عاجل خبرونه

سوله په افغانستان کې بې قید و شرط نده- اشرف غني

(Last Updated On: November 25, 2018)

د افغانستان د سولې لپاره د امریکا د بهرنیو چارو وزارت د ځانګړي استازي زلمي خلیلزاد له لاس په کار کیدو سره د لنډمهالي حکومت د جوړښت ګنګوسو ولسمشر غني په ښکاره لږ څه اندېښمن کړی دی.

د افغانستان ولسمشر اشرف غني د پوځ د سوق او ادارې په مرکز کې، چې اجرايي ريیس عبدالله عبدالله او د کابینې وزیران هم حاضر ول؛ وویل، چې د سولې روان بهیر د داکتر نجیب الله د وقت د سولې له خبرو سره توپیر کوي.

ولسمشرغني وايي، چې نړیوال د شوروي اتحاد په وضعیت کې ندي، چې په افغانستان کې خپل لاسپوڅی کښینوي؛ ځکه، نو د ملي وحدت حکومت د بدلون یوازنۍ لار رڼې ټاکنې دي.

ولسمشر غني زیاتوي؛ نړیوال هم نه غواړي، چې په افغانستان کې لاسپوڅی نظام رامنځته کړي؛ ځکه دلته یوه ښکاره مشارکت د ګډو ګټو پر بنسټ رامنځته شوی او ملي وحدت حکومت به یوازې د ټاکنو له لارې د افغانستان د خلکو په اراده بدلیږي.

ولسمشر غني د سولې د روانو خبرو په اړه هم وايي: مونږ د سولې خبرې له شرط پرته غواړو، نه له شرط برته سوله. په دې اړه باید بشپړ وضاحت رامنځته شي؛ سوله شرط لري او خبرې بې شرطه دي.  

په همدې حال کې ولسمشر غني د پوځ د اعلي سر قومندان په توګه پوځيانو ته امر وکړ، چې یرغلیز حالت غوره کړي.

ولسمشر غني وایي: د هېواد کوماندو ځواکونه باید د یو ځواکمن سوک په توګه د افغانستان دښمنان تل له وېرې او ډار سره مخ کړي او ځان له دفاعي حالته راوباسي.

هغه دا ډاډ هم څرګند کړی، چې مونږ د سولې د خبرو پر مهال د جګړې مدیریت ته الویت ورکړی او په باور یې که جګړه مدیریت نشي؛ د سولې بهیر ته زیان اړولی شي.

About Ariana News

Check Also

د اوبو شبکو جوړولو د ۳۱ پروژو تړونونه لاسلیک شول

(Last Updated On: April 16, 2019)د کرنې او مالدارۍ وزارت مسوولین وايي، د هېواد اوبه …