نړۍ
د روسیې او اوکراین د سولې خبرې د ناندریو ښکار شوې
![](https://www.ariananews.af/wp-content/uploads/2022/05/Russia-ukraine-peace-talks.jpg)
رویټرز راپور ورکړی، چې د روسیې او اوکراین ترمنځ د سولې خبرې د خپلمنځيو تورونو له کبله وځنډېدې؛ خو مسکو یې په ټپه درېدلې بولي.
روسیه اوکراین د جګړې پر اوږدولو او لویدیځ د حکومت پیاوړي کولو تورنوي.
د روسیې د بهرنیو چارو وزیر سرګي لاوروف ویلي، چې واشنګټن، لندن او بروکسل غواړي اوکراین د خپلو ستراتیژیکو ګټو لپاره وکاري.
لاوروف زیاته کړې؛ که خبرې کوونکي هڅه وکړي، چې په اوکراین کې د سولې راوستو پر ځای پر هغه څه تمرکز وکړي، چې لویدیځ یې سپارښتنه کړی؛ نو یقیناً کومه چټکه هوکړه به رامنځته نشي.
هغه زیاته کړې، چې دا کار به د خبرو پرمختګ ورو او له خنډ سره مخ کړي.
لاوروف وایي: مونږ تل وایو، چې خبرو ته چمتو یوو؛ خو اوس یې له درولو پرته بله چاره نلرو.
اوکراین او روسیه د ۲۰۲۲ زېږدیز کال د فبرورۍ له ۲۴ راپدیخوا له برید څو ورځې وروسته د سولې خبرې اترې پیل کړې؛ خو د راپورونو له مخې، په وروستیو اوونیو کې یې ترمنځ د پام وړ ناندرې راپورته شوې دي.
امریکا تمه لري، چې په روانه اوونۍ کې اوکراین ته د ۴۰ میلیارد ډالرو نظامي او اقتصادي مرستو ټولګه تصویب کړي.
د اوکرایین د ولسمشر سلاکار میخایل پودولیک تائید کړې، چې دا خبرې د اوس لپاره په ټپه درېدلي دي؛ ځکه، چې روسیه له خبرو ناهیلې شوې ده.
د اوکرایني رسنیو د څرګندونو له مخې؛ پودولیک ویلي، چې روسیه په نړۍ کې د اوسنیو بهیرونو په اړه د ښه تفاهم ښکارندويي نکوي او دا به پوره بدې اغېزې ولري.
د روانې جګړې په بهیر کې زرګونه کسان وژل شوي او میلیونونه بې ځایه شوي دي.
روسیه هم د لویدیځو هېوادونو تر سختو بندیزونو لاندې راغلې ده، چې د روسیې او ناټو ترمنځ د پراخې شخړې په اړه اندېښنې راپورته کوي.
شل کاله کېږي، چې لويديځ اوکراين ته د روسيې د ځپلو لپاره د تجهيزاتو برابرول پيل کړل؛ خو د اوکرایني چارواکو په خبره لویدیځو هېوادونو اوکراین له پوره پاملرنې غورځولی دی.
نړۍ
په امریکا کې د یوه ښوونځي زدهکوونکي ۱۳ کسنو ته مرګ او ژوبله اړولې
د جورجیا د پلټنې ادارې مشر کریس هوسي په یوه خبري کنفرانس کې ویلي، چې شکمن کولټ ګري ۱۴ کاله عمر لري او د یوه بالغ په توګه محاکمه شي.
![](https://www.ariananews.af/wp-content/uploads/2024/09/Georgia.jpg)
د چارشنبې پر ورځ د امریکا د جورجیا ایالت په یوه عالي لیسه کې یوه ۱۴ کلن هلک دوه زدهکوونکي او دوه ښوونکي پر ډزو ووژل او نهه نور کسان یې ټپیان کړل.
د رویټرز د اړوند چارواکو د څرګندونو له مخې لیکلي؛ شکمن د جورجیا د وینډر په اپالاچي عالي لیسه کې له ډزو سمدستي وروسته ونیول شو. هغه تېر کال د انلاین ګواښونو له کبله د پولیسو لخوا په ښوونځي کې د ډزو کولو په اړه تر پوښتنو او ګروېږنو لاندې نیول شوی و.
