تازه خبرونه
د هېواد نومیالی هنرمند او ممثل حنیف هنګام خاورو ته وسپارل شو
د افغانستان مشهور هنرمند او ممثل حنیف همګام د یکشنبې پر ورځ( د لیندۍ ۲۵) خاورو ته وسپارل شو.
ارواښاد حنیف همګام د مغزې سکتې له کبله د هند او کابل په روغتونونو کې بستري و؛ خو ژوند ور سره یاري ونکړه او تېره ورځ د شپږ پنځوس کلونو په عمر ومړ.
حنیف همګام، چې یو وخت یې په خپلو طنزیه تلویزیونې خپرونو کې د خلکو پر شونډو مسکاوې خورولې؛ اوس د ګور میلمه شو.
فلم جوړوونکی موسی رادمنش وایي: دی هغه کس و، چې د خلکو غږ یې د حکومت غوږونو ته رساوه؛ ده ډېر څه لرل او هر څه ترې نیمګړي پاتې شول.
د حنیف همګام همکار سید نبي فخري وایي: د حنیف هنګام ډېر یادونه راسره دي. ده به ویل که مې د سر زیان هم په کې وي، قانون ماتونکيو ته به ګوته نیسم او د خلکو غږ به راپورته کوم.
همګام په تېرو څو لسیزو کې د یوه خصوصي تلویزیون له لارې د زنګ خطر نومې طنزیه خپرونه چلوله.
د همګام زوی وايي، چې غواړي د خپل پلار په پله پل کیدم.
د همګام مشر زوی نظیف همګام وایي: پلار مې تل غوښتل، چې د خلکو غږ د حکومت غوږونو ته ورسوي او هغه خلک به یې تر نیوکو لاندې نیول، چې له قانونه به یې سرغړونې کولې. زه ژمنه کوم، چې د پلار لار به نیسم او نیمګړي ارمانونه به یې پوره کوم.
نوموړي دا هم ویلي، چې پلار مې داسې کومه ناروغي نلرله، چې مغزي سکته ترې وکړي؛ سمه ده مونږ یې درملنه وکړه، خو ومړ.
د همګام پر کورنۍ سربېره د هغه نږدې همکارانو او د هنر برخې ټولګیوالو هم اوښکي تویې کړې.
همګام څه نا څه شل ورځې د هند او بیا د کابل په روغتونونو کې بستر و، چې د لیندۍ پر څلیریشتمه یې ساه ورکړه او د کابل د سخي صاحب په اړوند ادیره کې خاورو ته وسپارل شو.
ارواښاد حنیف پر ۱۳۴۱ ل کال په کابل کې پیدا شوی و؛ د کابل په غازي لیسه کې یې زدکړې وکړې او د تیاتر او سینما څانګه یې د کابل پوهنتون په ښکلیو هنرونو کې ولوسته او ترې فارغ هم شو.
خبریاله: افسون محمدي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