تازه خبرونه
د خوست د صبریو پر پوځي مرکز موټر بم برید ۲۷ کسانو ته مرګ و ژبله اړولې
په خوست کې موتربم چاودنې د ملي اردو یو سرتېری وواژه او د لس نورو سرتېرو په ګډون یې ۲۶ ملکي کسان ټپیان کړل.
دا برید د جمعې په سهار ۶ بجې د خوست د صبریو ولسوالۍ په یعقوبیو سیمه کې د ملي اردو پر امنیتي مرکز شوی.
چارواکي وایي، له موتربم وروسته وسلوال برید هم شوی او وایي، چې څو بریدګر هم وژل شوې دي.
د جمعې په سهار وسلوالو د خوست د صبریو ولسوالۍ د یعقوبیو په سیمه کې د ملي اردو یو مرکز په نښه کړ؛ لومړۍ یې موتربم چاودنه ورکړه او ورپسې وسلوال برید پیل شو.
عیني شاهدان هر یو نظام خان او محمد الله وایي، چاودنه دومره زوروره وه، چې د امنیتي مرکز د ویجاړیدو ترڅنګ یې په سیمه کې لسګونه کورونه هم ویجاړ کړې دي.
که څه هم په سویل ختیځ کې د ملي اردو ۲۰۳ تندر قول اردو په یوه اعلامیه کې د خپل یوه سرتېري وژل کیدل او د پېنځه نورو ټپیان کیدل تائید کړي.
یوه بله امنیتي سرچینه د نوم نه ښودو په شرط وایي، چې د موتربم په دې چاودنه کې یو افغان سرتېری وژل شوی او ۱۰ نورټپیان دي.
د صبریو ولسوالۍ اداري مدیر وایي، د دغه چاودنې له امله څلور جوماتونه، یوه دیني مدرسره، یوه ښوونځي او تر څلوېښتو پورې کورونه هم ویجاړ شوې او د ښځو او ماشومانو په ګډون ۱۶ ملکي وګړي ټپیان دي.
د دې امنیتي مرکز سرتېرو که څه هم سخت حالت تېر کړی؛ خو اوس هم ډاډمن دي او وایي، که یو څاڅکی وینه یې په تن کې وي هم به له خپلې خاورې ساتنه کوي. کلیپ.
په خوست کې ۲۰۳ تندر قول اردو لومړۍ لوا قومندان جنرال محمد ناصر هدایت وایي، بریدګرو له موتربم چاودنې وروسته وسلوال برید هم ترسره کړی، چې هڅه یې کوله، یاد امنیتي مرکز ته دننه شي؛ خو افغان سرتېرو یې برید پر شا تمبولي او بریدګر وژل شوي دي.
د بريد مسووليت وسلوالو طالبانو پرغاړه اخيستی دی.
طالب ویاند ذیبح الله مجاهد ادعا کړې، چې له شپېته ډېر حکومتي سرتېرو ته يې مرګ و ژوبلې اړولې ده؛ خو چارواکي يوازې د يوه سرتېري مړينه تائيدوي.
خبریال: فریدالله ظاهر
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی24 hours ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه