تازه خبرونه
پاکستان د طالبانو په وړاندې عمليات نه کوي
د پاکستان د لومړي وزیر د ملي امنیت سلاکار سرتاج عزیز وايي چې هېواد به يې په خاوره کې د افغاني طالبانو په خلاف پوځي عملیات ونه کړي.
ده د افغان ولسمشر هغه غوښتنه هم رد کړه چې ګواکي پاکستان دې د وسله والو طالبانو د چارواکو پرخلاف ګامونه پورته کړي. سرتاج عزیز ویلي چې لاهم باید د خبرو لاره غوره شي. د افغانستان ولسمشرۍ ماڼۍ بیا وايي چې جګړه د پاکستان له خوا په افغانستان تپل شوې ده.
د پاکستان د لومړي وزیر د ملي امنیت سلاکار سرتاج عزیز ویلي چې د وسله والو طالبانو پر خلاف د افغان دولت څوارلس کلنه جګړه ناکامه ده. ده ویلي چې په خپله خاوره کې به د افغان طالبانو پر خلاف پوځي عملیات ونه کړي.
د پاکستان د لومړي وزیر د ملي امنیت سلاکار سرتاج عزيز وايي: “افغانستان تلوار لري چې که خبرې نه پیلېږي نو باید د جګړې لاره غوره شي. هغه لاره چې څوارلس کاله یې هېڅ پایله ورنه کړه. زه د افغان ولسمشر هغه غوښتنه چې مونږ په خپله خاوره کې د طالبانو رهبران وځپو، ردوم. “
عزیز ویلي چې افغان رهبران ځکه په غوسه دي چې له وسله والو طالبانو سره د سولې خبرې پیل نه شوې.
سرتاج عزيز زیاتوي: “طالبان د کومې ځانګړې سیمې په نیولو نه دي بریالي شوي. که په جګړه کې دریځ او پايښت وساتل شي، نو وسله وال طالبان به اړ شي چې له دولت سره سوله وکړي. سوله هغه څه نه ده چې په دوو یا څلورو اونیو کې پایله ورکړي. زه د افغانستان مصالحې له پاره د سولې له خبرو پرته بله لاره نه وینم.”
د ولسمشر د ویاند مرستیال دواخان مینه پال وايي: “جګړه د پاکستان له خوا په افغانستان تپل شوې ده. د ولسمشر د ویاند مرستیال وايي چې پاکستان وسله وال طالبان د سولې خبرو ته را ونه بلل بلکې جګړې ته یې نور هم وهڅول.”
دا په داسې حال کې ده چې د ناټو عمومي منشي په اروپا کې ویلي چې داعش په افغانستان کې د ستونزو د زیاتېدو لامل شوی او نړیوال سرتېري د وسله والو طالبانو له سخت مخالفت سره مخامخ دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