عاجل خبرونه

د میدان وردګو پولیسو له سوداګریزو توکو ډک ۱۲ موتر نیولي

(Last Updated On: July 27, 2017)

په میدان وردګو کې د پولیسو کشفي څانګې ۱۲هغه موتر، چې غوښتل یې له محصول پرته سوداګریز توکي کابل ته ولیږدوي؛ نیولي او د ګمرکاتو ریاست ته سپارل شوي دي.

د میدان وردګو د امنیه قومندانې ویاند نقیب الله امیني وايي، د دغو ۱۲ مازدا موترو سوداګریز توکي په قاچاقي بڼه د لودیځو ولایتونو له بندرونو راوړل شوي او غوښتل یې له تورتمه په ګټه اخیستنه دغه سوداګریز توکي کابل ته ولیږدوي.

د نوموړي د وینا له مخې؛ د مالیې وزارت کارکوونکي له تېرو څو اوونیو راهیسې د کابل ښار په دروازو کې نه وي؛ نو سوداګرو له دغې تشې څخه په ګټه اخیستنه غوښتل خپل سوداګریز توکي دغه وزارت ته د مالیاتو له سپارلو پرته پلازمېنې ته دننه کړي. 

د مسوولینو په وینا؛ د دغه کار په تړاو ۱۲ کسه هم نیول شوي دي.

About Ariana News

Avatar

Check Also

د بادغیس په بالا مرغاب کې د یوه کنډک ۴۰۰ سرتېري محاصره شوي

(Last Updated On: July 22, 2019)د بادغیس د ولایتي شورا غړيو څرګنده کړې، چې د …