د جورجیا د پلټنې ادارې مشر کریس هوسي په یوه خبري کنفرانس کې ویلي، چې شکمن کولټ ګري ۱۴ کاله عمر لري او د یوه بالغ په توګه محاکمه شي.
دې ډزو یو ځل بیا په امریکا کې د ټوپک ګرځولو د څارنې په اړه ملي بحث راپورته کړی دی.
د امریکا ولسمشر جوبایډن په یوه بیان کې د جمهوري غوښتونکیو او ډیموکراټانو لهخوا د وسلې د مصونیت قانون د تصویب غوښتنه وکړه.
ویل کیږي، چې امریکا له تېرو دوه لسیزو راپدیخوا د سلګونه ښوونځيو او پوهنتونونو د ډزو شاهده ده، چې ترټولو خونړی برید د ۲۰۰۷ کال د ویرجینیا ټک و، چې په کې له ۳۰ ډېر خلک ووژل شول.
نړۍ
امریکا دې د روسیې سره کرښه نه هېروي – سرګی لاوروف
د روسیې بهرنیو چارو وزیر سرګي لاوروف د چارشنبې پر ورځ کیف ته د اف – ۱۶ جیټ الوتکو د سپارلو د شونتیا په اړه د یوې پوښتنې په ځواب کې ټینګار وکړ، چې د واشنګټن چلند د روسیې له سرې کرښې تېر شوی دی.
![](https://www.ariananews.af/wp-content/uploads/2021/07/SERGEI-LAVROV.jpg)
د یو لړ څرګندونو له مخې؛ په نږدې راتلونکي کې امریکا اوکراین ته اوږده واټن ویشتونکي توغوندي یا امریکایی جیټ الوتکې سپاري، چې ممکن د روسیې په نښه کولو کې ورسره مرسته وکړي، ځکه په دې اړه د مسکو ګواښونه نور هم زیات شوي دي.
د روسیې بهرنیو چارو وزیر سرګي لاوروف د چارشنبې پر ورځ کیف ته د اف – ۱۶ جیټ الوتکو د سپارلو د شونتیا په اړه د یوې پوښتنې په ځواب کې ټینګار وکړ، چې د واشنګټن چلند د روسیې له سرې کرښې تېر شوی دی.
لاوروف همداراز زیاته کړې، چې هېواد یې د خپلو سرو کرښو په اړه ډېر جدي دی او له هغې د تېرېدو اجازه نهورکوي.
د روسیې بهرنیو چارو وزیر دا ومنله، چې واشنګټن له روسیې سره د “دوه اړخیزه همکارۍ” احساس له لاسه ورکړی او خبرداری یې ورکړ، چې دا یوه “ډېره خطرناکه مسله” ده.
د روسیې بهرنیو چارو وزارت ویاندې ماریا زاخارووا هم د چارشنبې پر سهار خبرداری ورکړ، چې که اوکراین د روسیې پر خاوره پراخ برید وکړي؛ د شمالي اټلانټیک د تړون ټولنې (ناټو) غړي هېوادونه به د مسکو له «بېړني او دردناک غبرګون» سره مخ شي.
زاخارووا همداشان د ختیځې اقتصادي غونډې په څنډه کې یوې خبري ناستې ته دا هم ویلي: د اروپايي ټولنې سیاستوال د کړکېچ د زیاتېدو د خطرونو په اړه ان خپلو ګټو ته فکر نکوي.
روسیې په دې وروستیو کې ټینګار کړی، چې پر لویدیځو وسلو د برید د مخنیوي لپاره به پرېکنده ځواب ورکړي.
هغې دا اعلان هم وکړ، چې د اتومي وسلو د استعمال د شرایطو په اړه په پوځي اصولو کې د اصلاحاتو د پلي کولو لپاره چمتووالی روان دی.
د روسیې دا اخطارونه په وروستیو اوونیو کې له هغې وروسته زیات شول، چې د انګلستان او ندرلینډ په ګډون یو شمېر اروپايي هېوادونو اعلان وکړ، چې د روسیې د پر نښه کولو لپاره اوکراین ته د ورکړ شویو وسلو په کارولو کې کوم خنډ نهویني.
