تازه خبرونه
پر تورخم راستانه شوي کډوال تر شنه آسمان لاندې سختې شپې تېروي
له پاکستان څخه پر تورخم راستانه شوي کډوال د ننګرهار په دښتو کې تر شنه اسمان لاندې سختې شپې تېروي.
په راستنیدوونکیو کې هغوی طالع لري، چې پاکستان کې ثبت شوي؛ خو کیسه د هغوی خرابه ده، چې نه پاکستان کې راشن ورکول شوی او نه اوس د مرستو مستحق ګڼل کیږي.
د ننګرهارد کډوالو اداره وايي، هره ورځ دا ډول زر کډې له تورخم راوړي. راستنې شوې کورنۍ له ګڼو هیلو سره راروانې دي. دوی نه غوښتل، چې د افغانستان په دې ګرمه جګړه کې له پاکستان څخه راشي؛ خو نور یې نه پرېښودل.
په دوی کې ډېرې داسې کورنۍ دي، چې یا یې کور کلی د جګړې ګرم میدان دی او یا یې مېنې د شپې د تېرولو نه دي.
یو شمېر کورنۍ، چې د کرایه کور وس لري، له کډو بارموټر په ښارکې کوڅه په کوڅه کور پسي ګرځي؛ خو هغوی، چې دا وس هم نه لری ترشنه آسمان لاندې د ژوند سختې شپې تېروي.
دوی سرپنا او لومړنۍ آ سانتیاوې غواړي.
د ننګرهار د کډوالو ادارې رييسغلام حیدر فقیرزی وايي، په تورخم کې له هغو کورنیو سره ، چې نغدې پیسې نه دي ورکړ شوي مونږ او خیریه ادارې له دغو راستنيدونكیو سره د خوراکي توکو بېلابېلې مرستې کوو.
د مرستو پر وېش ګڼې نیوکې موجودې دي.
ډېر کډوال وايي؛ هغوی، چې رښتیا اړ دي او لاسنیوي ته اړتیا لري؛ ورته مرسته نهرسیږي؛ خو هغوی، چې پېژندګلوي لري مرستو پسې مرستې ورکول کیږي.
دا په داسې حال کې ده، چې هره ورځ د تورخم له لارې په اوسط ډول له پاکستان څخه زر کورنۍ افغانستان ته راستنیږي.
خبریال: رحمت الله زیارمل
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