د ټاکنیزو شکایتونو ۱۰۲ ولایتي کمیشنرانو لوړه وکړه

(Last Updated On: جولای 30, 2018)

د ټاکنیزو شکایتونو یو سلو دوه ولایتي کمیشنرانو لوړه وکړه او ټاکل شوې، چې هر ولایت ته به درې کمیشنران لیږل کیږي. دوی دنده لري، چې په ولایتونو کې د ټاکنیز بهیر په اړه هر راز شکایتونه وڅېړي او خپلواکه پرېکړې وکړي.

د ټاکنیزو شکایتونو کمیسیون ولایتي کمیشنرانو له دوه میاشتیني ځنډ وروسته د دوشنبې پر ورځ( د زمري ۸) رسمي معرفي شول.

د دغو کمیشنرانو د لوړې په مراسمو کې د ټاکنیزو شکایتونو کمیسیون رييس ټينګار وکړ، چې د کمیشنرانو چارې خپلواکې دي او هیچا ته به د دوی په چارو کې د لاسوهنې وخت ور نکړ شي.

د ټاکنیزو شکایتونو کمیسیون رييس په ولایتي کمیشنرانو دا غږ  هم وکړ، چې پرته له کوم فشار په خپلواکه توګه خپلې چارې روانې وساتي.

د ټاکنیزو شکایتونو کمیسیون رييس عبدالعزیز آریایي وایي؛ پر قرآن مو لاسونه کیښودل او لوړه مو وکړه. تاسې باید ټول مسوولیتونه درک او ځان پرې وپوهوئ. په هڅو او پرېکړو کې مو تېروتنې د منلو وړ ندي؛ ځکه د ټاکنو بهیر د خلکو برخلیک ټاکي، نو لوبه هم ورسره نه منل کیږي. هیله من یم، چې دغه دروند مسوولیت بریالی ترسره شي.

د ټاکنیزو شکایتونو کمیسیون غړی علي رضا روحاني وایي، چې ولایتي کمیشنران به له قانون سره سم خپلې چارې ترسره او خپله بې طرفي به خوندي کوي. پرته له دې یو کار هم خلکو ته د منلو ندی او دا کمیسیون باید په خپلواکه توګه اړوند چارې تر سره کړي.

د ټاکنو څارونکي بنسټونه سر له اوسه پر ټاکنیز بهیر بې باوره دي او وايي، چې د ولسي جرګې او ولسوالیو شوراګانو ټاکنې به عمومي او رڼې نه وي؛ ځکه، چې له یوې خوا امنیتي وضعیت ښه نه دی او له بلې خوا په ځينو برخو کې په ښکاره حکومت لاسوهنه کوي.

خبریال: رفیع صدیقي

About Ariana News

Check Also

د ولسمشرۍ مانۍ مخې ته د عدالت غوښتنې لاریون تر سره شو

(Last Updated On: نوومبر 12, 2018) سلګونه کسانو د دوشنبې پر ورځ( د لړم ۲۱) …