Connect with us

نړۍ

د مصرد پلازمېنې قاهرې په پوځي اكاډمۍ كې د حسنى مبارك محاكمه پيل شوه

Ariana News

خپور شوی

 په

(Last Updated On: زمری ۲۰, ۱۳۹۰)

د مصرد پخواني ولسمشر حسنى مبارك، د هغه د دوه زامنو، د مصرد كورنيو چارو د پخواني وزير او يوولس نورو يارانو محكمه د دغه هېواد د پلازمېنې قاهرې په يوه پوځي ودانۍ كې پيل شوه.

د مصر پخوانى ولسمشر حسنى مبارك په دغه هېواد كې د ده د حكومت پرضد د خلكو له خوا د پراخو لاريونونو او اعتراضونو وروسته له واكه ليرې شو.

د مصرپرپخوانی ولسمشر حسن مبارک د اداري فساد او د ده پرضد د لسگونه مظاهره کوونکيو د وژنې په تور محاکمه  پيل شوې.

حسنى مبارك پرمصرله دېرش كلن حكومت وروسته هغه وخت له واكه ليرې شو، چې دده د حكومت پرضد په مصر كې د خلكو له خوا د امريكا په پراخ ملاتړلاريونونه او اعتراضونه تر سره شول.

رپوټونه وايي:

په اداري فساد او د مظاهره کوونکيو د وژلو په تورد مصرد پخواني ولسمشرحسنى مبارک ترڅنگ د هغه د واکمنۍ، د کورنیو چارو وزیرحبیب العادلي او د پولیسو پرشپږ افسرانو هم د اته سوه پنځوس مصري مظاهره کوونکيو د وژلو تورلگيدلى دى.

که پر يادو كسانو دا جرمونه ثابت شي؛ نو د مرگ سزا به ورکړشي.

د حسنى مبارک پر دوه زامنو، جمال او علا هم د اداري فساد تور پورې شوی دی.

Continue Reading
Advertisement
Click to comment

Leave a Reply

Your email address will not be published.

تازه خبرونه

په بیروت کې چاودنې د لبنان حکومت استعفا ته اړ کړ

Avatar

خپور شوی

په

توسط

Reuters
(Last Updated On: زمری ۲۲, ۱۳۹۹)

د لبنان په پلازمېنه بېروت کې له لویې چاودنې وروسته پر حکومت نیوکو د لاریونونو بڼه خپله کړه، چې د تېرو دوه ورځو په پرتله پرون بشپړ پراخه شول او د لبنان لومړي وزیر حسن دیاب اړ شو، چې خپله استعفا اعلان کړي.

تېره اوونۍ یوې زورورې چاودنې د لبنان پلازمېنه بېروت بندر او د ښار مرکز ویجاړ کړ.

ویل کیږي، چې په دې چاودنه له ۲۰۰۰ ټنو ېر امونیم نایتریت چاودیدلې دي. په دې چاودنه کې، چې بېروت ښار یې ولړزاوه ۱۶۳ کسان وژل شوی او له ۶۰۰۰ ډېر نور ټپیان شول.

د لبنان استعفا ته اړ شوي لومړي وزیر دیاب وویل: نن ورځ، مونږ د خلکو اراده منو او د دې غمیزې مسوولیت پر غاړه لرو، چې له تېرو څو کلونو راپدیخوا پټ شوي وه.

هغه د دې ناورین لامل په پراخه کچه د فساد شتون یاد کړی او څرګندوي، چې چارواکي باید وشرميږي؛ ځکه، چې د دوی کړنو ناورین رامنځته کړی دی.

دياب زیاته کړې؛ ما مخکې هم ویلي وه، چې فساد د حکومت په هر پوړ کې ريښه ځغلولې ده. ما احساس کړه، چې فساد له حکومته ډېر دی.

که څه هم دیاب هڅه کوي، چې د خلکو غصه لږ کړي؛ خو دا به په لبنان کې سیاسي کړکېچ نور هم ژور او پراخه کړي.

د لبنان ولسمشر میشل عون د دیاب استعفا منلې ده.

ولسمشر عوق له حسن دياب څخه، چې د حزب الله له ملاتړه برخمن دی، وغوښتل، چې د نوې کابينې تر معرفي کولو چارسمبالی پاتې شي.

د یادونې ده، چې د امریکا ولسمشر دونالد ترمپ په سپینه ماڼۍ کې ویلي، چې دا چاودنه به په لبنان کې “انقلاب” رامنځته کړي؛ خو په دې اړه یې له نور څه ویلو ډډه کړې ده.

