Connect with us

تازه خبرونه

د کندهار د پولیسو اویا په سلو کې سرتېرو له دندو سره مخه ښه کړې

Ariana News

خپور شوی

 په

(Last Updated On: January 1, 2021)

د کندهار والي له آریانا نیوز ته ویلي، چې په کندهار کې یوازې دېرش سلنه پولیس فعال دي او اویا نور  پاشلې بڼه لري.

د کندهار والي حیات الله حیات منلې، چې په وروستیو کې د کندهار اویا په سلو کې پولیس له دندو تښيدلي او تیت او پرک شوي دي.

دغه وضعیت ته په کتو ولسمشر هم څه موده مخکې د یو پلاوي پر مشرتابه کندهار ولایت ته سفر کړی ولاړ.

په کندهار کې جګړه د ښار تر دروازو رارسیدلې او د امنیه قومندانۍ په پېنځه کیلو مترۍ کې د طالبانو او افغان ځواکونو د جګړې کرښه ده.

داسې ښکاري، چې د کندهار ځواکمن پولیس پر ګوڼدو شوی دی.

د کندهار د وضعیت د څېړنې پلاوي غړيو ویلي؛  په دوحه کې د افغانانو خپلمنځي خبرو هم د جګړو پر اور اوبه ندی تویې کړي، بلکې په کندهار کې جګړه سخته شوې؛ په ارغنداب، ژیړۍ، پنجوايي، میوند او ډنډ ولسوالیو کې سختې جګړې روانې دي. په تېرو دوه میاشتو کې سرتېرو په دغو ولسوالیو کې درې سوه پوستې، چې ډېرې یې د پولیسو وې؛ طالبانو ته پرېښودل شوي دي.

افغان چارواکي وايي، چې ځواکونه یې په دفاعي حالت کې دي.

وسلوالو طالبانو په وروستیو څو میاشتو کې پر پوځي مرکزونو اته ویشت موټر بم بریدونه کړي.

د طالبانو د دغو بریدونو د ځپلو لپاره په کندهار کې میشت امریکايي سرتېرو د افغان ځواکونو ملاتړ ته وردانګلي؛ خو معلومات نشته، چې امریکايي ځواکونو پر طالبانو څو بریدونه کړي.

د جګړې په ډګر کې له دغو بدلونونو ور هخوا د ولسي وګړیو ژوند له سخت کړاو سره مخ شوی دی.

د مشرانو جرګې د غړي آصف صدیقي د څرګندونو له مخې؛ سر له اوسه په کندهار کې درې سوه پوستې سقوط شوي دي.

دا په داسې حال کې ده، چې په روان ژمي کې روانو جګړو د کندهاریانو ژوند ګډوډ کړی؛ نو، ځکه خلک وېره لري، چې په را روان پسرلي کې به په دغه ولایت کې د جګړې لمن پراخه شي.

تازه خبرونه

طالبانو د افغانستان پلازمېنې ته د نږدې ولایت ولسوالي ونیوله

Ariana News

خپور شوی

په

توسط

(Last Updated On: May 12, 2021)

سیمه ییزو چارواکو او امنیتي ځواکونو منلې، چې وسلوالو طالبانو د سې شنبې پر ورځ پلازمېنې کابل ته نږدې په میدان وردګ ولایت کې د نرخ ولسوالي ونیوله او حکومتي ځواکونو ترې شاتګ کړی دی.

د نرخ ولسوالۍ نیول او د تاوتریخوالي ډېرېدل په داسې حال کې رامنځته کیږي، چې حکومت د طالبانو لخوا د کوچني اختر په درې ورځو کې د اوربند له اعلانه هرکلی کړی دی.

د کورنیو چارو وزارت ویاند طارق آرین رویټرز ته څرګنده کړې، چې حکومتي سرتېرو له طالبانو سره له سختې نښتې وروسته د نرخ ولسوالۍ له مرکزه تکتیکي شاتګ کړی، چې د کابل دروازه ګڼل کیږي.

طالب ویاند ذبیح الله مجاهد په یوه ټویټ کې څرګنده کړې، چې طالبانو د نرخ ولسوالۍ د نیولو په بهیر کې  د افغان امنیتي ځواکونو یو شمېر سرتېري وژلي او نیولي دي.

هغه زیاته کړې، چې دوی د وسلو او مهماتو یوه زیرمه هم کشف او تر لاسه کړې ده.

افغان حکومت په دې جګړه کې د امنیتي ځواکونو د ځاني زیانونو په اړه څه ندي ویلي.

طالبان د کابل په لودیځ میدان وردګ او جنوب لوګرولایتونو کې پراخ شتون لري.

د رویټرز د څرګندونو له مخې؛ افغان چارواکي ويلي، چې طالبان دغه ولایتونه په پلازمېنه کابل کې د برید او چاودنو لپاره کاروي.

د میدان وردګ والي عبدالرحمن طارق آریانا نیوز ته د ولسوالۍ سقوط تائید کړی او څرګندوي؛ له بده مرغه پرون د یو جوړ جاړي په پایله کې طالبانو دغه ولسوالي ونیوله او امنیتي ځواکونو ترې تاکتیکي شاتګ وکړ.

د ملي دفاع وزارت مرستیال ویاند فواد امان د چارشنبې پر ورځ په خپل ټویټ کې په ډاګه کړې، چې افغان کومانډو ځواکونه میدان وردګ ولایت ته رسیدلي  او له نرخ ولسوالي به د طالبانو ادیره جوړه شي.

