د ختیځوالو په غوښتنه مې شپني عملیات بند کړي- اشرف غني

(Last Updated On: September 20, 2019)

ولسمشرۍ ته نوماند اشرف غني په جلال آباد کې یوې ټاکنیزې ناستې ته ومنله، چې په خوږیاڼو کې د صفر دوه قطې پر شپنیو عملیاتو ملکي وګړي وژل شوي او څرګندوي، چې د ختیځوالو په غوښتنه یې دغه عملیات بند کړي او د شهیدانو پوښتنه به هم وکړي.

د دولت جوړوونکې ټاکنیزې ډلې مشر اشرف غني خلکو ته ډاډ ورکړ، چې که دا ځل ولسمشر شوم؛ د شپني قطعاتو په تشکیلاتو کې به بنسټیز بدلونونه راولم او ختیځوالوته به ډېر پام وکړم.

هغه ادعا وکړه، چې په تېره دوره کې یې ډېرخدمتونه کړي او زورواکان یې مهار کړي دي.

ښاغلي غني په ډاګه کړې، چې زه ټوله ورځ د افغان هېواد د خیر لپاره کار کوم او سیال مې ټوله ورځ ځان سینګاروي او خوبونه کوي. نور؛ نو ستاسې خوښه، چې څوک ټاکئ.

د غونډې په پای کې ځینو ګډونوالو غونډې ته پر راتګ پېښماني ښکاره کړه او څرګندوي؛ له ښاغلي غني یې داسې څه وانه وریدل، چې خپل راتلوونکې ته هیله من شي.

دوی وایي، دغه نوماند بریالی نشو، چې خلکو ته خپله برنامه وړاندې کړي؛ داسې وغږیده، چې خلک ورته چاچکې وکړي.

ځېنو دا هم وویل، چې غونډې ته د پیسو په بدل کې راغلي وه.

د غونډې لپاره اوس یوه ورځ وړاندې د ښار ګڼې لارې تړل شوې وي او د جمعې پر ورځ د ښار یو شمېر سیمو ته د تګ راتګ اجازه نه ورکول کیده او له همدې کبله د ننګرهار ځینې مخورګیله من شوي هم دي.

قومي مشر حاجي شیراحمد شینواری وایي؛ نیوکه مې داده، چې ښار بند و او ولسونه مو په تکلیف شول. زما سیاسرې، سپین ږیري او ناروغان له ستونزو سره مخ شوي او هر چا دوه ساعته پر پښو ځانونه تر کورونو رسولي.

په ننګرهارکې د اشرف غني شاوخوا ۴۰ کمپایني دفترونه دي، چې تراوسه یې میلیونونه افغانۍ پرکمپاین لګولي دي. د ځېنو دفترونو مسوولینو یې ادعا کړې، چې د دوی د ښه کمپاین له برکته ډېرخلک غونډې ته راغلي وه.

خبریال: رحمت الله زیارمل

About Ariana News

Avatar

Check Also

په مزارشریف کې د سولې د ټینګښت او ستونزو په اړه بحث ترسره شو

(Last Updated On: October 17, 2019)د آلمان د فریدریش ایبرت بنسټ په مزارشریف کې د …