عاجل خبرونه

د امریکا ولسمشر د افغانستان لپاره د ستراتیژۍ اعلان ته چمتو شوی

(Last Updated On: اګست 21, 2017)

د امریکا ولسمشر دونالد ترمپ څو ساعته وروسته د افغانستان لپاره خپله ستراتیژي اعلانوي او په افغانستان او سویلي اسیا کې د سرتېرو د پرمختګ په اړه به خلکو او سرتېرو ته معلومات ورکړي.

داسې بریښي، چې د امریکا ولسمشر له ډېرو ارزونو او سلا مشورو وروسته د افغانستان د تر ټولو اوږدې جګړې د حل لپاره خپله تازه ستراتیژي جوړه کړې او د څو ساعتونو په ترڅ کې به یې اعلان کړي.

سپینې ماڼۍ په ډاګه کړې، چې ولسمشر به ملت ته وینا وکړي او ملت ته به روښانه کړي، چې په افغانستان او سویلي آسیا کې د دوی ګډ مشارکت څه ډول په مخ ولاړ شي.

تمه کیږي، چې ترمپ به د ستراتیژۍ د اعلان پر وخت په افغانستان کې د امریکايي سترتېرو د زیاتولو مسئله هم روښانه کړي.

امریکایي رسنیو په ډاګه کړې، چې ترمپ به افغانستان ته شاو خوا څلور زره نور تازه دمي سرتېري را ولیږي.

پوځي کارپوه زلمی وردک وايي؛ امریکایانو پخپله ویلي، چې پاکستان د نوې ستراتیژۍ خنډ دی. که مسایل د دیپلوماسۍ له لارې حل نکړي؛ افغانستان ته ګټه نه لري او ستونزې رامنځته کوي.

سیاسي کارپوه فدا محمد نظري وایي؛ زه فکر کوم، چې د افغانستان جنګ بایلل او ګټل نلري. باید، چې د روان جنګ پایله سوله شي؛ خو د ترمپ له څرګندونو ښکاري، چې هغه د ګټلو په فکر کې دی، نه د جنګ او سولې په فکر کې.

ترمپ د افغانستان د جګړې په اړه زړه نازړه ښکاري. ان تر دې، چې یو ځل یې ویلي وه؛ امریکا په افغانستان کې د ماتې په حال کې ده.

About Ariana News

Check Also

په افغانستان کې د ۵ اقتصادي ارزښتونو ارزونه کیږي

(Last Updated On: سپتمبر 24, 2018) د سوداګرۍ خونې او د آلمان د پراختیايي ادارې …