Connect with us

نړۍ

په پاكستان كې د بندري ښاركراچۍ پر امنيت ساتنې ټينگار څرگند شو

Ariana News

خپور شوی

 په

(Last Updated On: زمری ۲۰, ۱۳۹۰)

د پاكستان د كورنيو چارو وزير وايي، چې:

د پاكستان په بندري ښاركراچۍ كې  به د امن راوستو لپاره د ترهگرو په وړاندې له جدي چلند  كار واخلي؛ ځكه په كراچې كې د قومي او حزبي ورستيو تاوتريخوالو له كبله ۴۵ كسان وژل شوي دي.

د پاكستان د كورنيو چارو وزير رحمان ملك وايي، چې:

د دغه هېواد امنيتي ځواكونه به د ترهگرو په وړاندې سخت جدي چلند وكړې، چې د پاكستان په بندري ښاركې يو ځل بيا امن را منځته شي.

د رپوټونو له مخې په د غه ښار كې د چارشنبې د نښتو له لامله شا وخوا لس كسان وژل شوي دي.

د پاكستان د كورنيو چارو وزير په كراچى ښار كې له رسينو سره د خبرو پرمهال وويل:

اوس هغه وخت را رسيدلى، چې په كراچۍ ښار كې فعالې مافياوې او ترهگريزې ډلې د خپلو مشرانو خبره ونه مني او نور له تا وتريخوالو لاس واخلي. كه نه؛ نو قانون به ورته ډېره سخته جزا وركړي.

نوموړي زياته كړې، چې خلك به ډېر ژر په كراچې كې د دولت د پراخو عمليانو شاهد ووسي، چې دا ښار يو ځل بيا ارام شي.

دا په داسې حال ده، چې په تېرو دوه ورځو كې د حزبي او قومي اختلافاتو او تا و تريخوالو له لامله شا وخوا پېنځه څلويښت كسان وژل شوي دي.

Continue Reading
Advertisement
Click to comment

Leave a Reply

Your email address will not be published.

تازه خبرونه

روسیه له طالبانو او حقاني شبکې سره اړیکې پالي- مارک ایسپر

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د امریکا دفاع وزیر ویلي، چې روسیه له طالبانو او حقاني شبکې سره اړیکې پالي او له دغه حالته استفاده کوي.

طالبانو ته د امریکايي سرتېرو د وژلو پر سر د روسیې لخوا د ډالۍ ورکولو د راپورونو له خپریدو وروسته د امریکا کانګرس دفاع وزیر او لوی درستیز د سپیناوي لپاره ور وبلل.

مارک ایسپر زیاته کړې، چې تر اوسه یې داسې شواهد ندي ترلاسه کړي، چې وښيي روسیې طالبانو ته د امریکايي سرتېرو د وژلو لپاره ډالۍ ورکړي وي؛ خو د امریکا د پوځ لوی درستیز ویلي، که دا راپورونه تائيد شي روسیې ته به ځواب ورکړي.

د امریکا دفاع وزیر مارک ایسپرویلي؛ ما، چې کله لومړني راپورونه ترلاسه کړل، نو جنرال میلر او مک کینزي یې په اړه څيړنې وکې او ورته جوته شوه، چې دا راپورونه د اعتبار وړ ندي.

د امریکا د پوځ لوی درستیز مارک میلي بیا ویلي، چې روسیې له کلونو راپدیخوا له طالبانو او حقاني شبکې مالي او روزنیز ملاتړ کړی دی.

نوموړی وایي: که دا جوته شي، چې؛ روسیه په افغانستان کې له سخت دریځو سره مرسته کوي، نو تاسې پوهیږئ، چې زه یو قهرجن پوځي یم، د بل هر پوځي په څېر. که د روسیې او بل هر دولت لخوا د امریکايي سرتېرو د وژلو حکم شوی وي؛ نو دا به ډېره ستره لوبه وي.

یو شمېر امریکايي پوځیان، چې په افغانستان کې یې دندې تر سره کړي وايي؛ روسیه له طالبانو سره ژورې اړیکې لري.

