبریال له آتنه په ډاګه کوي، چې افغان ناقانونه پناه غوښتونکي په یونان کې له کړاوونو ډک ژوند لري؛ ځینو خپل ماشومان له لاسه ورکړي او شپې پر سړکونو تېروي.
افغان ځوانانو ټوله شتمني لیلام کړې؛ زرګونه یورو یې لګولي، چې اروپایي هېوادونو ته دننه شي، اروپا ته د رسیدو په هیله تر یونانه رسیدلي، خو له کړاوونو ډک ژوند لري.
دوی وایی، سختې لارې او مزلونه یې کړي او ان په ماشومانو یې چا رحم نه دی کړی او پر ښځو یې یری شوی.
پناه غوښتونکی روح الله عزیزي، چې یونان ته رسیدلی وایي، د افغانانو ژوند نور هم خراب شوی؛ په سړکونو او پارکونو کې پراته وي او نیکمرغه کسان یې پنډغالو کې وي.
هغه زیاتوي، افغانان په داسې ځایونو کې اوسیږي، چې د ژوند لومړني امکانات هم نه لري.
یو بل پناه غوښتونکی وایي، څوک د چا پوښتنه نکوي؛ قاچاقبران ترې پیسې اخلي، خو کار یې نه کیږي.
دوی څرګندوي، چې زیاتره ښځې دومره بېوسه شي، چې خپل خواږه اولادونه د مقدونې د غرونو په ځنګلونو کې غورزوي او ترې ځي. ان د سړکونو پر غاړو ویده کیږي.
په آتن کې د افغانستان سفارت سیمه ییز کارکوونکی وايي، ډېري یې ستر خطرونه زغمي او پر لاره یې د کورنۍ غړي هم ترې ورک شي. کله، چې یونان ته راورسیږي وضعیت یې نور هم خراب شي.
د سرچینې په وینا؛ زیاتره یې له دې حالته د وتو لپاره غواړي، چې پخپله خوښه هېواد ته بېرته ستانه شي، ګڼو یې دې موخې ته د رسیدو لپاره خپل نومونه هم راجستر کړي دي.
له افغانستان څخه د نړیوالو ځواکونو له وتو وروسته زیاتره افغانان د ښه ژوند جوړولو په هیله بهر ته په خطرناکو سفرونو ووتل؛ زیاترو یې اروپا غوره کړه، دا مهال په بهر کې پېنځه اعشاریه شپږ میلیون افغانان ژوند کوي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی24 hours ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه