ساینس او ټیکنالوژي
اسرائيلو د هېواد پر دولتي ويبپاڼو له ستر سايبري بريده خبر ورکړ
![](https://www.ariananews.af/wp-content/uploads/2022/03/hackers.png)
اسرائیلي رسنیو تېره شپه (د کب ۲۳ ) راپور ورکړ، چې د دغه هېواد پر وړاندې تر ټولو ستر سایبري برید شوی، چې په کې د وزارتونو او دولتي ادارو اوبپاڼې هک شوې دي.
د اسرائیلو په حکومت کې چارواکو پرته۹ له دې، چې د کوم هېواد واخلي په ډاګه کړې، چې د برید تر شا کوم لوی حکومت یا ټولنه لاس لري. د نیټ بلاکز ډلې، چې د نړۍ انټرنیټي محدودیتونه څاري؛ په اسرائیلو کې انټرنیټ ته لاسرسی له خنډونو ډک بولي او وایي، چې نړیوال لاسرسی ورته ناشونی شوی دی.
د اسرائيلي رسنیو د څرګندونو له مخې، د مخابراتو وزير یوعاز هانډل له بريد وروسته له اسرائيلي اړوند مسوولینو سره ځانګړې غونډه کړې ده.
د یادونې ده، چې تر دې دمه د کورنیو چارو، بهرنیو چارو، عدلیې، کار او ټولنیزو چارو، روغتیا وزارتونو او ان د لومړي وزیر د دفتر په اوبپاڼو کې د ګډوډۍ راپورونه ورکړ شوي؛ خو د دفاع وزارت، پوځ او د اسرائیلو د امنیتي ادارو رسنۍ ترې؛ ځکه خوندي پاتې ديو چې له دې بېل سیسټمونه لري.
ساینس او ټیکنالوژي
د ټیلیګرام اجرائیوي رییس په پاریس کې پولیسو نیولی
د رویټرز د څرګندونو له مخې؛ پولیسو هغه د نیولو د حکم پر بنسټ، چې مخکې صادر شوی و نیولی دی.
![](https://www.ariananews.af/wp-content/uploads/2024/08/Pavel-Durov-telegram-owner.jpg)
د فرانسې پولیسو د شنبې پر ورځ ( د وږي درېیمه ) د ټیلیګرام بنسټوال پاول ډوروف پاریس ته نږدې په یوه هوايي ډګر کې نیولی دی.
یوه فرانسوي چارواکي د نوم نهښودلو پر شرط رویټرز ته ویلي، چې دغه ۳۹ کلن میلیارډر پرون ماښام د فرانسې د پلازمېنې په شمال کې د لوبورژه په هوايي ډګر کې نیول شوی دی.
د رویټرز د څرګندونو له مخې؛ پولیسو هغه د نیولو د حکم پر بنسټ، چې مخکې صادر شوی و نیولی دی.
په راپور کې راغلي؛ ډوروف په ټیلیګرام شبکه کې د پیغام رسونې د جرمي کارونې د نه مخنیوي په خاطر شکمن ګڼل شوی.
تمه ده، چې هغه به د یکشنبې پر ورځ محکمې ته حاضر شي.
ټیلیګرام تر اوسه د دغه پلیټ فارم د اجرائیوي رییس د نیول کېدو په اړه څه ندي ویلي.
د فرانسې د کورنیو چارو وزارت هم په دې اړه له څه ویلو ډډه کړې ده.
ساینس او ټیکنالوژي
په بیجینګ کې د جي کلاس برقي مرسډیز بینز موټر مخکتنه وشوه
![](https://www.ariananews.af/wp-content/uploads/2024/04/Mercedes.png)
چین د خپلو برښنایي موټرو د تګلارې د ودې لپاره د بیجینګ په مارکیټ کې برښنایي مرسډیز بینز ته د مخکتنې زمینه برابره کړه.
د مرسیډیز ټکنالوجۍ لوی مسوول مارکوس شافر ویلي، چې دا شرکت له چاپېریال سره سم محصولات وړاندې کوي.
هغه د جي کلاس برښنایي موټرو د مخکتنې لپاره چینایي بازار غوره وګڼلو.
شافر ویلي: چین زمونږ ترټولو لوی او خورا مهم بازار دی او دوهیم دا، چې مرسیډیز پرېکړه کړې، چې په راتلونکیو کلونو کې به بشپړ برښنایي شي. دا یې یوه ننداریزه بڼه ده، چې پېرودونکیو ته د تیلي موټرو ترڅنګ جي برښنایي موټرو ته لاسرسی رامنځته کوي. مونږ ډېر خوښ یوو، چې دا پر برښنایي بڼه وړاندې کوو.
د مرسيډيز شرکت د ټکنالوژۍ ریيس ويلي؛ مرسيډيز بينز غواړي، چې د اړینو څېړنو او پرمختيايي هڅو د ترسره کولو لپاره په چين کې خپله پانګونه زياته کړي.
ساینس او ټیکنالوژي
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
![](https://www.ariananews.af/wp-content/uploads/2024/04/Apple-show-room.jpg)
د IDC څېړنیز انسټیټیوټ راپور ښیې، چې د ۲۰۲۴ ز.کال په لومړۍ ربع کې د اپل آی فون بازار د انډرایډ ګرځند له تولید سره په سیالۍ کې سوړ شو.
د رویټرز خبري آژانس د راپور له مخې؛ د جنورۍ او مارچ په میاشت کې د نړۍ بازارونو ته ۷ اعشاریه ۸ سلنه وده وکړه، چې شمېر یې ۲۸۹ اعشاریه ۴ میلیون ته ورسېد.
د ګرځند جوړونکي شرکت (سامسونګ) د بازار ونډه ۲۰ اعشاریه ۸ راغله او په دې توګه یاد شرکت له اپل څخه له ټولو د لوی ګرځند پلورونکي مقام خپل کړ.
اپل د ۲۰۲۴ کال په تېرو درې میاشتو کې ۵۰ اعشاریه ۱ میلیون آی فونونه پلور ته وړاندې کړل، چې دا د تېر کال د ورته وخت پر پرتله ۵۵ اعشاریه ۴ میلیون کم دي. همدارنګه د ۲۰۲۳ په وروستیو دریو میاشتو کې هم چین ته د آی فون د وړاندې کولو په کچه کې ۲ اعشاریه ۱ کموالی راغلی و.
-
تازه خبرونه4 days ago
د افغانستان چارسمبالی حکومت باید له داعش سره په مبارزه کې یوازې پاتې نشي – عزیزوف
-
لوبی5 days ago
د افغانستان فوټسال ملي لوبډلې ته کویټ ماتې ورکړه
-
تازه خبرونه5 days ago
په تېره یوه اوونۍ کې له افغانستان څخه څه باندې ۷۲ زره کسان وتلي
-
لوبی3 days ago
د نیوزیلینډ کرکټ ملي لوبډله له افغانستان سره د ټسټ لوبې لپاره هند ته ورسېده
-
نړۍ3 days ago
په امریکا کې د یوه ښوونځي زدهکوونکي ۱۳ کسنو ته مرګ او ژوبله اړولې
-
تازه خبرونه3 days ago
معلوماتو ته د بشپړ لاسرسی نشتوالی د خبریالانو یوه لویه ننګونه ده
-
تازه خبرونه4 days ago
جورجیت ګانیون د یوناما د سیاسي مرستیالي په توګه وټاکل شوه
-
نړۍ4 days ago
د اوکراین په لویدیځ کې مو هوايي بریدونه پیل کړل – روسیه