Continue Reading

تازه خبرونه

له ځغاستلیکې د وتلې هندي الوتکې د مړو شمېر ۱۸ ته پورته شو

Ariana News

خپور شوی

په

توسط

(Last Updated On: زمری ۱۸, ۱۳۹۹)

تېره شپه د هند د سویلي ایالت د کیرالا په کالیکوټ هوایي ډګر کې د ایر اندیا ایکسپریس یوه مسافر وړونکې الوتکه د کښته کیدو پرمهال دوه ټوټې شوې، چې لږ تر لږ په کې ۱۸ کسان مړه شوي دي.

په دې پېښه کې ۱۳۲ کسان نور ټپیان دي، چې د ۱۶ روغتیایي حالت یې د اندېښنې وړ دی.

رویترز راپور ورکړی؛ دغې ۷۳۷ ډوله بوینګ الوتکې ۱۹۰ هغه کسان کسان له دوبۍ څخه هندوستان ته رالیږدول، چې په نړۍ کې پر کورونا ناروغۍ اخته شوي وه.

دغه مسافر وړونکې الوتکه د کښته کیدو پر مهال له ځغاستلیکې وتلې او دوه ټوټې شوې ده.

هندي رسنیو راپور ورکړی، چې په پېښه کې پیلوټ او همکار یې هم مړه شوي دي.

یوه هندي چارواکي ویلي، چې د الوتکې د کښته کیدو په وخت کې اورښت وریده.

د پېښې علت تر دې دمه معلوم شوی ندی؛ خو هندي چارواکو ویلي، چې په دې اړه څېړنې روانې دي.

Continue Reading

تازه خبرونه

په هند کې د ځمکې ښویدو له کبله ۱۵ کسان مړه شوي او له ۵۰ ډېر ورک دي

Ariana News

خپور شوی

په

توسط

(Last Updated On: زمری ۱۷, ۱۳۹۹)

د هند سیمه ییزو رسنیو راپور ورکړی، چې ځمکې ښویدنې د هند د چای فارم یو ښارګوټی ویجاړ کړی او لږ تر لږه په کې  ۱۵ کسان مړه شوي او له ۵۰ ډېر ورک دي.

دا پېښه د جمعې پر سهار د هندوستان د کیرالا د ایدوکي د راجکاد په اړوند سیمه کې رامنځته شوې.

هندوستان تایمز راپور ورکړی، چې شاوخوا ۵۰ نور خلک په تنګو لارو، تیږو او غونډیو کې بند پاتې دي.

د راپور له مخې؛ تر دې دمه لږ تر لږه ۱۶ کسان ژغورل شوي او د درملنې لپاره روغتون ته لیږدول  شوي دي.

د ایالتي عوایدو وزیر چاندرا سیخاران هندوستان تایمز ته ویلي؛ دا لوی ناورین دی. دا یوه غرنۍ سیمه ده او ښار ته ځینې سړکونه د سختو بارانونو له کبله ویجاړ شوي دي. مونږ له هوایي ځواکه مرسته غوښتې، چې د ټپيانو په راویستلو کې مرسته وکړي؛ خو مونږ ته ویل شوي، چې دا به په ګرمه هوا کې ستونزمنه وي.

هغه زیاته کړې، چې د ملي غبرګون ځواک یوه ډله د پیښې ځای ته رسیدلې ده.

ځایي خلکو ویلي، په تېرو درې ورځو کې پر سیمه دروند اورښت شوی؛ برښنا او اړیکې پرې شوي او دې کار د ژغورنې کار ځنډولی دی.

دوی وايي، چې له دې کبله د پېښې په لومړیو ګړیو کې ډېري ټپیان په غصه کې ول او له همدې کبله یې ونشو کولی، چې له سیمې وتښتي.

د سیمې یو ټولنیز کارګر هندوستان تایمز ته ویلي؛ مونږ معلومات لرو، چې لږ تر لږه ۸۴ کسان په اړوند ښارګوټي کې اوسیدل. ډېری یې د تامیل نادو ګاونډ دي. په ښار کې د دوی د اړتیاوو پوره کولو لپاره یو میلمستون هم شته.

هغه زیاته کړې، چې کیدی شي د مړو شمېر نور هم لوړ شي.

د دې پیښې سیمه له مونار غونډۍ ۲۵ کیلومتره لیرې ده، چې په ۲۰۱۸ کال کې سیلاب ویجاړه کړې وه.

د کچې معلومولو ادارې په پېنځه نورو برخو کې هم د ګواښ له رامنځته کیدو خبرداری خپور کړی. ډېري سیندونه د ویجاړیدو له خطر سره مخ دي او د اوبو لګولو ادارې اعلام کړی، چې که وضعیت همداسې بارانې وي؛ نو د ادوکي په ګډون ځینې بندونه به ونړیږي.

Continue Reading

Trending