د لوګر والي د ویاند سلیم صالح جنازه په خپل کلي کې خارو ته وسپارل شوه

(Last Updated On: مې 3, 2018)

نوموړی د تېرې پنجشنبې پر ورځ د طالبانو په یوه برید کې ټپي شوی و، چې اته ورځې وروسته یې د کابل په یوه رغتون کې له ژورو ټپونو ساه ورکړه.

۲۳ کلن سلیم صالح د لوګر د رسنیو د مسول په توګه دنده ترسره کوله، چې د تېرې پنجشنبې پر ورځ د طالبانو په یوه برید کې ټپي شو او اته ورځې وروسته یې د کابل په یوه روغتون کې له ژورو ټپونوساه ورکړه. له نوموړي درې کوچني اولادونه پاتې شول.

لیکوال او ژورنالست عطامحمد هیله من وایي : له درې کوچنیو اولادونو یې د سر سیوری واخیستل شو.

ارواښاد سلیم صالح څه موده په ننګرهار کې خبریالي هم کړې وه؛ ځکه، خو په ختیځ کې میشت خبریالان د دغه ډول ځوانانو په نښه کول غندي او له مخالیفینو غواړي، چې د ځوانو کدرونو د وژلو پرځای د تفاهم لارخپله کړي.

د ارواښاد ټولګیوال او ملګری خوشال جبارخېل وایي:  هغه د ملا زوی و او د سپېځلي فکر لرونکی و.

د ارواښاد بل ملګری اکمل ظاهر وایي: له وسلوالو ډلو زمونږ هیله داده، چې خبریالان دې نه په نښه کوي . که دوی ژورنالستان په نښه کړي، نو په وړاندط به یې ورته کرکه رامنځته شي.  

سلیم صالح د ننګرهارد چپرهار ولسوالۍ استوګن و.

نوموړي په ژبو او ادبیاتو کې لیسانس کړی و.

ارواښاد صالح د تېرو پېنځه کالونو راهیسې د لوګر والي د ویاند په توګه دنده ترسره کوله.

خبریال: رحمت الله زیارمل

About Ariana News

Check Also

د کابل پوهنتون د لیلیې زدکوونکیو نښته کړې

(Last Updated On: نوومبر 15, 2018) د کابل پوهنتون دلیلې د محصلینو ترمنځ د پنجشنې …