سوداگري
له قرغزستان څخه افغانستان ته د تېلو په صادراتو کې زیاتوالی رامنځته شو
د قرغزستان د احصائې ادارې خبر ورکړی، چې سږ کال دې هېواد افغانستان ته د ۸ میلیون او ۹۰۰ زره ډالرو پر ارزښت څه باندې ۷۰۰ زره لیټره تېل صادر کړي دي.
د ۲۰۲۴ ز. کال په لومړیو ۷ میاشتو کې له قرغزستان څخه افغانستان ته د تېلو صادرات د تېر کال پر پرتله څو برابره ډېر شوي دي.
د قرغزستان د احصائې ادارې خبر ورکړی، چې سږ کال دې هېواد افغانستان ته د ۸ میلیون او ۹۰۰ زره ډالرو پر ارزښت څه باندې ۷۰۰ زره لیټره تېل صادر کړي دي.
د اکي پرس د راپور له مخې؛ قرغزستان د تېر کال په ورته وخت کې افغانستان ته له ۱۹ زره لیټرو ډېر پټرول صادر کړي وه.
له قرغزستان څخه افغانستان ته د هر لیټر صادر شویو تېلو منځنۍ بیه ۵ سنټه ته رسېږي.
افغانستان د هېواد د ټولو صادراتو ۸۴ سلنه تېل وارد کړي دي.
سوداگري
پاکستانیو سوداګرو د پاکستان او افغانستان د ټرانزیټي لارې پر پرانیستلو ټینګار وکړ
فضل مقیم خان د اړوند سوداګریزې خونې په خبرپاڼه کې څرګنده کړې، چې له تېرو څو میاشتو راپدېخوا د پاکستان – افغانستان د لویو لارو د تړل کېدا له کبله دوه اړخیزه سوداګري، ټرانزیټي سوداګري او صادرات څه نا څه پای ته رسېدلي او اړتیا ده، چې سوداګرو ته د زیاتو زیانونو مخه ونیول شي.
د پاکستان د سوداګرۍ او صنایعو خونې مشر فضل مقیم خان له چارواکو وغوښتل، چې له افغانستان سره د سوداګرۍ د لارې د پرانستلو لپاره بېړنۍ هڅې تر سره کړي.
فضل مقیم خان د اړوند سوداګریزې خونې په خبرپاڼه کې څرګنده کړې، چې له تېرو څو میاشتو راپدېخوا د پاکستان – افغانستان د لویو لارو د تړل کېدا له کبله دوه اړخیزه سوداګري، ټرانزیټي سوداګري او صادرات څه نا څه پای ته رسېدلي او اړتیا ده، چې سوداګرو ته د زیاتو زیانونو مخه ونیول شي.
نوموړي زیاته کړې، چې د پاکستان او افغانستان ترمنځ د دوه اړخیزې سوداګرۍ او ټرانزیټي سوداګرۍ حجم د سوداګریزې لارې د تړلو له کبله "اندېښمنوونکي" حالت ته راټیټ شوی دی.
دغه راز د پاکستان یو سوداګر زاهدالله شینواري د پاکستان – افغانستان د لویې لارې د تړل کېدو په اړه ويلي، چې اوسمهال د پاکستان او افغانستان ترمنځ د سوداګرۍ حجم ډېر کم دی.
هغه زياته کړې؛ په تېرو څو مياشتو کې د پاکستان او افغانستان د سوداګريزو لارو د تړل کېدو له کبله د افغانستان او پاکستان دوه اړخيزه سوداګري او ټرانزيټي سوداګري سخته اغېزمنه شوې ده.
نوموړی وایي؛ د دوه اړخیزې سوداګرۍ او ټرانزیټي سوداګرۍ ځنډېدا د دواړو غاړو سوداګرو ته ستر مالي زیانونه اړولي دي.
شينواري ويلي، چې ځايي خلک او مسافر هم له ستونزو سره مخ دي.
ویل کیږي، چې سوداګرو د دې ستونزې د حل لپاره پر دوه اړخیزې اجماع او خبرو اترو ټینګار کړی دی.
سوداگري
په کابل کې د امام ابوحنیفه درېیم ملي او نړیوال اوونیز نندارتون جوړ شو
په دې اووه ورځني نندارتون کې، چې (د تلې له پېنځلسمې څخه تر یوویشتمې) دوام کوي؛ د بېلابېلو تولیدي، سوداګریزو او خدماتي سکټورونو محصولات او تولیدات نندارې ته اېښودل شوي دي.
د امام ابو حنیفه رحمةالله درېیم ملي او نړیوال نندارتون نن یکشنبه ( د تلې پېنځلسمه ) په کابل کې د ریاست الوزراء د اقتصادي مرستیال ملا عبدالغني برادر او د اسلامي امارت د سوداګرۍ او صنایعو خونې د مسوولانو، د هېوادونو او نړیوالو ټولنو سفیرانو، استازو، سوداګرو، پانګهوالو او نورو کورنیو چارواکو په شتون کې پرانیستل شو.
په دې اووه ورځني نندارتون کې، چې (د تلې له پېنځلسمې څخه تر یوویشتمې) دوام کوي؛ د بېلابېلو تولیدي، سوداګریزو او خدماتي سکټورونو محصولات او تولیدات نندارې ته اېښودل شوي دي.
د صنایعو او سوداګرۍ وزارت چارسمبالي نورالدین عزیزي په کابل کې د دغه نندارتون د پرانیستې په مراسمو کې ویلي، دا ډول نندارتونونه د هېوادونو د صنعتي او تولیدي وړتیاوو د پېژندنې لپاره ښه فرصت دی.
نورالدین عزیزي څرګنده کړې، چې د ننني نندارتون اصلي موخه د کورنیو بازارونو پیاوړتیا، بازارموندنه، پراختیا او له اسلامي امارت سره د سیمې د هېوادونو د اړیکو ټینګول دي.
دغه راز د ریاست الوزراء د دفتر اقتصادي مرستیال د دغه نندارتون د پرانیستې په مراسمو کې ویلي، چې دا ډول نندارتونونه د محصولاتو د پلور او بازار موندنې لپاره ښه فرصت رامنځته کوي.
هغه يادونه کړې؛ په دې نندارتون کې، چې يوه اوونۍ به روان وي، د کورنيو او بهرنيو شرکتونو محصولات به په ٧٠٠ غرفو کې نندارې ته وړاندې شي.
ملا برادر زیاته کړې: د دې نندارتون ښهوالی دا دی، چې کورني او بهرني سوداګر او پانګوال له یو بل سره د نظریاتو تبادله کوي او دا نندارتون د تولیدونکیو لپاره د بازار د وضعیت په ښه کولو او د سوداګرو د ستونزو په حل کې مهم رول لوبوي.
د ریاست اوزراء اقتصادي مرستيال په افغانستان کې د سوداګرو او پانګوالو د فعاليتونو د ستاينې پر مهال يادونه وکړه، چې په افغانستان کې د نړيوالو هېوادونو او سوداګرو لپاره د پانګونې ښه زمينه برابره ده.
د افغانستان د سوداګرۍ او پانګونې خونې لومړي مرستیال یونس مومند د دغه نندارتون په اړه ویلي، چې دغه نندارتون د تجربو د تبادلې او بهرنیو سوداګرو ته د افغاني تولیداتو د ورپېژندلو یو ښه فرصت دی او له دې فرصت څخه باید ګټه پورته شي.
دغه نندارتون د حکومت د چارسمبالو چارواکو او د ګاونډ او سيمې د يو شمېر استازو په شتون سره پرانيستل شو.
په دې نندارتون کې د اووه ورځو لپاره د کورنیو او بهرنیو تولیداتو څه باندې ۷۰۰ غرفې نندارې ته ایښودل شوي دي.
د دغه نندارتون د جوړېدو موخه د کورنیو تولیداتو ننداره او وده ده.
سوداگري
افغانستان ته د ایران د ټرانزیټ کچه ۸ برابره لوړه شوه – ایران
محمد کوهګرد د دوشنبې پر ورځ (د تلې نهمه) دولتي خبري سرچینې ایرنا ته ویلي: د روان کال په لومړیو شپږ میاشتو کې څه باندې ۱۵ زره کانټینرونه، چې له څلور نیم زره ټنو ډېر وزن لري؛ د ماهیرود له پولې افغانستان ته لېږدول شوي دي.
د ایران د جنوبي خراسان ولایت د ګمرکونو عمومي رییس ويلي، چې د روان کال په لومړیو شپږو میاشتو کې د دغه ولایت له پولو څخه افغانستان ته د ټرانزیټ کچه ۸ برابره لوړه شوې ده.
محمد کوهګرد د دوشنبې پر ورځ (د تلې نهمه) دولتي خبري سرچینې ایرنا ته ویلي: د روان کال په لومړیو شپږ میاشتو کې څه باندې ۱۵ زره کانټینرونه، چې له څلور نیم زره ټنو ډېر وزن لري؛ د ماهیرود له پولې افغانستان ته لېږدول شوي دي.
محمد کوهګرد زیاته کړې، چې: دا شمېر د تېر کال د همدومره وخت پر پرتله اته برابره ډېروالی ښیي.
هغه زياته کړه، چې په ټرانزيټي توکو کې مصرفي توکي، بوره، اوړه، د پخلي غوړي او سره شته، چې له ترکيې، متحده عربي اماراتو، روسيې او انډونيزيا څخه د ماهیرود ګمرک له لارې افغانستان ته لېږدول شوي دي.
-
تازه خبرونه2 days ago
د منځني ختیځ له کړکېچ وروسته د افغانستان له هسک د نړیوالو الوتنو کچه مخ پر ډېرېدو شوه
-
نړۍ2 days ago
د دوبۍ اماراتو ایرلاین پر واکي ټاکونو بندیز ولګاوه
-
تازه خبرونه2 days ago
بیات بنیاد د هرات حوزوي روغتون د ماشومانو څانګه بشپړه ورغوله
-
تازه خبرونه1 day ago
د روان کال تر پایه به دوه میلیون ناقانونه کډوال له ایران وایستل شي
-
تازه خبرونه1 day ago
د خوړو نړیوال پروګرام له دوه میلیون ښځو سره نغدي مرسته وکړه
-
سیمه ییز خبرونه2 days ago
د پاکستان د پخواني لومړي وزیر عمران خان پلویانو لسګونه پولیس ټپیان کړل
-
تازه خبرونه3 days ago
د مسکو د فورم د شپږمې ناستې په څنډه کې د ۵ هېوادونو ځانګړو استازو له امیرخان متقي سره وکتل
-
تازه خبرونه3 days ago
امیر خان متقي د مسکو د ناستې په څنډه کې له لاوروف سره وکتل