عاجل خبرونه

د ( اترا) مرستیال باید لویې څارنوالۍ ته وروپېژندل شي- نی

(Last Updated On: November 5, 2017)

د افغانستان د آزادو رسنیو ملاتړ ادارې مسوولین وايي، چې د مخابراتو د تنظیم ادارې( اترا) مرستیال باید لویې څارنوالۍ ته وروپېژندل شي؛ ځکه، چې د تلګرام او وتس اپ د تړلو واک نلري.

حکومت تلګرام او وتس اپ ټولنیزې شبکې تړلي؛ خو په وړاندې یې غبرګونونه را پاریدلي دي.

د افغانستان د آزادو رسنیو ملاتړ اداې یا نی رییس احمد مجیب خلوتگر وايي، چې د مخابراتو د تنظیم ادارې یا اترا مرستیال د تلګرام او وتس اپ د تړلو واک نلري.

د هغه د څرګندونو له مخې؛ حکومت له دغه کار سره د بیان آزادي او قانون تر پښو لاندې کړي او غوښتنه کوي، چې د اترا ادارې مرستیال باید  لویې څارنوالې ته وروپېژندل شي.

د افغانستان د آزادو رسنیو ملاتړ ادارې په ۵ ولایتونو کې له یو سل و پنځوس خبریالانو سره خبرې کړي او ویلي یې دي، چې د پوښتل شویو خبریالانو دېرش په سلو کې وتس اپ او تلګرام ته لاسرسی نه درلود او پاتې نوروهم نه شو کولی، چې په بشپړه توګه دغه ټولنیزې شبکې وکاروي.

خبریال نوید احمدي له خبري سرچینو سره خپلې اړیکې پرې بولي او وایي، چې حکومت غواړي د خبریال ډاډمنې اړیکې له خبري سرچینو سره پرې کړي او په دې توګه خبریالان تر سانسور لاندې راولي.

د مخابراتو او معلوماتي تکنالوژۍ وزارت ویاند نجیب ننګیال وايي، چې دوی د لنډ وخت لپاره وتس اپ او تلګرام تړلي دي.

هغه زیاتوي، چې د دغو شبکو تړل د آزادۍ له بیان سره هیڅ تړاو نلري.

د اترا ادارې په مکتوب کې دا هم راغلي وه، چې پر وتس اپ او تلګرام سربېره د فیسبوک او تویتر ځینې حسابونه هم تړي؛ هغه څه، چې په ټولنیزو شبکو کې پرې سختې نیوکې وشوې.

د مخابراتو او معلوماتي تکنالوژۍ وزارت مسوولین وايي، چې پر تلګرام او وتس اپ یې د کنترول پیدا کولو لپاره دغه کار کړی دی.

خبریال: باعث حیات

About Ariana News

Avatar

Check Also

په کندوز ۱۸ پاڅونوالو او پولیسو ته مرګ و ژوبله اوښتې

(Last Updated On: October 22, 2019)د کندوز د ولایتي شورا مرستیال ویلي، چې د دې …