عاجل خبرونه

د افغان بیسیم او آریانا تلویزیون پرملتیا د قرآنکریم د ښه تلاوت سیالۍ پای ته ورسیدې

(Last Updated On: June 1, 2019)

د افغان بیسیم مخابراتي شرکت  لخوا د قرآن کریم د ښه تلاوت سیالۍ، چې د آریانا تلویزیون پر ملتیا جوړې شوې وې؛ پای ته ورسیدي.

د قران کریم د ښه تلاوت سیالۍ، چې د افغان بیسیم مخابراتي شرکت لخوا د آریانا تلویزیون پرملتیا پیل شوې وې؛ له پېنځه سوه قاریانو لس یې د غوره قاریانو جایزې واخیستې.

د بلخ حمیدالله، د  میدان وردګو سید رضا او د هرات صادق په ترتیب له لومړي تر درېیم مقامونه وګټل.

د افغان بیسیم مخابراتي شرکت رییس امین رامین وایي، چې له لومړي ترپېنځم مقام ګټونکیو ته نغدي جایزې او ډالۍ هم ووېشل شوې.

د آریانا تلویزیون مسوول خوشحال آصفي وایي، رسنۍ باید د دیني فرهنګ په پراختیا کې مرسته وکړي.

د قرآن کریم د  ښه تلاوت څارونکی قاري امان الله احمدي له دې سیالیو هرکلی کړی او تینګار کوي، چې قرآني سیالۍ باید په نورو میاشتو کې هم روانې وساتل شي.

مسوولین وایي، د سیالیو څارونکي ډېر تکړه  کسان دي او په دې هڅه کې ول، چې د دغو سیالیو معیاري اړخ زیان ونه ویني.

About Ariana News

Avatar

Check Also

په کندوز ۱۸ پاڅونوالو او پولیسو ته مرګ و ژوبله اوښتې

(Last Updated On: October 22, 2019)د کندوز د ولایتي شورا مرستیال ویلي، چې د دې …