تازه خبرونه
د ودونو د مراسمو قانون توشیح او په رسمي ګڼه کې خپور شو
د عدلیې وزارت ویاند وایي، د ناوې خپلوان نه شي کولی د ودونو په مناسبت د زوم له کورنۍ طویانه، قلین، د شیدو بیه ولور او جېز په جبري توګه تر لاسه کړي.
د طویانې اخیستل د ودونو په وړاندې یو لوی سرخوږی دی، چې د ځوانانو لپاره یې ډېرې ستونزې را ولاړې کړي دي.
د عدلیې وزارت ویاند امان ریاضت وایي: د ناوې خپلوان نه شي کولی د ودونو په مناسبت د زوم له کورنۍ طویانه، قلین، د شیدو بیه ولور او جېز په جبري ډول د مخکیني شرط په توګه واخلي.
د عدلیې وزارت د خپل قانون خبره کوي، چې ورسره به په ودونو کې له لوړو لګښتونو مخنیوی کیږي.
د عدلیې وزارت وایي، د قانون له مخې به له سرغړونکیو سره قانوني چلند وشي.
شفیق شایان او شبنم نومي هغه جوړه ده، چې یو کال یې له کوژدې تېر شوی دی.
دوي وایي، ناوړه دودونو یې ژوند ډېر تریخ کړی دی.
شفیق شایان وایي: زمونږ په فرهنګ کې خرافاتي دودونه شته، چې؛ له بدو کړنو راوتلي، ستونزې یې رامنځته کړي او اوس یې له کبله ځوانان پخپل وخت ودونه نشي کولی. دواړه خواوې داسې غوښتنې لري، چې مونږ یې له کبله پخپل وخت نشو کولی واده وکړو.
که څه هم په ښارونو کې لوکس هوتلونه جوړ شوي او پر ودونو لګښتونه ان دوه میلیون افغانیو ته رسیږي؛ خو د هوتلونو ټولنه وایي، چې په ودونو کې ډېر کمی راغلی دی.
د هوتلونو ټولنې رییس محمد نادر قرغه یي وایي: د خلکو اقتصاد د تېر کال په پرتله کمزوری شوی او په ودونو کې هم کمی راغلی دی. ډېر لږ خلک راځي؛ خو هغه هم ټیټه یا منځنۍ مینو غوره کوي.
د ښځو او ماشومانو د ځورولو د مخنیوي قانون د عدلیې وزارت لخوا خپور شوی او نافذ ګڼل کیږي.
خبریال: دیانا صمدي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