سیمه ییز خبرونه
د اسلامي امارت مشرتابه د ولایتونو د عالمانو شوری له استازیو سره ولیدل
د حکومت زعیم د کندهار، هلمند، زابل، نیمروز، فراه، پکتیکا او پکتیا ولایتونو د عالمانو شوری له رییسانو، معاونینو او اداري مسوولینو سره مشورتي غونډه ترسره کړه.
د اسلامي امارت ویاند ذبیح الله مجاهد څرګنده کړې؛ په دې غونډه کې د ارشاد حج او اوقافو وزارت مرستیال، د ستري محکمې مرستیال او د دیني خپرونو د نظارت او کره کتني ادارې یو شمیر غړیو هم حضور درلود
د اسلامي امارت مشرتابه د غونډې ګډونوالو ته څرګنده کړې: تاسې ته معلومه ده، چې شوری په اسلام کې مهم ځای لري؛په مشورو کولو سره د مسلمانانو تر منځ اتحاد او اتفاق ښه ټینګیږي، خطاوي به ورسره لږ وي او د جماعت خطا کمه وي؛ ځکه جماعت پر ضلالت نه ټولیږي.
دغه راز مشرتابه د عالمانو د شوری فعالیتونه ستایلي او وایي: د شوری ګانو له لوري د ولس ډېر مشکلات حل شوي او نور هم باید د ولس د ستونزو حل ته پاملرنه وکړي او په دې برخه کې خپلو مسوولیتونو ډیر متوجه شي؛ ځکه عالمان هغه قشر دی، چې د دوی مسوولیت تر یوم القیامه پوري پای ته نه رسیږي.
مشرتابه همدا راز له عالمانو وغوښتل، چې خپلو مسوولیتونو ته نوره هم زیاته پاملرنه وکړي او خپلې دندې ترسره کړي.
هغه ویلي: نن د الله تعالی په مرسته یو اسلامي نظام حاکم دی، که عالمان خپل مسوولیت په سمه توګه ادا نه کړي؛ د الله ج پر وړاندې د دوی د مسوولیت بار خورا دروند دی؛ ځکه د دین د دعوت او د علم د عملي کولو لپاره زمینه برابره شوې ده او پر وړاندې یې هیڅ خنډ نشته.
د اسلامي ویاند د څرګندونو له مخې؛ د عالمانو د شورا د کار او نورو مسایلو په اړه هم له عالمانو سره سلا مشورې وشوې او د هغوی وړاندیزونه واورېدل شول.
ویل کیږي، چې عالمانو هم د اسلامي امارت او ولس تر منځ د اړیکې را منځته کولو، د ولس د ستونزو حلولو، په ولایتي اداراتو کې د اصلاحاتو راوستلو او د بشپړ پرمختګ په اړه مهمې مشورې وړاندې کړې.
سیمه ییز خبرونه
په بنګله دېش کې د شیخ حسینه د نیولو امر وشو
دا لاریونونه، چې د دولتي دندو د ونډې پر ضد د زدهکوونکیو پر مشرۍ د غورځنګ په توګه پیل شول؛ د ۱۹۷۱ کال د بنګله دیش له خپلواکۍ راپدېخوا په ترټولو خونړۍ ناکراریو بدل شو. د دغو لاریونونو پر مهال له ۷۰۰ ډېر کسان ووژل شول او ګڼشمېر نور ټپیان شوي دي.
د بنګله دیش د جرمونو نړیوالې محکمې د پنجشنبې پر ورځ د دې هېواد د پخوانۍ لومړۍ وزیرې شیخ حسینه د نیولو امر صادر کړی، چې د تېر کال په پیل کې د تاوتریخجنو لاریونونو د ډلهییزو وژنو له کبله تورنه پېژندل شوې ده.
دا لاریونونه، چې د دولتي دندو د ونډې پر ضد د زدهکوونکیو پر مشرۍ د غورځنګ په توګه پیل شول؛ د ۱۹۷۱ کال د بنګله دیش له خپلواکۍ راپدېخوا په ترټولو خونړۍ ناکراریو بدل شو. د دغو لاریونونو پر مهال له ۷۰۰ ډېر کسان ووژل شول او ګڼشمېر نور ټپیان شوي دي.
شیخ حسینه له دې تاوتریخوالي وروسته هند ته وتښتېده.
سیمه ییز خبرونه
د بنو د پوليسو په مرکزي دفتر کې ۳ پاکستاني پوليس ووژل شول
هغه وایي، برید کوونکیو درې پولیس افسران او یو ملکي وګړی، چې په کمپلکس کې یې کار کاوه ووژل.
