تازه خبرونه
د کابل پوهنتون په ۶ پوهنځیو کې د ولایتونو مخکښانو ته د زدکړې زمینه برابره شوې
د آزموینو ملي ادارې ویلي؛ د کابل پوهنتون په شپږ پوهنځیو کې ۳۳ ولایتونو ته یوه اضافي څوکۍ کیښودل شوې، چې د نورو ولایتونو د مخکښو محصلینو لپاره د زدکړو فرصت برابروي.
حتی د ګوتو نښان او انګلیسي نوملیکنې هم ونه کړای شول، چې د کابل کانکور ستونزه حل کړي. که څه هم د تېر کال په پرتله د شکایتونو کچه داځل راټيټه وه؛ خو د پایلو په پاڼو او یا د لوړو زدکړو وزارت په ویبپاڼه کې تازه یو لړ بې نظمي ښکاري، چې خلکو ته یې پوښتنې راپورته کړې دي. لکه په ټولنیزو شبکو کې د احمد ظفر نوم لیدل کیږي؛ هغه ۳۰۳ نمرې اخیستي او د لوړو زدکړو خصوصي موسساتو ته معرفي شوی او عبدالمبین بیا په یوسل و دري اتیا نمرو د کابل طب پوهنتون ته لار پیدا کړې ده.
په لوړو زدکړو وزارت او د آزموینو ریاست کې د احمد ظفر اصلي پاڼه پیدا شوه؛ پاڼه یې مرموزه او په عین حال کې ګیچ کوونکې ده، د انتخاب ځای یې سپین پریښی او په ځانګړنو او خپل عکس یې خط کښلی، ظاهراً غواړي هویت یې پټ شي.
خلک وایي، په کانکور کې ونډې مشخصې شوي؛ د کانکور آزموینې ریاست د خلکو ادعا ردوي او وایي، ۳۳ څوکۍ د هر ولایت لپاره د کابل پوهنتون په شپږ ځانګړیو پوهنځیو کې ایښودل شوي او دا څوکۍ د کانکور د مخکښانو په برخه کیږي.
د آزموینو د ملي ادارې سرپرست عبدالقدیر خموش ویلي؛ د اته نویم کال د کانکور داوطلبانو د رشتو په ټاکلو کې ستونزه درلوده او دا سبب شوې، چې زیاتره دا داوطلبان بې پایلې پاتې شي او یا هم د خپلې خوښې وړ پوهنځي ته لار پیدا نکړي.
د اته نویم کال د کانکور آزموینې ځینې برخه وال بیا د هغه څه له کبله شکایت کوي، چې دوی یې د کانکور په بهیر کې نه روڼتیا بولي.
د کانکور داوطلب روح الله نومی وایي؛ زما ستونزه دا وه، چې ۵ غوراوي مې لرل او له همدې کبله یې خصوصي پوهنتونونو ته ورپېژندلی یم.
کابل پوهنتون ته بریالي شوي ځینې کسان د لوړو زدکړو وزارت د سږ کال له کړنو چندان راضي نه ښکاري.
عبدالباسط نومی یو بل داوطلب وایي، چې نمبرې مې ډېرې لوړې دي؛ خو د خپلې خوښې پوهنځي ته یې نه یم ورکړی؛ نور نه پوهیږم، چې څه ستونزه ده.
د آزموینو ملي اداره وایي، د سږ کال کانکور په درې پړاوونو کې تر سره شو؛ لومړي پړاو یې سراسري او دوه یم یې د ښځو لپاره زمینه برابرونکی و او په درېیم پړاو کې هم درېیم درجه ولایتونو ته په کمو امکاناتو تدریس و، چې په خپلو کې یې سیالۍ وکړې.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