تازه خبرونه
د سولې عالی شورا طالبان د سیاسي او پوځي ډلې په توګه پېژني- داوودزی
د سولې عالي شورا د دارالانشاُ رييس محمد عمر داوودزی وسلوال طالبان د سیاسي او پوځي ډلې په توګه پېژني.
په داسې حال کې، چې د نړۍ ستر او ځواکمن هېوادونه د افغانستان د سولې په اړوند فعال شوي؛ د افغانستان د سولې لپاره د امریکا ځانګړی استازی هم لګیا دی د سیمې د هېوادونو همکاري خپلوي. د افغانستان د سولې هڅې هغه وخت ګړندۍ شوې، چې امریکا زلمی خلیلزاد د افغان سولې لپاره خپل ځانګړی استازی وټاکه او روسیې هم په مسکو کې پر افغان سولې غونډه جوړه کړه. تهران، اسلام آباد، دوحه، ریاض، تاشکند، دوشنبه، ابوظبۍ هم د افغان سولې لپاره لاس په کار شوي او له وسلوالو طالبانو سره په اړیکو کې دي.
د سولې عالي شورا د دارالانشاُ رييس عمر داوودزی وايي، چې له وسلوالو طالبانو سره د امریکا او د سیمې د ځينو هېوادونو اړیکې د دې لپاره دي، چې طالبان له افغان حکومت سره مخامخ خبرو ته قانع کړي.
د دغو خبرو له رتپورته کیدو سره سم د افغانستان د ملي امنیت شورا سلاکار حمد الله محب چین، عربستان او عرب اماراتو په سفر وتلی دی.
د ملي امنیت شورا د ویاند مرستیال طارق آرین وایي، چې سعودي ته له روانیدو مخکې د ملي امنیت مشاور په ابوظبۍ کې د عربي متحده اماراتو د ملي امنیت له سلاکار او په دوبۍ کې له زلمي خلیلزاد سره بېلابېلې لیدنې کړي، چې په کې د افغانانو پر مشرۍ د سولې پر خبرو ټینګار شوی دی.
دغه راز ملا عبدالغني برادر، چې د زلمي خلیلزاد د هڅو په لړ کې د پاکستان له زندان څخه خوشې شوی دی، د یوشمېر راپورونو له مخې قطر ته تللی؛ خو سیمې ته د خلیلزاد د سفر په لړ کې قطر ته د د نوموړي سفر وسلوالو طالبانو په رسمي توګه ندی منلې.
سیاسي کارپوه نظر محمد مطمین وایي، چې طالبانو ته د مهالوېش له مخې د بهرنیو ځواکونو وتل مهم دي او امریکایانو تر دې دمه دغې موضوع ته پام ندی رااړولی.
د نوموړي په وینا؛ امریکایانو د ابوظبۍ او قطر ناستې هم ځنډولې دي.
حکومت هم د افغان سولې لپاره د سیمه ییزې اجماع جوړیدل مهم ګڼي.
د اجرائيه ریاست د ویاند مرستیال امید میثم وایي، چې له ترهګرۍ سره مبارزه سیمه ییزې اجماع ته اړتیا لري او مونږ د سیمې له هېوادونو غواړو، چې د تروریزم په وړاندې مبارزه کې له مونږ سره همکاري وکړي.
دا، چې د نړۍ دوه ستر قدرتونه امریکا او روسیه د افغانستان په سوله کې څه لټوي، پدې اړه کارپوهان وایي؛ که د افغان سولې په اړه سمیه ییزه اجماع رامنځته شي او عملي ګامونه پورته شي؛ نو لیرې نده، چې په افغانستان کې به سوله ټينګه او هوساینه رامنځته شي.
خبریال: علی اصغري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