عاجل خبرونه

د غزني د قرباغ ولسوالۍ د خلکو لانجه د بندیانو په تبادله پای ته ورسیده

(Last Updated On: مارچ 17, 2018)

د غزني د قرباغ ولسوالې د نیخته او شېرآباد کلیو د اوسیدونکیو لانجه د دواړو لوریو د بندیانو په تبادله پای ته ورسیده .

د غزني د قرباغ ولسوالۍ د نیخته او شېرآباد کلیو د اوسیدونکیو ترمنځ له پخوا راهیسې د اوبو لانجه وه؛ خو هغه وخت یې زور واخیست، چې د شېرآباد کلي اوسیدونکیو ادعا وکړه، چې دوه کلیوال يې د نیخته کلي د اوسیدونکیو له خوا وژل شوي او څو نور برمته دي. دوی پېنځه ورځې د کابل ـ کندهار لار وتړله؛ خو په پای کې یې د نیخته د کلي دوه کسان هم ووژل.

حکومت د دې ستونزې د حل په موخه پلاوی ولیږه.

د پلاوي مشر محمد عارف شاه جهان وايي، د نیخته کلي څو اوسیدونکي د شېرآباد له اوسیدونکیو سره بندیان ول، چې وتوانیدو اسیران تبادله او ستونزه حل کړو.

 که څه هم د دواړو کلیواوسیدونکي د پلاوي له پرېکړه خوښ دي؛ خو وايي، دا ستونزه په اساسي توګه نه ده حل شوې.

د غزني والي عبدالکریم متین په شېر آباد کلي کې د طالبانو د اړوند وسلوالو شتوالی مني؛ خو تر دې دمه د شېرآباد کلي خلکو د نوموړي د څرګندونو په اړه څه نه دي ویلي.

له مرکزه د ورغلي پلاوي غړيو ویلي، که څه هم دا ستونزه په اساسی توګه نه ده حل شوې؛ خو مرکزي حکومت حاضر دی، چې د نوې لانجې له پیدا کیدو سره بیا دا لانجه حل کړي.

About Ariana News

Check Also

د ولسمشرۍ مانۍ مخې ته د عدالت غوښتنې لاریون تر سره شو

(Last Updated On: نوومبر 12, 2018) سلګونه کسانو د دوشنبې پر ورځ( د لړم ۲۱) …