تازه خبرونه
په ننګرهار کې بې پایلوته الوتکې ۱۳ ملکي وګړي وژلي او ۱۷ نورټپيان دي
د ننګرهار په اچین ولسوالۍ کې بې پایلوته الوتکې په یوه برید کې دیارلس ملکي وګړي وژلي او اووه لس نورټپيان دي.
د چهارشنبې د سهارپه درې بجو د بهرنیو ځواکونو یوې بې پایلوته الوتکې د ننګرهار د اچین ولسوالۍ په شډل سیمه کې د ځايي اوسیدونکیو یو کور بمبارد کړی.
قومي مشر محمد کمین وايي، په برید کې د درې مخورو په ګډون دیارلس کسان وژل شوي او اووه لس نور ټپيان دي، چې ماشومان هم په کې دي او ټول ملکي یې وګړي دي.
د اچین ولسوالۍ یو بل قومي مشر محمد عثمانپه ډاګه کړه، چې قربانیان په سیمه کې د رییس په نوم د یوه کس ستړې مشۍ ته، چې تازه له حج څخه ستون شوی و راټول شوي وه.
عیمي شاهد واصل خان وايي، خپله حاجي رییس او د هغه د کور درې کسان وژل شوي او شپږ نورټپيآن دي.
د دوی پخه وینا؛ د حاجي رییس شپږ خپلوان، چې د هسکې مینې ولسوالۍ څخه د هغه ستړي مشې ته راغلی وه هم وژل شوي دي.
ټپيان د جلال آباد مرکزي روغتون ته لیږدول شوي، چې د درې تنو یې روغتیايي حالت خراب دي.
د ننګرهار امنیه قومندانۍ په خبرپاڼه کې ویلي، په دې برید کې د قومندان حمزه او د قاضي محمد په ګډون د داعش اتلس وسله وال وژل شوي؛ خو د والي ویاند بیا یوازې د پېښې پخلی کوي او وايي، د قربانیانو په اړه څېړنې روانې دي.
د ننګرهار والي ویاند عطاالله خوږیاڼی وایي، محمد نومی قومندان وژل شوی نه دی، بلکې د جلال آباد په روغتون تر درملنې لاندې دی.
نوموړي زیاته کړې، چې سیمې ته د یو پلاوی لیږل شوي او په اړه به یې بشپړ معلومات رسنیو ته ورذوسته وړاندې شي.
له دې دوه کاله وړاندې بهرنیو ځواکونو په اچین ولسوالۍ کې د ملي پولیسو یوه پوسته بمبارد کړې وه، چې په کې یو شمېر سرتېري مړه او ژوبل شوي وه.
خبریال: رحمت الله زیارمل
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