تازه خبرونه
د افغانستان خلک د افغانانو په مشرتابه سوله غواړي- ادریس زمان
د افغانستان د بهرنیو چارو وزارت مرستیال ویلي؛ هغه سوله د منلو وړ ده، چې د افغانانو په مشرۍ او مالکیت رامنځته شي.
د افغانستان د بهرنیو چارو وزارت مرستیال ادریس زمان د شنبې پر ورځ( د تلې ۱۳) یوې خبري ناستې ته په ډاګه کړه، چې طالبان باید له خبرو مخکې تاوتریخوالی پریږدي.
نوموړي د یوې پوښتنې په ځواب کې څرګنده کړې: د افغانستان حکومت کولی شي، چې له طالبانو پاسپورتونه واخلي؛ د سفرونو مخه یې ونیسي او بندیزونه پرې ولګوي، خو دا امکانات او آسانتیاوې د افغانستان حکومت یوازې د سولې خبرو لپاره دوی ته برابر کړي دي.
هغه دغه راز ویلي، چې د بهرنیو اړیکو پالیسي د بهرنیو چارو وزارت کار دی، چې د ولسمشر او نورو بنسټونو لخوا جوړیږي او هر راز څرګندونې، چې د دغه سیاست سره اړخ نه لګوي؛ د څرګندونکي شخصي اند ګڼل کیږي.
د ښاغلي زمان د څرګندونو له مخې؛ په بهرنیو چارو وزارت کې هیڅ راز دوه ګونې سیاست نشته.
دا په داسې حال کې ده، چې تېره ورځ د بهرنیو چارو وزارت له طالبانو سره د خبرو له پیلیدو ډاډ څرګند کړی و.
د افغانستان د بهرنیو چارو وزارت ویاند صبغت احمدي ویلي وه؛ سوله لومړیتوب دی او هیله من یو، چې پاکستان په دې اړه رښتیني او عملي ګامونه پورته کړي.
د ولسمشرۍ ویاند صدیق صدیقي په یوه تویت کې څرګنده کړې؛ د سولې په تړاو هر دريځ ولسمشرۍ ماڼۍ نیسي او د بهرنیو چارو د وزارت د ویاند دریځ د هغه شخصي نظر دی نه د افغان دولت دریځ.
ولسمشرۍ ماڼۍ اوړمه ورځ له طالبانو څخه د پاکستان کوربتوب له نړیوالو اړیکو سرغړونه یاده کړې وه او ویلي یې ول، چې طالبان اوس هم په تاوتریخوالي کې لاس لري او کوبتوب باید ترې ونشي.
د ولسي جرګې ځینې غړي تائیدوي، چې د ولسمشرۍ ماڼۍ او بهرنیو چارو وزارت تر منځ جدي اختلافونه شته او یوازې نړیوالو ناستو ته ولسمشر غني د بهرنیو چارو وزارت د سرپرست پر ځای نور دولتي چارواکي لیږي.
مخکې هم د ولسمشرۍ ماڼۍ او بهرنیو چارو وزارت تر منځ اختلافونه ډاګیز شوي وه؛ ولسمشرۍ ماڼۍ د دې وزارت له کړنو څخه د څېړنو امر کړی و، خو د اجرائیه رییس له لیک وروسته، بهرنیو چارو وزارت د ولسمشر فرمان بې اعتباره وباله.
د ځینو راپورونو له مخې؛ دا درېیمه ورځ ده، چې د ملا عبدالغني برادر په مشرۍ طالب استازي او د افغانستان د سولې په چارو کې د امریکا استازی زلمی خلیلزاد په اسلام آباد کې دي او د پاکستان له حکومتي چارواکو سره خبرې کوي.
په قطر کې د طالبانو د دفتر ویاند پاکستان ته د طالب پلاوي او خلیلزاد تر منځ احتمالي لیدنه تائید کړې او څرګندوي، چې که امریکا وغواړي بېرته هوکړې ته راوګرځي؛ دوی هم ورته چمتووالی لري.
د امریکایانو او طالبانو تر منځ د سولې خبرې څه ناڅه یوه میاشت مخکې د امریکا ولسمشر دونالد ترمپ هغه مهال ودرولې، چې د کابل په شش درک کې یوه امریکایي سرتېری او ۱۱ افغانان ووژل شول.
تازه خبرونه
امیرخان متقي په کابل کې د ملګرو ملتونو له ۲۱ کسیز پلاوي سره وکتل
د بهرنیو چارو وزارت چارسمبالي امیرخان متقي د ملګرو ملتونو مالي او اداري مشورتي کمیټې له ۲۱ کسیز پلاوی سره، چې کابل ته د لومړیتوبونو د څېړلو لپاره راغلی؛ په کتنه کې ویلي: اسلامي امارت نهغواړي، چې افغانستان د ډېر وخت لپاره پر بشردوستانه مرستو تکیه وکړي او دا مرستې باید اوس پر کار، کورنیو تولیداتو او صنایعو ولګول شي.
د دغې کمیټې مشر بچار بونګ عبدالله له امیر خان متقي سره په خبرو کې ویلي، چې کابل ته د دوی د سفر موخه په افغانستان کې د یوناما د چارو ارزونه ده او دوی غواړي، چې د افغان لوري لومړیتوبونه وڅېړي او د ملګرو ملتونو عمومي ناستې ته یې وړاندې کړي.
امیرخان متقي د منځنۍ سوداګرۍ وده، پراختیایي پروژو ته پاملرنه، د کروندګرو لپاره د بدیل کښت برابرولو او په بشري مرستو پورې محدود نهپاتې کیدل مهم لومړیتوبونه وګڼل او څرګندوي، چې له څو کلنو جګړو او بې ثباتیو وروسته د ټاپي پروژې، کاسا -۱۰۰۰، افغان ټرانس اورګاډي پټلۍ سترو پرژو عملي کېدو ته زمینه برابره ده.
په دې اړه د بهرنیو چارو وزارت په خبرپاڼه کې رغلي: مرستې بايد په داسې ډول ولګول شي، چې خلکو ته کار پيدا شي، کورني توليدات او صنعت وده وکړي او افغانستان له خپلو بازارونو څخه خپلې اړتياوې پوره کړي او د افغانستان د خصوصي سکټور ملاتړ رامنځته شي. دغه راز د کروندګرو لپاره بدیل کښت برابر او د وړو کسبونو ملاتړ وشي.
د بهرنیو چارو وزارت چارسمبالي زیاته کړې؛ اسلامي امارت نه غواړي، چې په اوږدمهاله بشري مرستو تکیه وکړي، بلکې غواړي د افغانستان ملي اقتصاد پخپلو پښو ودریږي.
د دغې کمیټې غړیو په بېلا بېلو برخو کې د اسلامي امارت لاسته راوړنې وستایلې او څرګندوي، چې په پام کې لري د وضعیت د ارزونې لپاره د افغانستان یو شمېر ولایتونو ته هم سفر وکړي.
افغانستان ته د ملګرو ملتونو د دغه پلاوي سفر په داسې حال کې ترسره کېږي، چې په تېرو درې کلونو کې نړيوالو مرستندويه سازمانونو په افغانستان کې د بېوزلۍ د کچې د زياتوالي او پراخېدو او د مرستو لپاره د بودجې کموالي په اړه څو ځلې خبردارى ورکړى دی.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري4 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
نړۍ19 hours ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه18 hours ago
د پاکستان خاوره د افغانستان پر ضد کارول کیږي