رویټرز راپور ورکړی، چې اسلامپالو جنګیالیو د دوشنبې پر ورځ د پاکستان په شمال لویدیځ کې د پولیسو پر یوه مرکزي دفتر برید وکړ؛ درې پولیس او یو ملکي وګړی وژل شوي دي.
د ولايت امنيه قومندان اختر حيات رويټرز خبري سرچینې ته ويلي؛ وسلوالو د بنو د امنيه قومندانۍ او د استوګنې پر يوه کمپلکس برید د پېنځه ځانمرګو بريد کوونکي پر وژلو پای ته رسېدلی دی.
هغه وایي، برید کوونکیو درې پولیس افسران او یو ملکي وګړی، چې په کمپلکس کې یې کار کاوه ووژل.
د راپور له مخې؛ پېښه د بنو په ولسوالۍ کې رامنځته شوې، چې د شمالي وزیرستان له ناکراره قبایلي سیمې سره د پاکستان او افغانستان پر پوله پرته ده، ګې د پاکستان له پلازمېنې اسلام آباد څخه شاوخوا ۳۵۰ کیلومټره لرې ده.
د تحریک طالبان پاکستان (TTP) یوه ویاند د دغه برید مسوولیت منلی دی.
سیمه ییز خبرونه
اسرائیل ښايي د ایران پر یوشمېر بنسټونو برید وکړي
راپور د امریکايي چارواکو د څرګندونو له مخې، چې نومونه یې ندي اخیستل شوي لیکلي، داسې نښې نشته، چې اسرائیل دې اټومي ودانۍ پر نښه یا دې د افرادو پر ضد وژونکي عملیات ترسره کړي.
د انبيسي ټلویزیوني څانګې د شنبې پر ورځ راپور ورکړ؛ امریکايي چارواکي په دې باور دي، چې اسرائیل به د ایران د وروستي برید په ځواب کې د دې هېواد ځینې پوځي او د انرژۍ بېخبناوې تر بریدونو لاندې راولي.
راپور د امریکايي چارواکو د څرګندونو له مخې، چې نومونه یې ندي اخیستل شوي لیکلي، داسې نښې نشته، چې اسرائیل دې اټومي ودانۍ پر نښه یا دې د افرادو پر ضد وژونکي عملیات ترسره کړي.
راپور زیاته کړې؛ اسرائیلو هم وروستۍ پرېکړه نده کړې، چې کله او څنګه ځواب ورکړي.
د دغه راپور له مخې، د اسرائیلو غبرګون ښايي د یوم کیپور د رخصتیو پر مهال هم ترسره شي.
اسرائیلو تل ویلي؛ د ایران د هغو توغندیزو بریدونو ځواب به ورکړي، چې په لبنان او غزې د اسرائیلو پر لریدونو د حماس د سیاسي دفتر د مشر اسماعیل هنیه او د حزب الله د حسن نصرالله د وژل کېدو په غبرګون کې ترسره شوي دي.
د واشنګټن او تل ابیب ترمنځ پر ایران د اسرائیلو د برید په اړه مشورې اوسهم روانې دي.
-
تازه خبرونه2 days ago
د ایران د سرحدي ځواکونو له خوا لسګونه افغان کډوال ووژل شول
-
نړۍ4 days ago
امریکا د ایران د احتمالي برید د مخنیوي لپاره اسرائیل له خپل دفاعي سیسټمه برخمنوي
-
نړۍ2 days ago
د اوکراین په جګړه کې د روسیې او شمالي کوریا پوځي همکارۍ امریکا اندېښمنه کړه
-
تازه خبرونه4 days ago
د قطر او آلمان چارواکو د افغانستان حالات وارزول
-
تازه خبرونه4 days ago
هالینډ او ازبکستان د افغان کډوالو د ایستلو پر تړون غور پیل کړ
-
لوبی5 days ago
د افغانستان کرکټ الف لوبډلې د هانګ کانګ لوبډلې ته ماتې ورکړه
-
تازه خبرونه3 days ago
د ډلهییز امنیت تړون د افغانستان پولې ته څېرمه د پوځي روزنیزو هڅو له ترسره کولو خبر ورکړ
-
تازه خبرونه3 days ago
افغانستان د نړۍ د ۲۶ بېوزلو هېوادونو په نوملړ کې راغلی – نړیوال بانک