اترا له مخابراتي شرکتونو غوښتې، چې د خپلو ګډونوالو خوښې ته پاملرنه وکړي

(Last Updated On: February 21, 2019)

د مخابراتي خدمتونو تنظیم ادارې( اترا) له مخابراتي شرکتونوغوښتي، چې دغه شرکتونه باید په مخابراتي او انترنیتي بستو او اړوند خدماتو کې د خپلو مشتریانو له خوښې پرته څوک شریک نکړي.

د دغې ادارې مسوولین والي، چې په تېره یوه میاشت کې د مخابراتي خدماتو په اړه له شپږ زره ډېر شکایتونه په دې اداره کې ثبت شوي دي.

د مخابراتي خدمتونو د تنظیم ادارې رییس نجیب الله عزیزي وایي، چې اترا ادارې د ټولو مخابراتي شرکتونو خدماتي کارکوونکیو ته سپارښتنه کړې، چې له دوه کارونو دې ډډه وکړي؛ د ګډونوالو له خوښې پرته هیڅوک حق نلري، چې څوک په خپل پرګرام کې ونیسي او دغه راز  اړوند شرکتونه دې په خپلو پروګرامونو کې د نه ګډون ټول شرایط  ښکاره او څرګند کړي.

دغه راز دوی د خلکو د غوښتنو له مخې دا ټینګار هم څرګند کړی، چې د امنیتي ګواښونو له کبله له ۴۳ ډېرې ولسوالۍ له یوې مودې راپدیخوا له مخابراتي پوښښه بې برخې پاتې دي او دغه راز په یو شمېر نورو هغو کې لږ مخابراتي خدمتونه وړاندې کیږي.  

د دغې ادارې د نوې تګلارې له مخې؛ ټاکل، چې تر راتلونکیو دوه کلونو د مخابراتي بستو لګښتونه ۵۰ سلنه راټیټ شي او دغه راز په دې برخه کې د پانګونې جلب به هم ډېر شي او په دې اړه به حکومت تر یو میلیارد دالرو عاید تر لاسه کړي.  

About Ariana News

Check Also

طالب مشران مسکو ته د افغان – روس د اړیکو سلمې کلیزې ته غوښتل شوي

(Last Updated On: May 25, 2019)د طالبانو د سیاسي دفتر او مشرانو ځینې غړي مسکو …