عاجل خبرونه

د بادغیس په هوايي بریدونو کې لس ولسي وګړي وژل شوي

(Last Updated On: July 20, 2019)

د بادغیس ولایت په بالامرغاب ولسوالۍ کې جګړو زور اخیستی او د افغان هوایي ځواکونو په بریدونو کې د یو ماشوم او دوه ښځو په ګډون لس ولسي وګړي وژل شوي دي.

 په ولسي جرګه کې د بادغیس د خلکو استازي وايي؛ د بالامرغاب ټولې سیمې د وسلوالو طالبانو په لاس کې دي او یوازې د ملي اردو یو کنډک، چې اوس پرې جګړه روانه ده له دولتي ځواکونو سره دی.

په ولسي جرګه کې د بادغیس د خلکو استازی ضیاالدین اکازی وايي، چې په هوايي بریدونو کې لس ولسي وګړي وژل شوي دي.

ښاغلی اکازی پر حکومتي چارواکو نیوکه کوي، چې د ولسي وګړیو ژوند ته پام نکوي.

د بادغیس والي عبدالغفور ملکزی بیا وايي، چې د افغان ځواکونو په هوايي بریدونو کې شپږ ولسي وګړي او شل وسلوال طالبان وژل شوي دي.

د بادغیس مدني فعالان په ابکمري ولسوالۍ کې د کوماندو سرتېرو تلفات او د بالامرغاب ولسوالۍ سقوط سخت اندېښمن کړي دي.

امنیتي چارواکو ویلي، چې ډېر ژر به تازه دمي ځواکونه او پوځي تجهیزات د طالبانو د سنګرونو د ویجاړولو لپاره دغه ولایت ته ولیږل شي.

About Ariana News

Avatar

Check Also

افغانستان د سولې له هوکړې سره سم نږدې ۸ میلیارد دالرو ته اړتیا لري- نړیوال بانک

(Last Updated On: December 6, 2019)نړیوال بانک پخپل یو تازه راپور کې په ډاګه کړې؛ …