تازه خبرونه
د افغانستان او پاکستان ترمنځ پر پوله د اغزن تار لګول بیا پیل شول
د پاکستان د پوځ لوی درستیز وایي، چې د افغانستان او پاکستان ترمنځ پر پوله د اغزن تار لګول پیل شوي دي.
د پاکستان د پوځ لوی درستیز قمر جاوید باجوه په ډاګه کړې؛ کټارې به لومړی په هغو سیمو کې لګول کیږي، چې وسلوال پرې په آسانۍ تګ راتګ کولی شي.
جنرال باجوه دغه خبره تېره ورځ قبایلي سیمو ته د خپل سفر پر مهال کړې ده.
د پاکستان د پوځ لوی درستیز دغه راز څرګنده کړې، چې د باجوړ او مومند ایجنسۍ له ټولو ډېرې خطرناکې سیمې دي او پوځ به اول په همدغو سیمو کې کټارې لګوي.
جنرال باجوه ويلي، چې افغانستان سره پر کرښه يې د څار او پلټنې تخنيکي نظام جوړ کړی او د بريدگرو د مخنيوي په موخه هوايي گزمې هم روانې دي.
پاکستان څو کاله وړاندې د بلوچستان له چمن څخه تر پکتيکا ديورند کرښې ته څېرمه خنډقونه کيندلي او ورسره يې خيبر او کرمې ايجنسيو په ځينو سيمو کې هم اغزن مزی لگولی و.
پاکستان د مخکيني ولسمشر حامد کرزي د واکمنۍ پر مهال هم پر ډيورنډ کرښه د اغزن مزي لگولو هوډ کړی و؛ خو کرزي يې مخالفت وکړ او په دې اړه يې د پاکستان څرگندونې رد کړې وې.
د پاکستان د پوځ په اعلامیه کې ویل شوي، چې له افغان مقاماتو سره د پولې مدیریت او امنیت په اړه خبرې شوي دي.
افغان حکومت د پاکستان د دغه چارواکي د څرګندونو په اړه تر دې دمه څه نه دي ویلي.
د پاکستان رسنيو پر ديورند کرښه د اغزن مزي د لگولو خبر په داسې وخت کې خپور کړی، چې دوه اوونۍ وړاندې په لندن کې د افغانستان او پاکستان ترمنځ د لوړې کچې خبرې اترې شوې وې. دې ناستې ته د افغانستان د ملي امنيت سلاکار حنيف اتمر او د پاکستان پر استازیتوب د لومړي وزير نواز شريف د بهرنيو اړيکو سلاکار سرتاج عزيز ورغلي وه.
په اسلام آباد کې د افغانستان سفير عمر زاخېلوال ويلي وه، چې په دې ناسته کې به د لارو پر پرانيستو سربېره په دواړو هېوادونو کې د ترهگريزو بريدونو په مخنيوي خبرې هم وشي.
که څه هم تراوسه د لندن ناستې جزيات رسنيو ته څرګند شوي نه دي؛ خو يو شمېر څارونکي وايي، چې اتمر له پاکستانيو چارواکو سره پر «سرحدي مديريت» خبره کړي او پاکستان له دغې ناستې وروسته پر ديورند کرښه د اغزن مزي د لگولو کار پيل کړ.
د لندن په ناسته کې دا هم ویل شوي وه، چې خوندي او سوله ییزه پوله د دواړوهېوادونو په ګټه ده.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