تازه خبرونه
د ملګرو ملتونو امنیت شورا د افغانستان لپاره د ځانګړي استازي د ټاکلو غوښتنه وکړه
د جمعې پر ورځ د ملګرو ملتونو امنیت شورا د افغانستان لپاره د ځانګړي استازي د ټاکلو پرېکړه لیک تصویب کړ او د دې هېواد له مشرانو سره یې د اړیکو د زیاتولو غوښتنه وکړه.
دا غوښتنه له هغې وروسته وشوه، چې د ملګرو ملتونو ځانګړي همغږي کوونکي فریدون سینیرلي اوغلو د افغانستان د وضعیت په اړه په خپل راپور کې له افغانستان سره د تعامل د ډېرولوغوښتنه وکړه.
د امنیت شورا پرېکړه لیک د ملګرو ملتونو له عمومي منشي انتونیو ګوترش څخه غوښتي، چې د راپور د سپارښتنو په ځانګړي توګه د بشري حقونو په اړه ځانته یو ځانګړی استازی وټاکي.
دا پرېکړه لیک د امنیت شورا د ۱۳ غړیو پر موافقو او د روسیې او چین پر ممتنع رایو تصویب شو.
په ملګرو ملتونو کې د جاپان سفیر یامازاکي کازویوکي له راې ورکولو مخکې ویلي وه: عربي متحده امارات او جاپان په دې باور دي، چې د راتلونکیو خبرو اترو لپاره غوره بنسټ خپلواکه ارزونه ده.
هغه زیاته کړې: لکه څنګه، چې خپلواکه ارزونه ښیي؛ دا پرېکړه لیک د ملګرو ملتونو پر همغږي، راټول او بنسټیز جوړښت د ورزیاتولو پر اړتیا ټینګار کوي.
د امريکا استازې د دغه پرېکړه ليک له تصويب وروسته ويلي: امريکا د افغانستان لپاره د ملګرو ملتونو د ځانګړي استازي د دغه پرېکړه ليک له غوښتنې څخه په کلکه ملاتړ کوي. یو ځانګړی استازی به د افغانستان په اړه د اړوند افغان سیاسي لوبغاړو او شریکانو په ګډون نړیوالې اړیکې پوره همغږې کړي.
له دې مخکې د افغانستان بهرنیو چارو وزارت چارسمبالي امیرخان متقي د افغانستان لپاره د بریتانیا د سفارت له چارسمبالي سره په کتنه کې ویلي وه، چې د ملګرو ملتونو له لوري د ځانګړي استازي د ټاکلو وړاندیز د افغانستان لپاره مناسب نهدی.
په ملګرو ملتونو کې د چین استازي ګنګ شوانګ د جمعې پر ورځ ویلي، چې د ځانګړي استازي د ټاکلو په اړه باید د اسلامي امارت نظر ته درناوی وشي. که نه؛ نو دا به د نړیوالې ټولنې او افغان چارواکو تر منځ ناندرۍ نورې هم ډېرې کړي.
په ملګرو ملتونو کې د روسيې د استازي مرستيالې انا اوستیګنيوا ويلي، چې د دې ټولنې عمومي منشي باید له افغان چارواکو سره سلا مشورې وکړي.
هغې ویلي: مونږ غواړو دا روښانه کړو، چې د عمومي منشي له پرېکړې به ملاتړ ونهکړو؛ خو که دا پرېکړه د حکومتي چارواکو لخوا ومنل شي. مونږ باور لرو؛ د افغانستان مسله یوازې هغه وخت حل کېدی شي، چې له واکمنو چارواکو سره همغږې او له زغمه ډکې خبرې وشي او ځینې غربي مرستندویان خپلې تشې خبرې بندې کړي او له بشري مرستو څخه ناوړه ګټه اخیستنه ودرول شي.
په کابل کې د ترکیې سفارت د افغانستان په اړه د ملګرو ملتونو د امنیت شورا د پریکړه لیک له تصویب هرکلی وکړ په کابل کې د ترکیې سفارت د افغانستان لپاره د ملګرو ملتونو د عمومي منشي د ځانګړې همغږۍ کوونکي فریدون سینیرلي اوغلو د راپور په اړه د امنیت شورا د پرېکړه لیک له تصویب هرکلی کړی دی. دې سفارت په ایکس پاڼه کې لیکلي، چې په دې راپور کې راغلې سپارښتنې به له افغانستان سره په بېلابېلو برخو کې مرسته وکړي. دغه بنسټ زیاته کړې، چې ترکیه به د وړاندیزونو د تطبیق په برخه کې له افغانانو سره خپلې مرستې روانې وساتي. د افغانستان په اړه د ملګرو ملتونو د امنیت شورا پرېکړه لیک د جمعې پر ورځ پر ۱۳ موافقو رایو تصویب شو؛ خو چین او روسیې له رایې ورکولو ډډه وکړه.
