لوبی
د کرکت نړیوال جام د پایلوبې په اړه اړینې څرګندونې
![](https://www.ariananews.af/wp-content/uploads/2023/11/wc-final.jpg)
د سږ کال د نرینهوو کرکت نړیوال جام شپږ اوونیزې لوبې زړهراکښونکې وې، چې په ټوله نړۍ کې یې د کرکت مینهوال ځانته لیواله کړي؛ خو اوس هم پای ته رسیدلې نهدي او یوه لوبه پاتې ده، چې څوک به د روان کال اتلولي خپلوي.
د احمد آباد په نریندرا مودي لوبغالي کې د سږنۍ پایلوبې د ترسره کولو لپاره یوازې یوه ورځ پاتې ده، چې ۱۰۰ زره لیدونکي به ولري. د دې پایلوبې له لیدو مخکې اړینه ده، چې په افغانستان کې د آریانا تلویزیوني شبکې ژوندۍ خپرونه وګورئ.
پایلوبې ته د دې جام د لوبغاړيو رسیدل
هند د ګروپي پړاو پر وهلو ټولې نهه لوبې وګټلې او له ۱۸ نمرو برخمن شو. هند په ګروپي پړاو کې د ۲.۵۷۰ منډو د کچې پر تر سره کولو ټولې ۹ لوبې وګټلې او د لښتیلیک لومړی نمبر ځای یې ونیوه.
د نیوزیلند پر وړاندې په نیمه پایلوبه کې روهیت شرما او شوبمن ګیل زړه راکښونکې توپوهنه وکړه او د لوبډلې لپاره ښه پیل و. ویرات کوهلي هم د سچین تندولکر ریکارد مات کړ او د یو ورځنیو سیالیو پنځوسمه سلیزه یې پوره کړه. هند نیوزیلند ته د ۳۹۷ منډو هدف وټاکه او نیوزیلند ته یې د ۷۰ منډو پر توپیر ماتې ورکړه.
دغه راز آسترالیا په خپلو لومړیو سیالیو کې له هند او سویلي آفریقا څخه د ماتې له خوړلو سره – سره پاتې اووه لوبې وګټلې او د ۱۴ نمرو پر خپلولو یې پایلوبې ته لار وموندله.
په نیمه پای لوبه کې د سویلي آفریقا سره له دوهیمې لوبې مخکې آسترالیا کمزورې احساسېذله؛ خو ډېر ښه پیل یې درلود او جنوبي آفریقا پر ۲۴ منډو او ۴ ویکتوتر فشار لاندې ونیوله. د دیوید میلر سلیزې آفریقا هیله منه کړه؛ خو د کمینز او مچل ستارک پر ټوپوهنې وکولی شول، چې جنوبي آفریقا د درې ویکتو پر توپیر وګټي او پایلوبې ته لار ومومي.
د لوبډلو جوړښت
د هند لوبډله: روهیت شرما ( لوبډلمشر) شوبمن ګیل، ویرات کوهلي، شریاس آیر، کیال راهول، رویندرا جدیجا، شاردول تاکور، جسپریت بومرا، محمد سراج، کولدیپ یادو، محمد شمي، رویچندرن اشوین، ایشان کیشان، پراسید کریشنا، سوریاکومار یادو.
آسترالیا لوبډله: پت کمینز، ستیون سمیت، الیکس کري، جاش اینګلیس، شان ابوت، کامرون ګرین، جاش هازلوود، تراویس هد، مارنس لابوشاګن، میچ مارش، ګلن ماکسول، مارکوس ستینیس، دیوید وارنر، آدم زامپا، مچل ستارک.
د هوا حالات
که هوا د یکشنبې پر ورځ ستونزه رامنځته کړي؛ نو یوه بله احتیاطي ورځ شته؛ خو تر دې دمه ورځ لمرینه او تودوخه د سانتي ګراد ۳۳ درجې اټکل شوې ده.
نغدي جایزه
دا سیالۍ لس میلیون دالر ارزښت لري؛ د جام ګټونکی به څلور میلیون دالر کورته وړي او دوهیمه لوبډله به دوه میلیون دالره ترلاسه کړي.
لوبډلو د هر ګروپي پړاو د ګټلو لپاره ۴۰۰۰۰ دالر ترلاسه کړي.
لوبغالی
په احمد آباد کې د نریندرا مودي لوبغالی د نړۍ ترټولو لوی سپورت لوبغالی دی او د پایلوبې کوربهتوب به کوي. دغه لوبغالی د اکتوبر پر پېنځمه د دغو سیالیو د پرانیستلو کوربهتوب هم کړی. دغه لوبغالی د ۱۳۲۰۰۰ کسانو وړتیا لري.
پایلوبه د کابل پر وخت د ماسپښین پر ۱ بجه پیلیږي او پچه اچونه به نیم ساعت مخکې ترسره شي.
پخوانۍ بریاوې
آسترالیا او هند په یو ورځنیو نړیوالو سیالیو کې ۱۳ ځلې مخ شوي، چې اته ځلې آسترالیا ګټلي او هند پېنځه بریاوې پخپل نوم کړې دي.
