سوداگري
پاکستان له افغانستان، ایران او روسیې سره د جنس پر جنس سوداګرۍ امر کړی
![](https://www.ariananews.af/wp-content/uploads/2023/06/pak_afghan.jpg)
د پاکستان سوداګرۍ وزارت د جمعې پر ورځ څرګنده کړې، چې حکومت یې د تېلو او ګازو په ګډون د ځینو اجناسو لپاره له افغانستان، ایران او روسیې سره د جنس پر جنس سودااګرۍ سپارښتنه کړې ده.
د رویترز د څرګندونو له مخې: د پاکستان حکومت، چې د اسعارو زیرمې یې دا مهال یوازې د یوې میاشتې د وارداتو لپاره بسنه کوي؛ د اقتصادي ناورین د مدیریت لپاره، چې تېره میاشت یې د انفلاسیون کچه نږدې ۳۸ سلنې ته ورسېده، غواړي تر څارنې لاندې راولي.
د حکومت د دې امر او سپارښتنې له مخې د جون لهه لومړۍ نېټې د هغو توکو نوملړ جوړ کړی، چې تبادله کیدی شي. عامه او خصوصي بنسټونه د سوداګرۍ په میکانیزم کې د ګډون لپاره اجازې ته اړتیا لري.
د اپریل په میاشت کې له روسیې څخه د ارزانه تېلو اخیستلو لپاره د پاکستان د تېلو وزیر مصدق ملک رویترز ته ویلي، چې د دې معاملې له مخې به پاکستان یوازې اومه تېل اخلي، نه چاڼ شوي محصولات.
مصدق ملک زياته کړې، که معامله له ستونزو پرته ترسره شي؛ نو د پېرلو اندازه به هره ورځ سل زره ته لوړه شي.
د تجزیه کوونکي شرکت Kpler څرګندونې ښیې، چې پاکستان تېر کال د ورځې ۱۵۴ زره بیرله اومه تېل وارد کړي، چې د ۲۰۲۱ کال پر پرتله په کې لږ بدلون راغلی.
د می په میاشت کې، د پاکستان د پترولیم پلورونکیو اتحادیې شکایت وکړ، چې په پاکستان کې پلورل شوي دیزل تر ۳۵ سلنې پورې له ایران څخه قاچاق شوي وه.
د پاکستان حکومت افغانستان ته د اوړو، غنمو، بورې او سرې د قاچاق د مخنیوي حکم صادر کړی دی.
سوداگري
له طبیعي ګازو څخه د حرارتي برښنا د تولید پر دوهیم فاز خبرې روانې دي
د ښاغلي صاحبزاده د څرګندونو له مخې؛ له طبیعي ګاز څخه د برښنا د تولید پروژه به د درېیم فاز له بشپړېدو سره ۲۵۰ میګاواټه برښنا تولید کړي.
![](https://www.ariananews.af/wp-content/uploads/2024/08/Bayat-Power.png)
د بیات برښنا شرکت مسوولینو ويلي؛ له طبیعي ګاز څخه د حرارتي برښنا د تولید پر دوهیم فاز له دولتي بنسټونو سره خبرې اترې پيل شوې دي.
محمد شعیب صاحبزاده څرګنده کړې، چې د دوهیم فاز له بشپړیدو سره به د برښنا تولید له ۴۰ څخه ۱۰۰ میګاواټو ته لوړ شي.
د ښاغلي صاحبزاده د څرګندونو له مخې؛ له طبیعي ګاز څخه د برښنا د تولید پروژه به د درېیم فاز له بشپړېدو سره ۲۵۰ میګاواټه برښنا تولید کړي.
صاحبزاده وایي: اوسمهال ۴۰ میګاواټه برښنا تولیدوي، چې په دوهیم فاز کې به سل میګاواټه تولید شي. بیات پاور د دوهیم فاز د پیلېدو په اړه له اړوند چارواکو سره په اړیکه کې دی او خبرې اترې روانې دي.
بیات برښنا شرکت له څه نا څخه پېنځه کلونو راپدېخوا یو میلیارډ کیلو واټ ساعت برښنا تولید کړې ده.
محمد شعیب صاحبزاده ټینګار وکړ، چې په تېرو پېنځه کلونو کې یې د دغه شرکت د تخنیکي کارکوونکیو د وړتیا لوړولو په برخه کې هم کار کړی دی.
نوموړي ویلي؛ بيات برښنا شرکت د توليدي برښنا د وېش او تنظيم په برخه کې له برښنا شرکت سره تړون لري او له افغان ګاز شرکت سره يې هم يو بل تړون لاسليک کړى دى.
هغه زیاته کړې: د دې ترڅنګ د کانونو او پټرولیم، انرژۍ او اوبو وزارتونه، د زیمنس پاور اوآرپياس ته ورته بنسټونه له بیات پاور سره همکاري کوي.
د برښنا شرکت پخواني رییس امان الله غالب ویلي: د افغانستان د ځانبسیاینې لپاره طبیعي ګاز یو له مهمو سرچینو څخه دی. افغانستان په شمال او شمال ختیځ کې د طبیعي ګاز ډېرې پراخې زیرمې لري، چې له دې لارې کولی شي د برښنا په تولید کې پر ځانبسیا شي او د ګاونډ هېوادونو له انحصاره څه نا څه ووځي.