تازه خبرونه
د خوړو نړیوال پروګرام له څه باندې ۲۵۰ زره افغانانو سره مرسته کړې
دغه پروګرام د پنجشنبې پر ورځ ویلي، په دې مرستو کې د اوړو، غنمو، سابو، غوړيو، دال، نخود او مالګې په ګډون دوه زره ټنه خوراکي توکي وه.
د خوړو نړیوال پروګرام په یوه راپور کې څرګنده کړې، چې د چین پر مرسته یې په تېرو میاشتو کې د افغانستان له څه باندې ۲۵۰ زره کسانو سره مرسته کړې ده.
دغه مرسته په داسې حال کې شوې، چې د خوړو نړیوال پروګرام په افغانستان کې د بودجې د کمښت له خطر سره مخ و.
دغه پروګرام د پنجشنبې پر ورځ ویلي، په دې مرستو کې د اوړو، غنمو، سابو، غوړيو، دال، نخود او مالګې په ګډون دوه زره ټنه خوراکي توکي وه.
د راپور له مخې؛ دا مرستې په ټول افغانستان کې پر څه باندې ۳۵ زره کورنیو وېشل شوې دي.
دې پروګرام ویلي؛ د چین لخوا له هغو افغانانو سره د خوراکي توکو مرسته په داسې حال کې شوې، چې دا پروګرام د بودجې له کمښت سره مخ دی.
په افغانستان کې د خوړو نړیوال پروګرام مشر ویلي: افغانستان په نړۍ کې د لوږې یو مرکز دی او په ټول هېواد کې د درې پر څلورمې برخې ډېر خلک داسې ځواکمن خواړه نلري، چې د خوارځواکۍ مخه ونیسي.
په افغانستان کې د چین سفارت د اقتصادي او سوداګریزو چارو سلاکار ویلي، چې اوسمهال ډېر افغانان له «نا امیدۍ او لوږې» سره مخ دي.
دې پروګرام ټینګار کړی، چې په افغانستان کې ډېري کورنۍ د ژمي په میاشتو کې د خوراکي توکو دوامداره بېړنیو مرستو ته اړتیا لري.
ملګري ملتونه وايي؛ تېر کال د بودجې د کمښت له کبله ونه توانېدل، چې له ۱۰ میلیون افغانانو سره د خوراکي توکو مرستې وکړي او سږ کال ۱۱ میلیون افغانانو له دې پروګرام څخه خوراکي مرستې ترلاسه کړې ندي.
تازه خبرونه
قطر او بریټانیا د افغانستان پر وضعیت خبرې وکړې
په خبرپاڼه کې راغلي، چې دواړو لوریو په افغانستان کې د بشري وضعیت په ځانګړي توګه په دې هېواد کې د روغتیايي خدمتونو او پوهنې په اړه بحث او خبرې وکړې.
د قطر بهرنیو چارو وزارت د خبرپاڼې له مخې؛ د سې شنبې پر ورځ ( د تلې څلیریشتمه ) د قطر او بریټانیا استازو په لندن کې د بشري حقونو د سرمشریزې په څنډه کې د افغانستان په اړه خبرې کړې دي.
په خبرپاڼه کې راغلي، چې دواړو لوریو په افغانستان کې د بشري وضعیت په ځانګړي توګه په دې هېواد کې د روغتیايي خدمتونو او پوهنې په اړه بحث او خبرې وکړې.
د قطر د بهرنیو چارو وزارت د دې غونډې په اړه نور جزئیات خپاره کړي ندي.
دغه راز په قطر کې د اسلامي امارت د سیاسي دفتر مشر سهیل شاهین په دې هېواد کې د ترکیې له سفیر سره د افغانستان او ترکیې پر دوه اړخیزو اړیکو خبرې کړې دي.
سهیل شاهین په ایکس پاڼه کې لیکلي، چې په دې کتنه کې د افغانستان پر تعلیمي، روغتیايي، کرنې او د پانګونې پر فرصتونو هم خبرې وشوې.
اوسمهال اسلامي امارت د نړۍ کوم هېواد پر رسمیت ندی پېژندلی او ور سره رسمي اړیکې نلريله هیڅ هېواد سره رسمي اړیکي نه لري؛ خو له یو شمېر هېوادونو سره یې غیر رسمي اړیکي په ځانګړي ډول له ګاونډیانو سره پوره تودې ښکاري او اوسمهال په نورو هېوادونو کې د اسلامي امارت ۴۰ سیاسي استازولۍ فعالې دي.
