تازه خبرونه
د دوحې په ناسته کې به د افغانستان پر داخلي مسایلو خبرې ونشي – ذبیح الله مجاهد
ټاکل شوې، چې د قطر په پلازمېنه دوحه کې درېیمه نړیواله غونډه به د چنګاښ پر لسمه او یوولسمه / د جون دېرشمه او بله ورځ د جولای لومړۍ د ملګرو ملتونو پر کوربتوب ترسره شي.
![](https://www.ariananews.af/wp-content/uploads/2024/06/Mujahid.jpg)
د اسلامي امارت ویاند ویلي، چې د ښځو حقونه د هېواد کورنۍ مسله ده او د دوحې په درېیمه ناسته کې به یې په اړه خبرې ونشي.
د شنبې پر ورځ نوموړي له سفر مخکې په یوه خبري کنفرانس کې ټینګار وکړ، چې د دې غونډې د ګډون لپاره د اسلامي امارت شرطونه منل شوي او د دوی پلاوی به پر همغږۍ او تعامل د خبرو لپاره دوحې ته سفر وکړي.
هغه زیاته کړې؛ د دوحې په درېیمه ناسته کې به اسلامي امارت پر اقتصادي مسایلو، بندیزونو او لاسته راوړنو له هغو اړخونو سره خبرې وکړي، چې تر دې دمه یې له تعامل ډډه کړې ده.
ذبیح الله مجاهد وایي: د هېواد د ملي ګټو په چوکاټ کې له ټولو هېوادونو څخه غواړو، چې په دې سختو شرايطو کې افغان ولس يوازې نه پرېږدي، بلکې د هغو مسايلو په اړه، چې د افغانانو حق دى، خپل مکلفيتونه ادا کړي او په دې برخه کې د افغانستان د بیارغونې او اقتصادي پیاوړتیا او د خنډونو په له منځه وړلو کې ونډه واخلي.
دغه راز د اسلامي امارت ویاند له افغانانو سره تړلي مسایل؛ د نجونو او ښځو د تعلیمي او کاري محدودیتونو په ګډون داخلي مسایل به په دې غونډه کې مطرح نشي.
مجاهد همداراز د دوحې په غونډه کې ګډون کوونکیو هېوادونو ته بلنه ورکړه، چې له اسلامي امارت سره مثبتې خبرې وکړي.
ټاکل شوې، چې د قطر په پلازمېنه دوحه کې درېیمه نړیواله غونډه به د چنګاښ پر لسمه او یوولسمه / د جون دېرشمه او بله ورځ د جولای لومړۍ د ملګرو ملتونو پر کوربتوب ترسره شي.
په دې غونډه کې به د افغانستان په چارو کې د هېوادونو ځانګړي استازي ګډون ولري او په قطر کې د افغانستان اسلامي امارت د سیاسي دفتر د بهرنیو چارو، صنایعو او سوداګرۍ، کورنیو چارو وزارتونو له نشهيي توکو سره د مبارزې معینیت او د افغانستان بانک استازي به د اسلامي امارت د ویاند ذبیح الله مجاهد پر مشرۍ ګډون وکړي.
اړوند خبرونه:
د دوحې په جوړېدونکې ناسته کې د اسلامي امارت استازي ګډون کوي
اسلامي امارت د دوحې په ناسته کې پر معنا داره ګډون ټینګار لري – متقي
تازه خبرونه
تحول: په افغانستان کې د ټولګډونه حکومت د جوړولو غوښتنې
تازه خبرونه
د روسیې او چین ولسمشرانو د شانګهای غونډې په څنډه کې وکتل
د شانګهای همکاریو ټولنه په ۲۰۰۱ کې د چین او روسیې لهخوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.
![](https://www.ariananews.af/wp-content/uploads/2024/07/rs.png)
ولادمیر پوتین او شي جین پینګ پرون د دواړو هېوادونو د اړیکو پر پیاوړتیا خبرې وکړې. لوېدیځو خبري سرچینو ویلي، دا په تېرو شاوخوا دوه میاشتو کې دوهیم ځل دی، چې پوتین او شي سره مخامخ لیده کاته کوي.
د سیمې د دوه قدرتونو دغو مشرانو د قزاقستان په پلازمېنه استانه کې د شانګهای د دوه ورځنۍ غونډه پرانیسته.
د شانګهای همکاریو ټولنه په ۲۰۰۱ کې د چین او روسیې لهخوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.
اړوند خبرونه:
د شانګهای هېوادونو استازیو په تاجکستان کې د افغانستان په اړه د همغږۍ ګډه هوکړه وکړه
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
تازه خبرونه
استرالیا د افغانستان لپاره ځانګړې استازې وټاکله
د اسټرالیا د بهرنیو چارو وزارت د خبرپاڼې لهمخې؛ امانډا مک ګریګور به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.
![](https://www.ariananews.af/wp-content/uploads/2024/07/Amanda.jpg)
د اسټرالیا بهرنیو چارو وزارت د خبر پاڼې له مخې؛ دې هېواد د افغانستان لپاره امانډا مک ګریګور نومې نوې استازې ټاکلې.
د اسټرالیا د بهرنیو چارو وزارت د خبرپاڼې لهمخې؛ امانډا مک ګریګور به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.
مک ګریګور د کاناډا په سفارت کې د ډیپلوماتې په توګه هم کار کړی او د اسټرالیا د حکومت د لومړي وزیر او کابینې لوړپوړې سلاکاره وه.
د اسټرالیا بهرنیو چارو وزیر پیني وانګ ویلي: مک ګریګور، چې په قطر کې میشته ده؛ له خپلو ګډ فکر لرونکیو هېوادونو سره به همکار کوي، چې له طالبانو (د افغانستان اسلامي امارت) څخه د بشري حقونو او د افغانانو د ملاتړ په اړه وضاحت وغواړي.
اسلامي امارت ویاند ذبیح الله مجاهد ویلي؛ ډیری هیوادونه د افغانستان پر واقعیتونو پوه شوي او هڅه کوي، چې له بېلابېلو لارو له اسلامي امارت سره اړیکه ونیسي.
نوموړي له هغو هېوادونو، چې په کابل کې یې سفارتونه ندي پرانیستي او له قطر څخه د سفارت چارې پرمخ وړي؛ غوښتنه کړې، چې په کابل کې خپل سفارتونه بېرته پرانیزي.
ویل کیږي، چې مک ګریګور پېنځه کاله د اسټرالیا په دفاع وزارت کې کار کړی او له څه وخت راپدیخوا په لبنان کې د اسټرالیا د سفارت مرستیاله وه.
-
لوبی5 days ago
درې افغان لوبغاړي د ۲۰ اوریز نړیوال جام سیالیو په غوره لوبډله کې راغلل
-
د هوا حالاتو بدلونونه4 days ago
په هلمند ولایت کې هوا بېساري توده ده
-
تازه خبرونه5 days ago
د ښځو له بشپړې ونډې پرته افغانان موخې ته رسېدلی نشي – کاناډا
-
تازه خبرونه5 days ago
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
-
تازه خبرونه4 days ago
په دوحه کې د مدني ټولنو د غونډې ګډونوالو نومونه پټ وساتل شول
-
تازه خبرونه2 days ago
استرالیا د افغانستان لپاره ځانګړې استازې وټاکله
-
سوداگري3 days ago
افغانستان او ازبکستان د ګډې سوداګرۍ خونې پر جوړولو هوکړه وکړه
-
تازه خبرونه5 days ago
ملګرو ملتونو د افغانستان په اړه د دوحې د ناستې پیل ګټور وباله