عاجل خبرونه

د هېواد تازه ميوې به د هوا له لارې هند، منځنۍ آسیا او د خیلج هېوادونوته ولیږدوو

(Last Updated On: May 08, 2017 7:40 pm)

547398_308416252620829_71814907_n

د سوداګرۍ او صنایعو وزارت مسوولین وايي، چې سږکال به د هوا له لارې هند، منځنۍ آسیا او د خلیج هېوادونو ته د اتیا میلیون دالرو پر ارزښت تازه میوه ولیږدوو.

د سوداګرۍ او صنایعو وزارت ویاند مسافر قوقندي وايي، په روان کال کې به هڅه وشي، چې ټوله تازه میوه د هوا له لاري هندوستان او د سیمې یو شمېر نورو هیوادونو ته ولیږدوو.

د هغه په وینا؛ مونږ ته مهمه ده، چې خپل محصولات د هوا له لارې د هند او له هغه وروسته خلیج او منځنۍ آسیا هېوادو نوته ورسوو او په دې اړه مو خبري هم روانې دي.

د سوداګرۍ اوصنایعو خو نې ویاند صیام پسرلی وايي، دوه میاشتي وروسته د تازه میوو محصولات رسیږي او له حکومت سره مو په ګډه خبرې روانې دي، چې پخپل وخت د هوا له لارې مارکیتونو ته ورسیږي.

هغه زیاتوي؛ له سوداګرۍ او ترانسپورت وزارتونو سره مو خبرې رواني ساتلي، چې د میوو لیږد د هوا له لاري وکړو او تر یوه بریده سوداګرو ته حکومت سبسایدي هم ورکړې ده.

د هوايي چلند خپلواکې ادارې ویاند محمود شاه حبیبي وايي، د تازه میوې د لیږدولو لپاره پوره چمتوالی نیول شوی او کورني شرکتو نه د دې ظرفیت لري، چې دغه میوې د هوا له لارې ولیږدوي.

له تېرو پېنځه لس کلونو راهیسې هرکال د افغان میوې د محصول پروخت د پاکستان له خوا ترانزیت لارې تړل کیږي، چې د افغان سوداګرو د سترمالي زیان سبب ګرځي؛ خو افغان حکومت وايي، چې په روان کال کې به دغه ستونزه تکرارنشي او د هېواد د تازه میوې محصولات به دهوا له لارې بهرنیو بازارونو ته ورسیږي.

خبریال: اسلم حجاب

About Ariana News

Check Also

د وګړیو د احوال ثبتولو ادارې د کاغدي تذکرو د وېش لړۍ ودروله

(Last Updated On: September 18, 2018 6:39 pm) د وګړو د احوال ثبتولو ادارې رییس …