عاجل خبرونه

د بڼوالۍ د ځنځیري ارزښتونو پراختیایي پروژه پیل شوې- درانی

(Last Updated On: June 28, 2019)

د کرنې اومالدارۍ وزارت ویلي؛ د بڼوالۍ د ځنځیري ارزښتونو پراختیایي پروژه یې پیل کړې، چې د دغې پروژې مالي لګښت یو سل و پنځوس میلیون دالرو ته رسیږي.

د هېواد لسګونه بزګر د کرنې وزارت لخوا په یو ورځني ورکشاپ کې را ټول شول، چې موخه د بڼوالۍ معیاري کیدل یادیږي.

دوۍ وايي؛ اوس هم  د کرنې په سکتورکې له شمېر داسې ستونزو سره مخ دي، چې د کرنې وزارت باید ورته لاسرسی ومومي.

د هېواد د کروندګرو استازی رحمت ګل مونږه ته اوس هم پر ټاکلي وخت اصلح شوی تخمونه او کیمیاوي سره نشو تر لاسه کولی، سړخوني، شنې خوني او تولید ته د مارکیت موندنې ستونزې مو هم ندي حل شوي د کرنې وزارت باید په دې برخه کې همکاري وکړي.

د کرنې او مالدارۍ وزیرهم تر یوه بریده د بزګرو ستونزې مني؛ خو وایي هغه څه، چې د کرنې وزارت په توان کې شته؛ کروندګرو ته سهولیتونه پراخ  شوي دي.

هغه زیاته کړې ، چې په راتلونکي کال کې به ۱۵۰۰۰ ټنه اصلح شوي تخمو نه او ۳۰۰۰۰ زره ټنه کیمیاوي سره بزګرو ته ووېشل شي.

د کرنې او مالدارۍ وزیر نصیراحمد درانی په ډاګه کړې، چې نوې پروژه به د هېواد په ټولو ولایتونو کې پیل شي او د کار زیاته برخه به يي هم د ځنځیروي باغونو او بڼونو پراختیا، د اوبو مدیریت، د سړخونو او شنوخونو جوړول د نوي پروژې بنسټیزې برخې دي، چې په راتلونکیو شپږ کلونو کې به پلي شي.  

دغه وزارت وايي، چې په روان کال کې د هېواد د غنمو په محصولاتو کې د پام وړ زیاتوالي راغلي او هڅه کوو، چې هېواد ته د کرنیزو محصولا تو واردات کم او د هېواد کرنیزو محصولاتو په صادراتو او پروسس کې له خصوصي سکتور سره پنځوس سلنه مرسته تر سره شي.  

About Ariana News

Avatar

Check Also

د خواف ـ هرات د ۴۳ کیلومتره اوسپنې پټلۍ د غزولو تړون لاسلیک شو

(Last Updated On: December 12, 2019) د خواف ـ هرات د اوسپنې پټلۍ د لومړي …