لوبی
افغانستان به د ۲۰۲۳ کال د چین آسیايي لوبو ته له ۱۰۰ ډېر لوبغاړي ولېږي
ټاکل شوې، چې د ۲۰۲۳ ز. کال آسیايي لوبې شنبې پر ورځ ( د تلې پر لومړۍ / د سپتمبر پر ۲۳ ) د چین په هانګجو ښار کې د ۴۵ هېوادونو په ګډون پر رسمي بڼه پرانستل شي.
دا لوبې به د تلې تر ۱۶ / د اکتوبر تر ۸ روانې وي، چې په ۵۶ ځایونو کې به ۶۱ سپورتي څانګې ۴۰ لوبې تر سره کړي.
دا لوبې په لومړیو کې ټاکل شوې وې، چې تېر کال ترسره شي؛ خو د کرونا ویروس له کبله وځنډول شوې.
د افغانستان د بدني روزنې او سپورت عمومي ریاست د سې شنبې پر ورځ څرګنده کړې، چې د هېواد د سوکوهنې، ډګرنۍ منډې، کورش، وزن پورته کولو او غېږنیونې لوبغاړي په اسیايي لوبو کې د ګډون لپاره له کابل څخه د چین هانګجو ښار ته روان شول.
په پام کې ده، چې نور لوبغاړي به د چارشنبې پر ورځ په هانګجو ښار کې د آسیايي لوبو لپاره له کابله د چین پر لوري روان شي.
کوربه هېواد چين به د تر ټولو بريالي هېواد په توګه دغه لوبې پيل کړي؛ ځکه د آسيايي لوبو په تاريخ کې يې ۳۱۸۷ مدالونه ګټلي، چې ۱۴۷۳ يې د سرو زرو دي.
د روانې میاشتې په پیل کې رویترز څرګنده کړې وه، چې د ښځو د والیبال لوبډلې په ګډون به ۱۷ افغان ښځینه لوبغاړې، چې په نورو هېوادونو کې ژوند کوي هم برخه واخلي؛ خو اسلامي امارت هغه مهال دا راپورونه رد کړل او ویلي یې ول، چې له افغانستان څخه به ټول نرینه افغان لوبغاړي واستول شي.
د افغانستان اسلامي امارت په تېرو دوه کلونو کې د سپورت په ګډون پر ښځو او نجونو سخت بندیزونه لګولي دي.
د افغانستان د بدني روزنې او سپورت عمومي ریاست لهخوا په یوه تازه خپره شوې خبرپاڼه کې څرګنده شوې، چې د هانګجو په اسیايي لوبو کې به د ووشو، فوتبال، والیبال او کرکت په ګډون ۱۷ ورزشي لوبډلې ګډون وکړي.
افغانستان به هانګجو ته د ۱۰۳ لوبغاړو او ۲۳ روزونکیو په ګډون ټولټال ۱۷ لوبډلې واستوي.
ټاکل شوې، چې د نرینهوو ۲۰ اوریزې سیالۍ د تلې له ۵ / د سپتمبر له ۲۷ څخه د تلې تر ۱۶ / د اکتوبر تر۸ پورې ترسره شي. د ژي جیانګ تکنالوژي پوهنتون پینګ فنګ کرکت لوبغالی د ټولو سیالیو کوربه لوبغالی دی.
هند، پاکستان، سریلانکا او بنګله دیش له دې مخکې د ۲۰۲۳ ز. کال د ۲۰ اوریزو نړیوالو لوبو د درجه بندۍ پربنسټ د دې لوبو دوهیم فاینل پړاو ته رسیدلي. په داسې حال کې، چې افغانستان به د ICC د بشپړ غړي په توګه یوازې د نرینهوو په سیالیو کې برخه واخلي. د منګولیا پر وړاندې بریا به د لوبډلې لپاره اتم غوره ځای خپل کړي.
پر ۲۰۱۰ ز. کال د چین په ګوانګجو کې د کرکت له پیل وروسته، دغه سپورت په ۲۰۱۴ کال کې د سویلي کوریا په انچیون ښار کې ترسره شو. د اندونیزیا په جاکارتا کې د ۲۰۱۸ کال لوبې، چې د آسیايي لوبو مخکینۍ بڼه وه، کرکت په کې نهو.
په انچیون کې سریلانکا، افغانستان او بنګله دېش د نرینه وو په سیالیو کې مدالونه وګټل.
په ۲۰۲۳ آسیا سیالیو کې د هند، پاکستان، سریلانکا، بنګله دېش، افغانستان، نیپال، منګولیا، جاپان، کمبودیا، مالیزیا، سنګاپور، مالدیف، هانګ کانګ، تایلند، بحرین کرکت لوبډلې برخه اخلي.
له بده مرغه د افغانستان فوتبال ملي لوبډله د مالي بحران له کبله له لوبو وتلې ده.
لوبی
د افغانستان فوټبال له ۱۷ کلنو ټیټ عمره ملي لوبډله کمبودیا ته روانه شوه
د دېه فډراسیون د څرګندونو له مخې؛ ملي لوبډله به په ب ګروپ کې د بنګله دېش، کمبودیا، فیلیپین او ماکائو له لوبډلو سره همډله ده.
