تازه خبرونه
په بادغيس کې د لرغونو سیمو د کيندلو پر تور ۴ کسان ونيول شول
(Last Updated On: )
په بادغیس کې د اسلامي امارت امنیتي ځواکونو څلور کسان د لرغونو سیمو د ناقانونه کیندنې او استخراج پر تور نیولي دي.
په بادغيس کې د اسلامي امارت د فرهنګي مشر مولوي باز محمد سروري ويلي، چې دغه کسان نن له غرمې مخکې د دغه ولايت په آبکمري ولسوالۍ کې د لرغونو سیمو د کيندلو په حال کې نيول شوي دي.
مولوي سروري زیاته کړې، چې نيول شوي کسان سیمه ییز وګړي دي او په خپلسري او ناقانونه توګه يې کيندنې کولې.
نیول شوي کسان تر پلټنې لاندې دي.
دا په داسې حال کې ده، چې تېره اوونۍ د دغه ولايت په قادس ولسوالۍ کې د لرغونو سیمو د کيندلو په ترڅ کې پېنځه کسان نيول شوي وه.