تازه خبرونه
د کابل ښار په ۱۷ ناحیې کې د داعشیانو د چاودیدونکیو توکو کارخونه له منځه وړل شوې
د ملي امنیت ځانګړیو ځواکونو د کابل ښار د اووه لسمې ناحیې په اړوند سیمه کې د داعش د چاودیدونکیو توکو د جوړولو یوه کارخونه له منځه وړې ده.
د ملي امنیت ځانګړیو ځواکونو تېره شپه د کابل ښار د اووه لسمې ناحیې اړوند په بوستان سړک کې ځانګړي عملیات ترسره کړي، چې په کې د داعش دوه جنګیالو څو ساعته مقاومت هم کړی دی.
په دې عملیاتو کې، چې تر شنه سهاره روان ول؛ دوه داعشیان، چې د چاودیدونکیو توکو د جوړیدو په حال کې ول وژل شوي او د داعشیانو یوه ښځه او څلور ماشومان ټپیان دي.
سرچینو ویلي، په دې عملیاتو کې د ملي امنیت یوه سرتېري هم ژوند له لاسه ورکړی او دوه نور ټپیان شوي دي.
د نجات مېنې ګذر وکیل عصمت الله ویلي، چې موتر به یې له چاودیدونکیو توکو ډکول او په ښار کې دننه به یې چاودنه ورکوله.
د بوستان سړک اوسیدونکي اجمل ویلي؛ د معاملاتو رهنما، چې دا ودانۍ یې په کرایه ورکړې باید ځواب ووایي. مونږ ترې کوم ځانګړی غبرګون نه و لیدلی.
داعشیانو د دې ودانۍ په تلخونه کې کار کاوه او هلته یې چاودیدونکي توکي او د ځانمرګو بریدونو واسکتونه جوړول.
په دې تلخونه کې د مذهبي کتابونو کڅوړې هم لیدل کیږي، چې ډېر یې په پاکستان کې چاپ شوي دي.
داعشیانو د استوګنې په سیمه کې پر ځانګړي مهارت ودانۍ کرایه کړې وه.
د بوستان سیمې اوسیدونکیو لیدلي، چې وروستیو دوه میاشتو کې دې ودانۍ ته ګڼ موتر ورتلل.
د معاملاتو د لارښوونې دفتر مسوول او د وانۍ مالک ښایي یوازني کسان ول، چې دا کسان ور سره په اړیکه کې ول.
د بوستان سړک اوسیدونکی فردین وایي، چې له داعیشیانو پرته بل څوک په دې عملیاتو کې زیانمن شوي ندي او دا د امنیتي ځواکونو د وړتیاوو ښکارندویي کوي.
د بوستان سړک اوسیدونکی خان آغا وایي؛ په موتر کې راتلل او په موتر کې به وتل؛ چا له نږدې لیدلي ندي. یوازنیو کسانو، چې ورسره لیدلي د کور خاوند او د معاملاتو د دفتر لرونکي دي.
داسې نښې لیدل کیږي، چې په دې ودانۍ کې ښځې او ماشومان هم ول.
د ماشومانو د لوبو دا وسایل او جامې ثابتوي، چې یوه پاکستانۍ میرمن او څلور ماشومان، چې دمګړۍ ټپیان دي؛ د همدې داعشیانو تر ملاتړ لاندې ول او اوس د ملي امنیت په روغتون کې تر درملنې لاندې دي.
سرچینو ویلي، په دې عملیاتو کې د ملي امنیت یوه سرتېري هم ژوند له لاسه ورکړی او دوه نور ژوبل دي.
لدې مخکې امنیتي چارواکو ویلي وه، چې کابل له داعشیانو ډک شوی او دا څویم عملیات دي، چې په کې د داعشیانو پټنځایونه له منځه ځي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