غالب زیاته کړې: د بیات پاور پروژه یوه له هغو اغېزمنو او ښو بېلګو څخه ده، چې افغانستان کولی شي له دې تجربې څخه ګټه واخلي او په راتلونکي کې لویې پروژې پلي کړي.
بیات پاور په هېواد کې لومړنی خصوصي شرکت دی، چې د جوزجان ولایت د شبرغان ښار په یتیمتاق سیمه کې د میلیونونو ډالرو پر پانګونه جوړ شوی او له طبیعي ګاز څخه حرارتي برښنا تولیدوي.
نور اړوند خبرونه:
بیات پاور په څه کم ۵ کلونو کې یو میلیارډ کیلو واټ ساعت برښنا تولید کړه
سوداگري
افغانستان ته د ایران صادرات ۳۳ سلنه زیات شول
د نوموړي د څرګندونو له مخې؛ تمه ده، چې د ١٤٠٣ لمریز لېږدیز کال تر پايه به افغانستان ته د ايران صادرات دوه ميليارډ ډالرو ته ورسېږي.
![](https://www.ariananews.af/wp-content/uploads/2023/01/Afghanistan-exports-Turkey.jpg)
د ایران د کانونو د صنایعو او سوداګرۍ خونې د سوداګرۍ د پراختیا کمیسیون ویاند سید روح الله لطیفي ويلي، چې افغانستان ته د دغه هېواد صادرات ۳۳ سلنه زیات شوي دي.
دا خبر د ایران صدا او سیما خبري سرچینې د لطیفي د څرګندونو له مخې راخیستې دی.
هغه زیاته کړې؛ د روان کال په لومړۍ ربع کې افغانستان ته د ایران صادرات ۵۲۰ میلیون ډالرو ته رسېدلي او دغه شمېر د تېر کال د همدومره وخت پر پرتله ۳۳ سلنه ډېروالی ښیي.
د نوموړي د څرګندونو له مخې؛ تمه ده، چې د ١٤٠٣ لمریز لېږدیز کال تر پايه به افغانستان ته د ايران صادرات دوه ميليارډ ډالرو ته ورسېږي.
د روان کال د جنورۍ پر نههویشتمه له افغانستان سره د ایران د سوداګرۍ څانګې مشر حسین روستایي ویلي وه، چې د ۱۴۰۲ لمریز لېږدیز کال د کب له اتهویشتمې څخه د روان کال د غویی تر درېیمې پورې افغانستان ته د دغه هېواد د غیر نفتي توکو صادرات د تېر کال د ورته وخت پر پرتله ۴۱ سلنه زیات شوي دي.
سوداگري
له کندهار څخه هند ته لسګونه زره ټنه وچه مېوه صادره شوې
د کندهار د سوداګرۍ خونې چارواکو ويلي، د دواړو هېوادونو لهخوا د صادراتو په برخه کې اسانتیاوې برابرې شوې دي.
![](https://www.ariananews.af/wp-content/uploads/2024/08/dried-nuts.jpg)
په تېرو څلور میاشتو کې له کندهار ولایت څخه هند ته ۱۲ زره ټنه وچه مېوه صادره شوې ده.
د کندهار د سوداګرۍ خونې چارواکو ويلي، د دواړو هېوادونو لهخوا د صادراتو په برخه کې اسانتیاوې برابرې شوې دي.
د کندهار د سوداګرۍ خونې چارواکو ويلي، په تېرو څلور مياشتو کې شاوخوا دولس زره ټنه وچه مېوه هند ته صادره شوې او هڅه کوي، چې اروپايي هېوادونو ته هم اړوند صادرت پیل کړي.
له بلېخوا سوداګر هم هند ته د صادراتو زیاتوالی یوه ښه هڅه ګڼي؛ خو له دواړو لوریو غواړي، چې د ویزو په برخه کې اسانتیاوې برابرې کړي.
د دغو چارواکو د څرګندونو له مخې؛ بادام، ممیز، انځر، کشته او شکرپاره هند ته صادرشوي دي.
ویل کیږي، چې د پاکستان لهلوري پر تازه میوې د لوړو ټیکسونو د کمولو په اړه چارواکو د هغه هېواد له مسوولینو سره کار کوي او هیله لري، چې اسانتیاوي به رامنځته شي.
-
تازه خبرونه4 days ago
د افغانستان چارسمبالی حکومت باید له داعش سره په مبارزه کې یوازې پاتې نشي – عزیزوف
-
لوبی4 days ago
د افغانستان فوټسال ملي لوبډلې ته کویټ ماتې ورکړه
-
تازه خبرونه5 days ago
په تېره یوه اوونۍ کې له افغانستان څخه څه باندې ۷۲ زره کسان وتلي
-
لوبی3 days ago
د نیوزیلینډ کرکټ ملي لوبډله له افغانستان سره د ټسټ لوبې لپاره هند ته ورسېده
-
نړۍ3 days ago
په امریکا کې د یوه ښوونځي زدهکوونکي ۱۳ کسنو ته مرګ او ژوبله اړولې
-
تازه خبرونه3 days ago
معلوماتو ته د بشپړ لاسرسی نشتوالی د خبریالانو یوه لویه ننګونه ده
-
تازه خبرونه4 days ago
جورجیت ګانیون د یوناما د سیاسي مرستیالي په توګه وټاکل شوه
-
نړۍ4 days ago
د اوکراین په لویدیځ کې مو هوايي بریدونه پیل کړل – روسیه