تازه خبرونه
د ایران سرحدي ځواکونو قومندان د افغانانو ډلهییزې وژنه رد کړه
د اسلامي امارت ویاند ذبیح الله مجاهد په یوه خبرپاڼه کې ویلي، چې د افغانستان اسلامي امارت بېلابېلو حکومتي ادارو او ډیپلوماټیکو استازولیو په دې اړه هراړخیزه څېړنه پیل کړې ده.
د ایران سرحدي ځواکونو قومندان برید جنرال رضا شجاعي د چارشنبې پر ورځ ناوخته هغه ادعاوې رد کړې، چې ګواکې ایراني ځواکونو په سیستان بلوچستان ولایت کې پر شاوخوا ۳۰۰ کسیزې ډلې افغان مهاجرو ډزې کړي او مرګ و ژوبله یې وراړولې ده.
د چارشنبې پر ورځ سهار وختي داسې راپورونه خپاره شول، چې د ایران او پاکستان پولې ته څېرمه ایراني ځواکونو ۲۶۰ افغان کډوال پر ډزو وژلي دي.
د ایران د بشري حقونو بنسټ حالوش د دوه تورنو ژوندي پاتې کسانو د څرګندونو له مخې له یادې ادعا پرده پورته کړه.
د حالوش دې څرګندونې په ټولنیزو رسنیو کې غصه او بېلابېل غبرګونونه راپارول؛ خو ایراني چارواکو دا ادعاوې رد کړې دي.
د سیستان او بلوچستان ولایت د سرحدي ځواکونو قومندان رضا شجاعي وايي؛ په دې ادعاوو کې هیڅ حقیقت نشته او څرګندوي، چې ایران تل د افغان کډوالو هرکلی کړی او بشري حقونو ته یې درناوی خپل حق بولي.
هغه ویلي، چې دا ادعاوې د ایران او افغانستان ترمنځ د نفاق اچولو هڅه ده.
د افغانستان لپاره د واشنګټن پخواني ځانګړي استازي زلمي خلیلزاد هم د دې ادعاوو په اړه خپل ځانګړی غبرګون ښودلی او د پنجشنبې پر سهار یې د ایکس په یوه پوسټ کې څرګنده کړې: که د ایران لخوا د افغان کډوالو د وژلو راپور رښتیا شي؛ نو دا وحشت به ایران ته ناوړه پایلې ولري.
هغه زیاته کړې: د مګړې ایران دا پېښه ردوي.
اسلامي امارت د چارشنبې پر ورځ ناوخته تائید کړه، چې د دغو تورونو په اړه یې پلټنې پیل کړي دي.
د اسلامي امارت ویاند ذبیح الله مجاهد په یوه خبرپاڼه کې ویلي، چې د افغانستان اسلامي امارت بېلابېلو حکومتي ادارو او ډیپلوماټیکو استازولیو په دې اړه هراړخیزه څېړنه پیل کړې ده.
دا، چې پېښه د افغانستان له پولو هاخوا په ایران کې رامنځته شوې او په اړه یې معلومات هم نا تائید شوي دي؛ نو اسلامي امارت ویلي؛ د حقایقو له بشپړ وضاحت وروسته به بیا وروستۍ پرېکړه وشي.
-
تازه خبرونه2 days ago
د ایران د سرحدي ځواکونو له خوا لسګونه افغان کډوال ووژل شول
-
نړۍ4 days ago
امریکا د ایران د احتمالي برید د مخنیوي لپاره اسرائیل له خپل دفاعي سیسټمه برخمنوي
-
نړۍ2 days ago
د اوکراین په جګړه کې د روسیې او شمالي کوریا پوځي همکارۍ امریکا اندېښمنه کړه
-
تازه خبرونه4 days ago
د قطر او آلمان چارواکو د افغانستان حالات وارزول
-
تازه خبرونه4 days ago
هالینډ او ازبکستان د افغان کډوالو د ایستلو پر تړون غور پیل کړ
-
لوبی5 days ago
د افغانستان کرکټ الف لوبډلې د هانګ کانګ لوبډلې ته ماتې ورکړه
-
تازه خبرونه3 days ago
د ډلهییز امنیت تړون د افغانستان پولې ته څېرمه د پوځي روزنیزو هڅو له ترسره کولو خبر ورکړ
-
تازه خبرونه3 days ago
افغانستان د نړۍ د ۲۶ بېوزلو هېوادونو په نوملړ کې راغلی – نړیوال بانک