د افغانستان فوټبال فډراسیون ويلي؛ د هېواد فوټبال له ۱۷ کلنو ټیټ عمره ملي لوبډلې لوبغاړي د ۲۰۲۵ په آسیا ملتونو جام سیالیو کې د ګډون لپاره کمبوډیا ته ولاړل.
د دېه فډراسیون د څرګندونو له مخې؛ ملي لوبډله به په ب ګروپ کې د بنګله دېش، کمبودیا، فیلیپین او ماکائو له لوبډلو سره همډله ده.
ټاکل شوې، چې دا لوبې به د روان کال د اوکټوبر له نولسمې څخه تر اووهویشتمې د کمبودیا پر کوربتوب ترسره شي.
لوبی
د افغانستان کرکټ الف لوبډلې عمان ته د ۴۴ منډو پر توپیر ماتې ورکړه
په دې لوبه کې، چې نن (دوشنبه د تلې درویشتمه ) په عمان کې ترسره شوه؛ د افغانستان الف لوبډلې په ۲۰ اورونو کې د ۳ لوبغاړو پر سوځېدو ۲۱۱ منډې جوړې کړې.
د افغانستان کرکټ الف لوبډلې د درې اړخیز لوبلړ په دوهیمه لوبه کې عمان ته د ۴۴ منډو پر توپیرماتې ورکړه.
په دې لوبه کې، چې نن (دوشنبه د تلې درویشتمه ) په عمان کې ترسره شوه؛ د افغانستان الف لوبډلې په ۲۰ اورونو کې د ۳ لوبغاړو پر سوځېدو ۲۱۱ منډې جوړې کړې.
په ځواب کې کوربه لوبډلې د ۷ لوبغاړو پر سوځېدو ۱۶۷ منډې جوړې کړې، چې هدف ته په رسېدو کې پاتې راغله.
په دې لوبه کې دروېش رسولي ۱۰۹ او کریم جنت ۶۰ منډې وکړې.
دا د کرکټ الف لوبډلې په دې لوبلړ کې دوهیمه بریا ده.
افغانستان پرون په خپله لومړۍ لوبه کې هانګ کانګ ته د ۷ ویکټو پر توپیر ماتې ورکړې وه.
لوبی
د افغانستان کرکټ الف لوبډلې د هانګ کانګ لوبډلې ته ماتې ورکړه
په دې لوبه کې، چې نن (یکشنبه د تلې دوهویشتمه) ترسره شوه؛ د افغانستان الف کرکټ لوبډلې پچه وګټله او توپاچونه یې أیل کوه او هانګ کانګ په ۲۰ اورونو کې د ۹ لوبغاړو پر سوځېدو ۱۱۱ منډې جوړې کړې.
د افغانستان کرکټ الف لوبډلې په عمان کې د درې اړخیز لوبړ په لومړۍ لوبه کې هانګ کانګ ته د ۷ ویکټو پر توپیر ماتې ورکړه.
په دې لوبه کې، چې نن (یکشنبه د تلې دوهویشتمه) ترسره شوه؛ د افغانستان الف کرکټ لوبډلې پچه وګټله او توپاچونه یې أیل کوه او هانګ کانګ په ۲۰ اورونو کې د ۹ لوبغاړو پر سوځېدو ۱۱۱ منډې جوړې کړې.
د افغانستان الف کرکټ لوبډلې په ۱۳.۵ اورونو کې د درې لوبغاړو پر سوځیدو ټاکلی هدف پوره کړ.
کریم جینټ پر ۲۷ توپونو ۴۷ منډې جوړې کړې؛ له دې مخکې یې په توپوهنه کې درې ویکټې اخیستې وې او په لوبه کې ښه وځلېد.
زبید اکبري پر ۲۸ توپونو ۳۷ منډې جوړې کړې دي.
-
تازه خبرونه2 days ago
د ایران د سرحدي ځواکونو له خوا لسګونه افغان کډوال ووژل شول
-
نړۍ4 days ago
امریکا د ایران د احتمالي برید د مخنیوي لپاره اسرائیل له خپل دفاعي سیسټمه برخمنوي
-
نړۍ2 days ago
د اوکراین په جګړه کې د روسیې او شمالي کوریا پوځي همکارۍ امریکا اندېښمنه کړه
-
تازه خبرونه4 days ago
د قطر او آلمان چارواکو د افغانستان حالات وارزول
-
تازه خبرونه4 days ago
هالینډ او ازبکستان د افغان کډوالو د ایستلو پر تړون غور پیل کړ
-
لوبی5 days ago
د افغانستان کرکټ الف لوبډلې د هانګ کانګ لوبډلې ته ماتې ورکړه
-
تازه خبرونه3 days ago
د ډلهییز امنیت تړون د افغانستان پولې ته څېرمه د پوځي روزنیزو هڅو له ترسره کولو خبر ورکړ
-
تازه خبرونه3 days ago
افغانستان د نړۍ د ۲۶ بېوزلو هېوادونو په نوملړ کې راغلی – نړیوال بانک