په افغانستان کې د ناتو د پرېکنده ملاتړ پخوانی قومندان جان نیکلسون وایي: دا یوه دوه اړخیزه معامله ده؛ روسیې وړاندیز کړی او طالبانو منلی دی. دا کار په مستقیم او غیر مستقیم ډول په افغانستان کې د سولې له روحیې سره په تکر کې دی.

روسیې او طالبانو دواړو دغه راپورونه رد کړي او روسیې د امریکا استخبارات تورن کړي، چې له افغانستان څخه د نشه يي توکو په قاچاق کې ښکېل شوي دي.

دا په داسې حال کې ده، چې افغان حکومت د امریکا او طالبانو د سولې هوکړې د بشپړې پلې کولو په برخه کې له نړیوالو څخه د همکارۍ غوښتنه کړې ده.

Continue Reading

تازه خبرونه

امریکا له روغتیا نړیوالې ټولنې څخه د وتو ګواښ څرګند کړ

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

سپینې ماڼۍ په رسمي بڼه ملګرو ملتوو ته خبر ورکړی، چې د امریکا متحده ایالات د روغتیا له نړیوالې ټولنې څخه وځي.

ولسمشردونالد ترمپ په اپریل میاشت کې روغتیا نړیوالې ټولنې( ډبلیو اچ او) بودیجه وځنډوله او یوه میاشت وروسته یې وویل غواړي له دې ټولنې څخه ووځي.

ترمپ د روغتیا نړیواله ټولنه تورنه کړې، چې له کرونا ویروس سره یې د مبارزې په کار کې یې د چین لوري ته ډېر پام اړولی او په ټولنه کې یې د اصلاحاتو غوښتنه وکړه.

ترمپ په می میاشت کې څرګنده کړې وه: مونږ د اصلاحاتو غوښتنه وکړه او هغوی باید په مستقیم ډول عملي کړې وای؛ خو له دې کاره یې ډډه وکړه. هغوی ناکام شول، چې هر اړخیز او پراخ وړاندیز شوي اصلاحات عملي کړي. مونږ به سر له نن څخه خپل روابط بند کړو.

د ډبلیو اچ او د قوانینو له مخې، هر هغه هېواد، چې له یادې ټولنې څخه وځي؛ باید یو کال مخکې خبر ورکړي. که ترمپ د نوامبر ټاکنې وبایلي، کیدای شي راتلونکی ولسمشر په سازمان کې د پاتې کیدو پرېکړه وکړي.

د امریکا د ولسمشرۍ لپاره دیموکرات نوماند جوبایدن ویلي؛ که دی د نوامبر انتخابات وګټي، نو د ولسمشر په توګه به د خپل کار پر لومړۍ ورځ له یادې ټولنې سره بېرته یوځای شي او په نړۍ کې به د امریکا رهبري بېرته پرځای کړي.

Continue Reading

تازه خبرونه

دوبۍ ګرځندوی ته د بیا ورګرزیدنې چټکې هڅې پیل کړې

Ariana News

خپور شوی

په

توسط

(Last Updated On: چنګاښ ۱۸, ۱۳۹۹)

دوبۍ د سې شنبې پر ورځ د منځني ختیځ د ګرځندوی د مرکز په توګه  د سیاحت او ګرځندوي مرکز بیا پرانسته وکړه او تمه لري، چې بېرته له کرونا څخه دمخه پېرته چټک ګامونه پورته کړي.

د دوبۍ د ګرځندوی او بازارموندنې عمومي مشر هلال ال ماري د چهار شنبې پر ورځ له بلومبرګ تلویزیون سره په مرکه کې څرګنده کړه، چې: کله، چې هر څه خپل پخواني حالت ته ور وګزي؛ مونږ هم پرته له شکه تېر کال ته د ورته اقتصادي ودې لیدو ته سترګې پر لاره یو.

دوبۍ کلونه کلونه تر شا پریښي، چې یو سوداګریز او د ګرځندویانو د پام وړ ګرزیدلی او هر کال میلیونونه لیدونکي راجلبوي.