د اروپايي ټولنې د بهرنۍ تګلارې چارواکي جوزپ بورل هم تېره اوونۍ په دغه هېواد کې د روسیې پر ضد برید مشروع وباله.
د یادولو ده، چې ځینو امریکايي سرچینو کیف ته د اوږده واټن ویشتلو کروز توغندیو د استولو له شونتیاهم یادونه کړی ده.
نړۍ
د اوکراین په لویدیځ کې مو هوايي بریدونه پیل کړل – روسیه
دا برید یوازې یوه ورځ له هغې وروسته ترسره کیږي، چې په کې روسیې د اوکراین د مرکزي ښار پولتاوا پر یوه پوځي انسټیټیوټ دوه بالستیک توغندي وتوغول؛۵۰ کسان ووژل شول او سلګونه نور ټپیان دي.
![](https://www.ariananews.af/wp-content/uploads/2024/09/Russia-attack-Ukraine.jpg)
د اوکراین پوځ د چارشنبې پر ورځ اعلان کړه، چې روسیې د اوکراین پر کیف او لویف ښار، چې د ناټو له پولینډ سره پولې ته نږدې پروت دی؛ توغندي او بې پیلوټه الوتکې توغولي دي.
دا برید یوازې یوه ورځ له هغې وروسته ترسره کیږي، چې په کې روسیې د اوکراین د مرکزي ښار پولتاوا پر یوه پوځي انسټیټیوټ دوه بالستیک توغندي وتوغول؛۵۰ کسان ووژل شول او سلګونه نور ټپیان دي.
د چارشنبې پر ورځ د رویټرز عیني شاهدانو د کیف او لویف په څنډو کې د څو چاودنو غږونه اورېدلي، چې اوکرایني پوځي ورسره همهاله د بریدونو پر شنډولو بوخت دي.
د لویف والي مکسیم کوزیتڅکي د ټیلیګرام په پیغام رسوونکي اپلیکیشن کې ویلي: هو! خورا جګ غږ یې دی.
کوزیتڅکي زیاته کړې: په لویف ښار کې، چې د یوې پراخې سیمې اداري مرکز دی؛ د استوګنې ودانۍ هم زیانمنې شوې دي.
ګاونډ پولینډ د چارشنبې پر ورځ په اتو ورځو کې د درېیم ځل لپاره خپلې دفاعي الوتکې فعاله کړې.
روسیې تر دې دمه د پولتاوا د بریدونو او پر لویف او کیف د چارشنبې د بریدونو په اړه څه ندي ویلي. مسکو پر ځلونو ویلي، چې د دوی بریدونه د اوکراین پوځ، انرژي او ټرانسپورټي بنسټونه پر نښه کوي، نه ملکي وګړي.
د اوکراین هوایی ځواک په ټیلیګرام کې اعلان کړه، چې د چارشنبې پر ورځ ټول اوکراین د ګرینویچ پر وخت شاوخوا یوه بجه د هوایی برید تر ګواښ لاندې دی.
دې هېواد په لویف سیمه کې د تازه توغندیزو بریدونو له ګواښ هم خبرداری ورکړی دی – رویټرز
-
تازه خبرونه4 days ago
د افغانستان چارسمبالی حکومت باید له داعش سره په مبارزه کې یوازې پاتې نشي – عزیزوف
-
لوبی4 days ago
د افغانستان فوټسال ملي لوبډلې ته کویټ ماتې ورکړه
-
تازه خبرونه5 days ago
په تېره یوه اوونۍ کې له افغانستان څخه څه باندې ۷۲ زره کسان وتلي
-
لوبی3 days ago
د نیوزیلینډ کرکټ ملي لوبډله له افغانستان سره د ټسټ لوبې لپاره هند ته ورسېده
-
نړۍ3 days ago
په امریکا کې د یوه ښوونځي زدهکوونکي ۱۳ کسنو ته مرګ او ژوبله اړولې
-
تازه خبرونه3 days ago
معلوماتو ته د بشپړ لاسرسی نشتوالی د خبریالانو یوه لویه ننګونه ده
-
تازه خبرونه4 days ago
جورجیت ګانیون د یوناما د سیاسي مرستیالي په توګه وټاکل شوه
-
نړۍ4 days ago
د اوکراین په لویدیځ کې مو هوايي بریدونه پیل کړل – روسیه