تازه خبرونه
د افغانستان د سرتېرو ناسوبتیا له ۱۰ څخه تر ۶۰ په سلو کې ده
د افغانستان پر بیارغونه د امریکا د څار ادارې یا سیګار په راپور کې راغلي، چې د افغانستان د سرتېرو ناسوبتیا له لس څخه تر شپېته په سلو کې ده. یعنې په غوره شرایطو کې ناسوبتیا لس په سلو کې او په ناوړه شرایطو کې بیا شپېته سلنه ده.
د یو سل و اویا زره په شاوخوا کې د افغان پوځ سرتېري په روان کال کې په نږدې شل ولایتونو کې پر سختو جګړو اخته دي.
د سیګار په راپور کې له رخصتۍ پرته ناسوبتیا، مرګ او ژوبله، تبدیلي، د دندې پریښودل تقاعد او داسې نور د ناسوبتیا دلایل نومول شوي دي.
پخواني پوځي جاوید کوهستاني ویلي؛ په هغو کنډکونو کې، چې باید ۶۵۰ سرتېري وي ۲۰۰ هم سوبتیا نلري. لواګانې تشې دی او له همدې کبله دښمن پر لویو لارو برلاسي دي. چارواکي رښتیا نه وایي؛ حقوق او تنخواوې یې خپلو جبونو ته ورغورزوی. دا یوه بنسټیزه ستونزه ده، چې حکومت ورسره مخ دی.
په افغان پوځ کې د سرتېرو د ناسوبتیا پردې کچ نیوکې هم راپورته شوې دي.
د ولسي جرګې یو شمېر غړي وايي، چې د پوځ د لوړ پوړیو مسوولینو ناسوبتیا د سرتېرو پر مورال ناوړه اغېزه کوي او له بلې خوا په پوځ کې د سرتېرو ناسوبتیا ته هم زمینه برابره وي.
د ولسي جرګې غړي ذبیح الله عتیق ویلي، چې ډېري لوړ پوړي قومندانان د جګړې په ډګر کې نه وي. کله، چې مدیریت سرتېرو ته پاتې شي؛ سرتېر به خود ناسوبه کیږي او له دښمن سره د جنګیدو ولوله هم بایلي.
افغان حکومت د سیګار ادارې دغه راپور بې بنسټه ګنې او وايي، چې د سرتېرو ناسوبتیا له لس سلنې هم کښته ده.
د ولسمشرۍ ویاند صدیق صدیقي څرګنده کړې، چې د سرتېرو ناسوبتیا لس سلنه ده؛ د سیګار راپور سم ندی.
د سیګار راپور دا هم په ډاګه کړې، چې په روان کال کې د افغان سرتېرو ځمکني عملیات دوه دېرش په سلو کې ډېر شوي دي.
سیګار په داسې حال کې د افغان ځواکونو د ناسوبتیا په اړه راپور خپروي، چې اوړمه ورځ یې په یوه راپور کې په ډاګه کړې وه، چې په وروستیو درې میاشتو کې افغان ځواکونو ته درانده ځاني زیانونه اوښتي دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