دوبۍ د کرونا ویروس د خوریدو له وېرې په مارچ میاشت کې خپلې پولې وتړلې او د قرانطین پراخه هڅې یې پلې کړې. د کابل په ګډون دننه او بهر الوتنې وځنډول شوې او د درې میاشتو لپاره دوبۍ ته د تلونکيو افغانانو لپاره ویزې ورکړ شوي ندي.

په هر حال د تېرې میاشتې په بهیر کې د افغانستان په ګډون لږ شمېر هېوادونو ته الوتنې ورو ورو پیل شوې.

آل ماري د ګرځندوی د بیا پرانستې د وروستۍ هڅې په اړه ویلي: مونږ په رښتیا نن په ښه او غوره وضعیت کې یو؛ خلک ډېر هیله من دي او مونږ د مثبت لوري لیدونکي یو.

هغه دا هم ویلي؛ تر هغه وخته، چې نور هېوادونه پر حالاتو څارنه ولري او چارې عادي شي، مونږ به حتما دا د ګرځندوی بېرته راتګ په توګه وینو.

آل ماري زیاته کړې: وړاندویېنه کوو، چې د کال پای ته پر نږدې کیدو او د بازارونو له خلاصیدو سره خلک بیا پر کار ګمارلو پیل کوي. خلک دې په رښتیا هڅه وکړي، چې دا وده نوره هم ځواکمنه کړي؛ ځکه دا هغه څه دي، چې دوی په خپلو دندو کې ترسره کوي او په کې اخته دي.

دا کار وروسته له هغې شونی شو، چې د سې شنبې پر ورځ د دوبۍ شهزاده شیخ حمدان بن محمد د دوبۍ نړیوال هوایی ډګر ته ورسید او څرګنده یې کړه؛ متحده عرب امارات چمتو دی، چې د خپل نړیوال هوایي ډګر له لارې نړیوالو ته بیا هم ښه راغلاست ووایي.

شیخ حمدان وویل: ما دوبۍ ته د سیلانیانو د ښه راغلاست لپاره پراته پروتوکولونه بیا کتلي او هغه څه، چې مونږ ولیدل د نړیوالو سیلانیانوبیا راتګ ته د دوبۍ بشپړ چمتووالی ښیي.

هغه څرګنده کړې: مونږ د مسافرو او سیلانیانو د هوساینې او خوندیتوب لپاره ترټولو ډادمن معیارونه  چمتو کړي دي.

په هرحال د متحده عرب اماراتو هوایی شرکت د چارشنبې پر ورځ  الوتنې د ورځې لخوا کړي او د هغو هېوادونو مسافرینو ته یې خبر ورکړي، چې که غواړي دوبۍ ته الوتنه وکړي؛ نو اړ دي، چې له الوته مخکې د کرونا ویروس کتنه ترسره کړي.

دوبۍ میشتي هوایي شرکت ویلي، چې صحي سندونه باید ۹۶ ګړۍ مخکې له رسیدو صادر شي.

د متحده عرب اماراتو شرکت په ډاګه کړې: متحده عربي اماراتو ته له لاندې هېوادونو یا هوایي ډګرونو څخه سفر کوونکي مسافر باید د حکومتونو او لابراتوارونو لخوا د کرونا ویروس تائید شوي منفي سندونه ولري؛ پرته له دې د الوت اجازه نه ورکول کیږي.

یاد شرکت څرګنده کړې؛ له ټاکل شويو ځایونو څخه تر لاسه شوي روغتیایي سندونه، چې متحده عربي امارات پرې هم خبروي؛ د منلو وړ دي.

دغه اغېزمن هېوادونه شرکتونه دا دي: افغانستان، بنګله دیش، مصر، هند، ایران، پاکیستان، فلیپین، روسیه، تانزانیا، امریکا – دالاس فورټ ورت (DFW) ، هوستن (IAH) ، لاس انجلس (LAX) ، سان فرانسسکو (SFO) ، فورت لادیردیل (FLL) او اورلاندو (MCO) د کالیفورنیا، فلوریدا او تیکزاس میشتي مسافر، چې د اماراتو پر الوت له دوبۍ سره نښلیږي.

Continue Reading

Trending