Connect with us

نړۍ

د ليبيا پلازمېنه بيا ناټو بمبارد كړه

Ariana News

خپور شوی

 په

(Last Updated On: زمری ۲۰, ۱۳۹۰)

د ليبيا دولتي تلويزيون اعلام وكړ، چې:

د جمعې ورځې په سهاريو ځل بيا ناټو پرطرابلس او زلتين ښارونو هوايي بريدونه كړي دي.

په دې بريدونو كې ۳۳ تنه وژل شوي هم دي.

د معمرالقذافي مخالفينو ويلي، چې په دې بريدونو كې د معمرالقذافي يو بل زوى خميس هم وژل شوى، خو د لبيا حكومت تراوسه په دې اړه څه نه دي ويلي.

د ليبيا دولتي تلويزيون د رپوټ له مخې د ناټو الوتكو د جمعې په سهار يوځل بيا پلازمېنه طرابلس او زلتين ښار بمبارد كړي دي.

د ليبيا حكومت مخالفين وايي، چې د ناټو د جمعې شپې په عملياتو كې، چې پر زلتين ښار شوى د خميس په نامه د معمرالقذافي زوى هم وژل شوى دى.

د قذافي مخالفين وايي:

په دې بريد كې د قذافي ۳۲ نورځواكونه هم وژل شوي دي.

د قذافي د مخالفينو وياند رسنيو ته ويلي، چې:

د معمرالقذافي په پوځ كې د دوى جاسوسانو دا خبروركړى دى.

خميس د قذافي يو پوځي كوماندان و، چې د ليبيا په لويديځ كې له مخالفينو سره جنگيده. كه دا خبر رښتيا شي؛ نو دا به د معمرالقذافي دوه يم زوى وي، چې د ناټو په بريدونو كې وژل كيږي. د ليبيا حكومت تراوسه  د دې خبر د تائيد او يا رد په اړه څه نه دي ويلي .

Continue Reading
Advertisement
Click to comment

Leave a Reply

Your email address will not be published.

تازه خبرونه

امیتابجن او زوی یې پر کرونا اخته شول

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

د هندي سینما د بالیود نومیالی او تکړه لوبغاړی امیتابچن او زوی یې ابي شیک بچن پر کرونا ویروس اخته او دمګړۍ په روغتون کې تر درملنې لاندې دي.

آمیتاب بچن او زوی یې د بالیود پېژندل شوې څېرې دي.

پلار او زوي دواړو د شنبې پر ورځ په خپلو تویتونو کې پر کرونا ویروس له اخته کیدو خبر ورکړی و. تر دې دمه یې د پاتې کورنۍ د غړیو او کارکوونکیو پایلې په ډاګه شوې ندي.

Continue Reading

تازه خبرونه

روسیه له طالبانو او حقاني شبکې سره اړیکې پالي- مارک ایسپر

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د امریکا دفاع وزیر ویلي، چې روسیه له طالبانو او حقاني شبکې سره اړیکې پالي او له دغه حالته استفاده کوي.

طالبانو ته د امریکايي سرتېرو د وژلو پر سر د روسیې لخوا د ډالۍ ورکولو د راپورونو له خپریدو وروسته د امریکا کانګرس دفاع وزیر او لوی درستیز د سپیناوي لپاره ور وبلل.

مارک ایسپر زیاته کړې، چې تر اوسه یې داسې شواهد ندي ترلاسه کړي، چې وښيي روسیې طالبانو ته د امریکايي سرتېرو د وژلو لپاره ډالۍ ورکړي وي؛ خو د امریکا د پوځ لوی درستیز ویلي، که دا راپورونه تائيد شي روسیې ته به ځواب ورکړي.

د امریکا دفاع وزیر مارک ایسپرویلي؛ ما، چې کله لومړني راپورونه ترلاسه کړل، نو جنرال میلر او مک کینزي یې په اړه څيړنې وکې او ورته جوته شوه، چې دا راپورونه د اعتبار وړ ندي.

د امریکا د پوځ لوی درستیز مارک میلي بیا ویلي، چې روسیې له کلونو راپدیخوا له طالبانو او حقاني شبکې مالي او روزنیز ملاتړ کړی دی.

نوموړی وایي: که دا جوته شي، چې؛ روسیه په افغانستان کې له سخت دریځو سره مرسته کوي، نو تاسې پوهیږئ، چې زه یو قهرجن پوځي یم، د بل هر پوځي په څېر. که د روسیې او بل هر دولت لخوا د امریکايي سرتېرو د وژلو حکم شوی وي؛ نو دا به ډېره ستره لوبه وي.

یو شمېر امریکايي پوځیان، چې په افغانستان کې یې دندې تر سره کړي وايي؛ روسیه له طالبانو سره ژورې اړیکې لري.

په افغانستان کې د ناتو د پرېکنده ملاتړ پخوانی قومندان جان نیکلسون وایي: دا یوه دوه اړخیزه معامله ده؛ روسیې وړاندیز کړی او طالبانو منلی دی. دا کار په مستقیم او غیر مستقیم ډول په افغانستان کې د سولې له روحیې سره په تکر کې دی.

روسیې او طالبانو دواړو دغه راپورونه رد کړي او روسیې د امریکا استخبارات تورن کړي، چې له افغانستان څخه د نشه يي توکو په قاچاق کې ښکېل شوي دي.

دا په داسې حال کې ده، چې افغان حکومت د امریکا او طالبانو د سولې هوکړې د بشپړې پلې کولو په برخه کې له نړیوالو څخه د همکارۍ غوښتنه کړې ده.

Continue Reading

تازه خبرونه

امریکا له روغتیا نړیوالې ټولنې څخه د وتو ګواښ څرګند کړ

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

سپینې ماڼۍ په رسمي بڼه ملګرو ملتوو ته خبر ورکړی، چې د امریکا متحده ایالات د روغتیا له نړیوالې ټولنې څخه وځي.

ولسمشردونالد ترمپ په اپریل میاشت کې روغتیا نړیوالې ټولنې( ډبلیو اچ او) بودیجه وځنډوله او یوه میاشت وروسته یې وویل غواړي له دې ټولنې څخه ووځي.

ترمپ د روغتیا نړیواله ټولنه تورنه کړې، چې له کرونا ویروس سره یې د مبارزې په کار کې یې د چین لوري ته ډېر پام اړولی او په ټولنه کې یې د اصلاحاتو غوښتنه وکړه.

ترمپ په می میاشت کې څرګنده کړې وه: مونږ د اصلاحاتو غوښتنه وکړه او هغوی باید په مستقیم ډول عملي کړې وای؛ خو له دې کاره یې ډډه وکړه. هغوی ناکام شول، چې هر اړخیز او پراخ وړاندیز شوي اصلاحات عملي کړي. مونږ به سر له نن څخه خپل روابط بند کړو.

د ډبلیو اچ او د قوانینو له مخې، هر هغه هېواد، چې له یادې ټولنې څخه وځي؛ باید یو کال مخکې خبر ورکړي. که ترمپ د نوامبر ټاکنې وبایلي، کیدای شي راتلونکی ولسمشر په سازمان کې د پاتې کیدو پرېکړه وکړي.

د امریکا د ولسمشرۍ لپاره دیموکرات نوماند جوبایدن ویلي؛ که دی د نوامبر انتخابات وګټي، نو د ولسمشر په توګه به د خپل کار پر لومړۍ ورځ له یادې ټولنې سره بېرته یوځای شي او په نړۍ کې به د امریکا رهبري بېرته پرځای کړي.

Continue Reading

Trending