دغه راز آسترالیا په ۱۵۰ یو ورځنیو لوبو کې له بریاوو برخمنه ده؛ ۸۳ لوبې او هند ۵۷ هغه ګټلې دي.
پایلوبې ته د رسېدو لار
هند نهه لوبې ګټلي او ماته نهلري؛ هند په ګروپي پړاو کې د ۲.۵۷۰ منډو پر تر سره کولو د لښتیلیک لومړی نمبر ځای نیولی او په نیمه پایلوبه کې یې نیوزیلند ته د ۷۰ منډو پر توپیر ماتې ورکړې ده.
آسترالیا په ورته وخت کې اووه د ګروپي پړاو لوبې وګټلې؛ دوه یې بایللي او د منډو کچه یې ۰.۸۴۱ ته رسېدلې او په نیمه پایلوبه کې یې سویلي آفریقا ته د درې ویکتو پر توپیر ماتې ورکړې ده.
د مینه والو لپاره
د آریانا نړیواله تلویزیوني شبکه (ATN) د روان کال د نړیوال جام د یو ورځنیو سیالیو پر زړه پورې سیالۍ د میلیونونه افغانانو کورونو ته رسولې او یو ځل بیا به د یکشنبې لوبه وړاندې کړي.
دا شبکه د افغانستان لپاره د لوبو د خپرولو ځانګړی حق لري، چې د یکشنبې پر ورځ به له ۱۲ بجو څخه پر ژوندۍ بڼه له آریانا تلویزیون، آریانا نیوز او آریانا ایف ایم ۹۳.۵ څخه خپریږي.
لوبی
د نیوزیلینډ کرکټ ملي لوبډله له افغانستان سره د ټسټ لوبې لپاره هند ته ورسېده
د افغانستان کرکټ بورډ د حشمت الله شهیدي پر مشرۍ یوه ۲۰ کسیزه لوبډله اعلان وکړ، چې د نیوزیلینډ له لوبډلې سره به په روزنیز کمپ کې وویني.
![](https://www.ariananews.af/wp-content/uploads/2024/09/New-Zeland-cricket-team.jpg)
د نیوزیلینډ کرکټ ملي لوبډله د افغانستان له ملي لوبډلې سره د یوازنۍ ټسټ لوبې د ترسره کولو لپاره د هند ګریټر نویدا ښار ته ورسېده.
ټاکل شوې، چې دغه لوبه د راتلونکې دوشنبې پر ورځ ( د وږي نولسمه / د سپټمبر نهمه ) د افغانستان پر وخت د سهار پر نهو بجو پیل شي.
د افغانستان کرکټ بورډ د چارشنبې پر ورځ (د وږي اوومه) اعلان کړی، چې د هېواد کرکټ ملي لوبډله له نیوزیلینډ سره د روزنیزې ناستې لپاره هند ته ورسېده.
د افغانستان کرکټ بورډ د حشمت الله شهیدي پر مشرۍ یوه ۲۰ کسیزه لوبډله اعلان وکړ، چې د نیوزیلینډ له لوبډلې سره به په روزنیز کمپ کې وویني.
دا لومړی ځل دی، چې نیوزیلینډ له افغانستان سره روزنیزه لوبه کوي.
له دې مخکې د افغانستان کرکټ بورډ اعلان کړی و، چې یوه شل کسیزه لوبډله به د سپټمبر له نهمې څخه تر دیارلسمې پورې له نیوزیلینډ سره لوبه وکړي؛ خو راشد خان د افغانستان د کرکټ ستوری د سیالۍ په دې پړاو کې نشته.
میرویس اشرف؛ د هېواد کرکټ بورډ مشر په لوبډله کې د ځوانانو استعدادونو پر شاملېدو خوښي څرګنده کړه.
میرویس اشرف ویلي: خوښ یم؛ یو شمېر هغه ځوانان، چې په کورني کرکټ کې ښه ځلېدلي په ټسټ لوبډله کې ګډون کوي.
د افغانستان په لومړنۍ روزنیزې لوبډله کې حشمت الله شهیدي، ابراهیم ځدراڼ، ریاض حسن، عبدالمالک، رحمت شاه، بهیر شاه محبوب، اکرام علیخیل، شهیدالله کمال، ګلبدین نایب، افسر ځاځي، عظمت الله عمرزی، ضیا الرحمن اکبر، شمس الرحمن، قیس احمد، ظاهر خان، نجات مسعود، فرید احمد ملک، نوید ځدراڼ، خلیل احمد او یما عرب برخه لري.
لوبی
بنګله دېش کرکټ لوبډلې پاکستان ته د شپږ ویکټو پر ټوپیر ماتې ورکړه
د بنګله دېش توپاچوونکي مهدي حسن د پاکستان لوبډلې پېنځه لوبغاړي له ډګره لرې کړل.
![](https://www.ariananews.af/wp-content/uploads/2024/09/Bangladesh-beat-Pakistan.jpg)
د بنګله دېش کرکټ ملي لوبډلې په دوهیمه ټسټ لوبه کې کوربه لوبډلې پاکستان ته ماتې ورکړه.
