د خصوصي او نادولتي بنسټونو کارمندانو ته د تقاعد حق ورکړ شو

(Last Updated On: December 2, 2019)

د کار او ټولنیزو چارو وزارت د دوشنبې پر ورځ( د لیندۍ ۱۱) ومنله، چې ولسمشرۍ ماڼۍ د خصوصي سکتور او نادولتي بنسټونو کارمندانو ته د تقاعد د حق مقرره تصویب اود پلې کیدو وړ شوه.

د یاد وزارت په خبرپاڼه کې راغلي، چې: د نادولتي( خصوصي) بنسټونو د کارمندانو د تقاعد د حق مقرره په درې فصلونو او ۲۲ مادو کې د وزارت لخوا ترتیب او د (افغانستان د اسلامي جمهوریت) د ولسمشر د حکم له مخې نافذ ده.

د کار او ټولنیزو چارو وزارت د خبرپاڼې له مخې؛ د دغه تقنیني سند پربنسټ نادولتي او خصوصي بنسټونه اړ دي، چې خپلو کارمندانو ته د هر یو کال کار په بدل کې یوه میاشت تنخوا ورکړي.

سربېره پردې یاد وزارت زیاته کړې، چې دا د نادولتي موسسو د کارمندانو لپاره د تقاعد د ورکړې په اړه لومړی قانوني سند او یو لوی ګام دی؛ ځکه، چې ډېر شمېر افغانان د خصوصي سکتور لخوا پر دندو ګمارل کیږي او باید د تقاعد له حقه برخمن شي.

ویل کیږي، چې افغانستان د کارګرانو ټولنیز او اقتصادي وضعیت ته په کتو د نړۍ تر ټولو بېوزلی هېواد دی.

About Ariana News

Avatar

Check Also

ولسي جرګې له ماشومانو څخه د ملاتړ قانون تصویب کړ

(Last Updated On: December 9, 2019)په ولسي جرګه کې له اته کلونو وروسته د ماشومانو …