تازه خبرونه
ولسمشریزو ټاکنو ته د نوماندانو هڅې روانې دي
د چارواکو د څرګندونو له مخې؛ د نور الحق علومي، احمد ولي مسعود او انوارالحق احدي په ګډون شپږ کسانو له ټاکنیز خپلواک کمیسیون څخه ولسمشریزو ټاکنو ته د نوماندۍ معلوماتي کڅوړې تر لاسه کړي دي.
د ولسي جرګې د ټاکنو د کار تر څنګ نورو ټاکنو ته هم چمتووالی نیول شوی، چې ښیي ارګ به بیا د پېنځه کلونو لپاره څوک تر لاسه کړي.
د ټاکنو خپلواک کمیسیون د څرګندونو له مخې؛ تر اوسه پورې شپږ کسانو په ټاکنیز خپلواک کمیسیون کې د ولسمشرۍ ټاکنو ته د نوماندۍ لپاره معلوماتي کڅوړې اخیستي دي. په دوی کې د نور الحق علومي او انوار الحق احدي تر څنګ احمد ولي مسعود هم د پنجشنبې پر ورځ په یوه غونډه کې ولسمشریزو ټاکنو ته ځان نوماند اعلام کړ.
د ولسمشرۍ ټاکنو ته احتمالي نوماند احمد ولي مسعود وایي: له تېرو ۱۷ کلونو راپدیخوا سره له دې، چې د ولسمشرۍ د مرستیالۍ او د بهرنیو چارو وزارت تر څنګ ډېرې څوکۍ راته وړاندیز شوي؛ خو ما ونه غوښتل، چې دا نمایشي څوکۍ ومنم او خپل هېوادني ارزښتونه تر پښو لاندې کړم. دا ځل غواړم د ملي وفاق له پروګرام سره په ولسمشریزو ټاکنو کې سیالۍ ته ودریږم.
د مرغومي لومړۍ نېټې ته یوه ورځ پاتې ده؛ خو تر اوسه پورې د سیاسي ډلو تر منځ په دې سلا نده راغلې، چې څوک به د ولسمشریزو ټاکنو نوماند وي. زیاتره کسان، چې غواړي ځان نوماند کړي، تر اوسه ندي توانیدلي مرستیالان پیدا کړي.
د ټاکنو خپلواک کمیسیون وایي، د ولسمشرۍ له ټاکنو مخکې په دې بنسټ کې جدي سمونونه راځي.
د ټاکنو خپلواک کمیسیون د ویاند مرستیال عبدالعزیز ابراهیمي وایي: مونږ ولسمشریزو ټاکنو ته له ۶۰ تر ۷۰ سلنه چمتوالی لرو. د شنبې پر ورځ( د مرغومي لومړۍ) ولسمشریزو ټاکنو ته د نوماندانو نوملیکنه پیلیږي؛ خو ولسمشرۍ له ټاکنو مخکې غواړو په دې بنسټ کې تشکیلاتي سمونونه رامنځته شي.
د نوموړي د څرګندونو له مخې؛ د ولسمشریزو ټاکنو پر وړاندې لوی خنډ ناامني ده او دغه راز له حکومت او نړیوالې ټولنې سره د ټاکنو د بودجې په اړه هم خبرې کیږي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