د دې لوبې لومړي پړاو، چې په راولپنډۍ ښار کې ترسره شو؛ د پاکستان ملي لوبډلې ټول لوبغاړي په داسې حال کې له ډګره وایستل شول، چې دوی ۲۷۴ منډې جوړې کړې وې. د پاکستان لوبډلې لپاره سعیم ایوب ۵۸، شان مسعود ۵۷ او سلمان آغا ۵۴ منډې وکړې.
د بنګله دېش توپاچوونکي مهدي حسن د پاکستان لوبډلې پېنځه لوبغاړي له ډګره لرې کړل.
د بنګله دېش لوبډله د لومړي پړاو په پيل کې ښه ونهځلېدل او شپږ لوبغاړي يې په داسې حال کې له ډګره لرې شول، چې يوازې ٢٦ منډې يې جوړې کړې وې. داسې ښکارېده، چې پاکستان به د تېرې لوبې د ماتې غچ واخلي؛ خو لیټون ډاس د ۱۳۸ او مهدي حسن د ۷۸ منډو له جوړولو سره ټولټال ۲۶۲ منډې جوړې کړې.
پاکستاني توپاچوونکي خرم شهزاد شپږ بنګله دېشي لوبغاړي وسوځول.
په دوهیم پړاو کې بیا پاکستاني لوبغاړي ونه توانېدل، چې د بنګلادیش توپاچوونکيو مخې ته ودریږي او پرلهپسې وسوځېدل. په داسې حال کې، چې یوازې ۱۷۲ منډې یې جوړې کړې وې.
د بنګله دېش توپاچونوونکي حسن محمود د پاکستان له لوبډلې پېنځه ویکټې واخیستې.
بنګله دېش لوبډلې په دې تاریخي لوبه کې د څلورو لوبغاړو پر سوځېدو ۱۸۵ منډې جوړې کړې او پاکستان ته یې ماتې ورکړه.
لوبی
د افغانستان فوټسال ملي لوبډلې ته کویټ ماتې ورکړه
د نړیوال جام په سیالیو کې به افغانستان خپله لومړۍ لوبه د وږي پر پېنځهویشتمه / د سپټمبر پر پېنځلسمه د انګولا پر وړاندې ترسره کړي.
![](https://www.ariananews.af/wp-content/uploads/2024/09/Futsal-1.jpg)
د افغانستان فوټسال ملي لوبډلې د پېنځه وچو لوبدلو په سیالیو کې د کویټ پر وړاندې ۴-۳ ماتې وخوړه.
دا لوبه نن ماسپښین د تایلینډ په بنکاک کې ترسره شوه.
د افغانستان لپاره دا سیالۍ د ۲۰۲۴ ز. کال فوټسال نړیوال جام ته چمتوالی دی، چې ټاکل شوې یوه اوونۍ وروسته په ازبکستان کې پیل شي.
تایلینډ اوسمهال د افغانستان، تایلینډ، ګواتیمالا، نیوزیلینډ او کویټ لوبډلو په ګډون د وچو سیالیو کوربتوب کوي.
افغان فوټسال ملي لوبډله به سبا چارشنبه د دغو سیالیو په لړ کې له نیوزیلینډ سره مخ شي.
د نړیوال جام په سیالیو کې به افغانستان خپله لومړۍ لوبه د وږي پر پېنځهویشتمه / د سپټمبر پر پېنځلسمه د انګولا پر وړاندې ترسره کړي.
افغانستان به خپله لومړۍ لوبه د سپټمبر پر بېنځلسمه د یکشنبې پر ورځ له انګولا سره تر سره کړي.
آریانا ټلویزیون به په ټول افغانستان کې د فوټسال مینهوالو ته دا زړهراکښونکې سیالۍ پر ژوندۍ بڼه خپرې کړي.
-
تازه خبرونه4 days ago
د افغانستان چارسمبالی حکومت باید له داعش سره په مبارزه کې یوازې پاتې نشي – عزیزوف
-
لوبی4 days ago
د افغانستان فوټسال ملي لوبډلې ته کویټ ماتې ورکړه
-
تازه خبرونه5 days ago
په تېره یوه اوونۍ کې له افغانستان څخه څه باندې ۷۲ زره کسان وتلي
-
لوبی3 days ago
د نیوزیلینډ کرکټ ملي لوبډله له افغانستان سره د ټسټ لوبې لپاره هند ته ورسېده
-
نړۍ3 days ago
په امریکا کې د یوه ښوونځي زدهکوونکي ۱۳ کسنو ته مرګ او ژوبله اړولې
-
تازه خبرونه3 days ago
معلوماتو ته د بشپړ لاسرسی نشتوالی د خبریالانو یوه لویه ننګونه ده
-
تازه خبرونه4 days ago
جورجیت ګانیون د یوناما د سیاسي مرستیالي په توګه وټاکل شوه
-
نړۍ4 days ago
د اوکراین په لویدیځ کې مو هوايي بریدونه پیل کړل – روسیه