Continue Reading

تازه خبرونه

چین په افغانستان کې ټولګډونه او منځلاری اسلامي حکومت غواړي

Ariana News

خپور شوی

په

توسط

(Last Updated On: May 12, 2021)

د چین بهرنیو چارو وزیر یي وانګ پرون ( سې شنبه د غویی ۲۱) ویلي؛ احساس کوم، چې د تاجکستان او ازبکستان په ګډون د افغانستان ټول ګاونډیان د افغانستان د سولې له بهیره ملاتړ کوي.

یي وانګ زیاته کړې، چې افغانستان باید د سولې په خبرو کې د ټولو قشرونو او توکمیزو ډلو برخه اخیستنه ډاډمنه کړي.

د چین او منځنۍ آسیا د بهرنیو چارو وزیرانو د غونډې په څنډه کې د چین د بهرنیو چارو وزارت په یوه اعلامیه کې څرګنده کړې؛ چین هیله من دی، چې نوی افغان حکومت منځلاري اسلامي پلیسۍ غوره کړي.

هغه ویلي: بیجینګ هیله من دی، چې بهرني سرتېري باید په منظم ډول او مسوولانه له افغانستان څخه ووځي، چې د سولې په پروسه کې یې له بیړنیو کړنو، لاسوهنو او ناوړه پایلو مخه ونیول شي.

د چین د بهرنیو چارو وزیر وايي: د ازبکستان او تاجکستان لپاره هم مهمه ده، چې د افغانستان د سولې له بهیر سره همغږي او ملاتړي شي.

په افغانستان کې د سولې او حکومتدارۍ لپاره د چین وړاندیزونه:

۱- د افغانستان د سولې بهیر باید د افغانانو په مشرۍ او مالکیت وي.

۲- افغانستان باید ټولګډونه پالیسۍ او سیاسي جوړښتونه ولري، چې ټول قشرونه او توکمونه په کې خپله برخه ولري او له سیاسي حقونو مساوي برخمن شي.

۳- د افغانستان د حکومتدارۍ راتلونکي سیستم باید د دغه هېواد له ځانګړیو شرایطو سره سم چمتو شي او د نورو سیستمونو د تپلو مخه دې ونیول شي.

د چین د بهرنیو چارو وزیر ویلي؛ د سیمې هېوادونه او نړیواله ټولنه د افغانستان له راتلونکي حکومت څخه غواړي، چې منځلاری اسلامي پالیسۍ وکاروي او ترهګرو ته اجازه ورنکړي، چې په افغانستان کې هڅې ترسره کړي.

د چین او مرکزي آسیا د بهرنیو چارو وزیرانو غونډه به نن د دغه هېواد د شانشي ولایت په مرکز کې جوړه او تر سره شي.

په دې غونډه کې به د قزاقستان، قرغزستان، تاجکستان، ترکمنستان او ازبکستان د بهرنیو چارو وزیران ګډون وکړي.

Continue Reading

تازه خبرونه

د باجوه او غني له ناستې وروسته، پاکستان تلپاتې سولې ته هیله من شو

Ariana News

خپور شوی

په

توسط

(Last Updated On: May 11, 2021)

د راپورونو له مخې؛ د پاکستان د بهرنیو چارو وزیر نن ( سې شنبه د غویی ۲۱) څرګنده کړې، چې له ولسمشر غني سره د پاکستان د پوځ د لوی درستیز جنرال قمر جاوید باجوه له ناستې وروسته په افغانستان کې د تلپاتې سولې لپاره هیلې ډېرې شوې دي.

د پاکستان د بهرنیو چارو وزیر شاه محمود قریشي یوې خبري غونډې ته ویلي، چې جنرال باجوه له لوړپوړیو افغان چارواکو سره د سولې پر بهیر خبرې کړې دي.

قریشي دا هم ویلي: له دې غونډې وروسته په افغانستان کې د تلپاتې سولې لپاره هیلې ډېرې شوي. مونږ د سولې او ثبات لپاره د افغانستان له خلکو سره یو.

د پاکستان د بهرنیو چارو وزیر قریشي ویلي، چې د بهرنیو ځواکونو له وتلو وروسته به افغان ځواکونه د امنیت چمتو کولو مسوولیت ولري.

هغه پدې اړه ویلي، پاکستان د یو سوکاله افغانستان د لیدو هیله لري.

قریشي زیاته کړې، چې خبرې د طالبانو او افغان حکومت ترمنځ د حل یوازنۍ لار ده.

د شاه محمود قریشي د څرګندونو له مخې: په افغانستان کې سوله د طالبانو او افغان حکومت په ګټه ده.

د پاکستان د بهرنیو چارو وزیر په ډاګه کړې، چې سوله نه یوازې په افغانستان کې، بلکې د پاکستان او د سیمې د نورو هېوادونو په ګټه هم ده.

په هر حال د افغانستان د سولې په بهیر کې د پاکستان رول روڼ ښودل شوی دی.

تیره اوونۍ یو شمېر سرچینو رویټرز ته منلې؛ پاکستان هڅې کوي، چې د استانبول په ناسته کې د ګډون لپاره وسلوال طالبان وهڅوي.

Continue Reading

Trending

آریانا نیوز: ټول حقونه خوندي دي